Հայկական ֆուտբոլի 2019-20 մրցաշրջանը դեռ նոր է ավարտվել, սակայն հաջորդին հաշված օրեր են մնացել, ու ակումբներն ակտիվորեն պատրաստվում են: Թարմություն են մտցնում ոչ միայն թիմերի կազմերում, այլեւ մարզիչների հարցում: Մարզչական հնչեղ մի քանի փոփոխություն արդեն իսկ տեղի է ունեցել:

Դրանցից մեկը Վարդան Բիչախչյանի՝ «Շիրակից» հեռանալն էր: Բիչախչյանը հայաստանյան ֆուտբոլի լավագույն մարզիչներից է, որը երկար տարիներ աշխատել էր «Շիրակում»: Նրա գլխավորությամբ թիմը մշտապես լավ ելույթներ էր ունենում: Բիչախչյանի գնալու հայտարարության հետ մեկտեղ գյումրեցիների պաշտոնական կայքը հաստատել էր նաեւ պտտվող խոսակցություններն այն մասին, որ մասնագետը գլխավորելու է Երեւանի «Արարատը»: Շուտով այդ մասին հայտնել էր նաեւ երեւանյան ակումբը, իսկ մասնագետը խոսել էր որոշման մասին:

«Արդեն 10 տարի է՝ ես աշխատում էի «Շիրակում», որտեղ որպես ֆուտբոլիստ եւս անցկացրել եմ երկար տարիներ: Կարծում եմ, որ մարզչական գործում 10 տարին պատկառելի ժամանակահատված է եւ հասունացել էր այն պահը, որ պետք էր փոփոխությունների գնալ»,- ասել է նա «Արարատի» մամուլի ծառայության հետ զրույցում:

Բիչախչյանի գլխավորությամբ «Շիրակը» 5 տիտղոս է նվաճել: 1 անգամ դարձել է Հայաստանի Բարձագույն խմբի առաջնության չեմպիոն, 2 անգամ՝ գավաթակիր, 2 անգամ՝ սուպերգավաթակիր: Այս փոփոխությանը, որին մասնագետը գնացել է, պետք է սովորի ոչ միայն նա, այլեւ հայ երկրպագուն, որը սովոր է նրան «Շիրակի» ղեկին տեսնել:

Ընդհանրապես «Շիրակից» կարծես «արտագաղթ» է սկսվել դեպի «Արարատ»: Այն բանից հետո, ինչ փոփոխություն է տեղի ունեցել «Արարատի» ղեկավար կազմում՝ նոր գործադիր տնօրեն է նշանակվել Արթուր Նազարյանը, այս ակումբ են տեղափոխվել նաեւ «Շիրակի» մի շարք ֆուտբոլիստներ: Նրանց թվում են Հրայր Մկոյանը, Էդգար Մալաքյանը, Վսեւոլոդ Երմակովը, Կարեն Մուրադյանը, Դավիթ Մանոյանը: Ինչ վերաբերում է «Շիրակի» գլխավոր մարզչի պաշտոնին, ապա այն կարճ ժամանակով ազատ մնաց: Թիմը գլխավորել է նախկին ավագը՝ Տիգրան Դավթյանը:

Մյուս հնչեղ փոփոխությունը կապված է «Արարատ-Արմենիայի» հետ: Մրցաշրջանի ավարտից հետո գլխավոր մարզչի պաշտոնից հեռացավ Վարդան Մինասյանը, որի ղեկավարությամբ թիմը հաջողությունների էր հասել: Առաջնության վերջին տուրում չեմպիոնի տիտղոսը 2-րդ տարին անընդմեջ չեմպիոն դառնալուց հետո լրագրողների հետ զրույցում նա նշել էր, որ պայմանագրի ժամկետն ավարտվել է ու դեռ չգիտի՝ ինչ է լինելու հետագայում: Դրանից հետո ակումբը հայտարարեց նրա հեռանալու մասին ու շնորհակալություն հայտնեց:

Մինասյանի գլխավորությամբ «Արարատ-Արմենիան» 2018-19 մրցաշրջանում առաջին իսկ փորձից Հայաստանի չեմպիոն էր դարձել, հետո նվաճել սուպերգավաթը: Դրանից հետո նույնպես հենց առաջին փորձից հաջող ելույթ էր ունեցել եվրագավաթներում: Պատմական ցուցանիշ էր գրանցել. դարձել էր հայկական ֆուտբոլի առաջին թիմը, որը հասել է եվրագավաթի որակավորման փլեյ-օֆ փուլ: Կես քայլ էր մնում խմբային փուլ դուրս գալու համար, սակայն չստացվեց: Երկուսից քիչ ավելի շաբաթ առաջ՝ հուլիսի 10-ին, նրա գլխավորությամբ թիմը 2019-20 մրցաշրջանի գավաթի եզրափակչում այդ տիտղոսը զիջեց «Նոային», սակայն դրանից հետո նույն «Նոայի» դեմ առաջնության վերջին տուրի խաղում հաղթեց ու կրկին երկրի չեմպիոն դարձավ:

Նրա գնալուց հետո «Արարատ-Արմենիան» գլխավորեց Դավիդ Կամպանյան, որը նախորդ մրցաշրջանում աշխատում էր «Լոռիում»: Իսպանացի մասնագետի առաջին պաշտոնական հանդիպումը թիմի ղեկին կլինի «Նոայի» դեմ սուպերգավաթի խաղը:

«Արարատ-Արմենիայից» եւս մեկ մարզիչ է հեռացել՝ Արտակ Օսեյանը, որն օգնում էր Մինասյանին: Նա նշանակվել է «Փյունիկի» գլխավոր մարզչի պաշտոնում: Այդ տեղը թափուր էր մնացել այն բանից հետո, ինչ հուլիսի 13-ին հայտնի էր դարձել, որ Ռոման Բերեզվոսկին ակումբի հետ երկկողմ համաձայնությամբ խզել է պայմանագիրը:

Մրցաշրջանի ավարտից մի քանի տուր առաջ մարզչական փոփոխություն էր տեղի ունեցել «Ալաշկերտում: Թիմը գլխավորել էր Եղիշե Մելիքյանը: «Ուրարտուում» գլխավոր մարզչի փոփոխություն չի եղել, սակայն հնչեղ անուն է հայտնվել «Ուրարտու 2»-ում: Այն գլխավորել է Հայաստանի հավաքականի նախկին պաշտպան Ռոբերտ Արզումանյանը, որը մի քանի ամիս առաջ հեռացել էր «Փյունիկից»:

Հայկական ֆուտբոլը կվերսկսվի օգոստոսի 9-ին: Այդ օրը Երեւանի ֆուտբոլի ակադեմիայում տեղի կունենա «Նոա»-«Արարատ-Արմենիա» սուպերգավաթի հանդիպումը: Դա կլինի մի քանի շաբաթվա մեջ 3-րդ դեպքը, որ այս 2 թիմերը միմյանց միջեւ տիտղոս են վիճարկում: Օգոստոսի 14-ին կսկսվի Բարձրագույն խմբի 2020-21 մրցաշրջանը: Օգոստոսի 18-ին էլ հայկական ակումբների համար մեկնարկում են եվրագավաթները, որոնցում Հայաստանն են ներկայացնելու «Արարատ-Արմենիան» (Չեմպիոնների լիգա), «Նոան», «Ալաշկերտն» ու «Շիրակը» (Եվրոպա լիգա): Մինչեւ այդ բնականաբար չեն բացառվում նոր նշանակումները:

Տպել
1337 դիտում

ԱՀ նախագահի հրամանագրով՝ արտակարգ իրավիճակների ծառայությունը և ոստիկանությունը կներառվեն ՆԳՆ-ի մեջ

Ուզում ենք դեռևս դինամիկայի մեջ գտնվող պրոցեսը գնահատել․ Սուրեն Գրիգորյանը՝ COVID-19-ի հարցով քննիչ հանձնաժողովի մասին

Նիդեռլանդներում ոստիկանությունը ջրցան մեքենաներ է օգտագործել կորոնավիրուսի նոր սահմանափակումների դեմ ցույցը ցրելու համար

Ստեփանակերտ-Գորիս ճանապարհին մեքենան գլորվել է ձորը. կա 2 զոհ, 1 վիրավոր

Արցախում կորոնավիրուսային հիվանդության 3 նոր դեպք է հաստատվել

Եվրոպան պահանջում է ազատ արձակել Նավալնիին և Ռուսաստանին սպառնում է նոր պատժամիջոցներով

15 տարի շարունակ Կառավարության տարբեր մարմիններ օդաչուների վնասի հատուցման հարցը ձգձգում են՝ խախտելով նրանց իրավունքները

2020 թվականին ՀԴՄ կանոնների խախտման նոր տեսակներ են ի հայտ եկել․ ծրագրային միջամտություն է արվում․ Թամազյան

Ավելի քան 7000 արցախցի երեխաներ դեռ սովորում են Հայաստանի տարբեր դպրոցներում․ ԿԳՄՍ փոխնախարար

Շնորհակալագրեր, մրցանականեր. ամփոփվել է Հարկադիր կատարումն ապահովող ծառայության տարեկան գործունեությունը

ԿԳՄՍ նախարար Վ․ Դումանյանը շնորհավորական ուղերձ է հղել Կրթության միջազգային օրվա առթիվ

Ներքաշվում ենք մի գործընթացի մեջ, որի արդյունավետության գնահատականը աշխարհում դեռ չկա․ Արտակ Մանուկյան

Մեկնարկել է Իրանի ԱԳ նախարարի տարածաշրջանային այցը. առաջին կանգառը Բաքվում է

Կապան, Մեծավան և Մարմաշեն համայնքները ևս 103 միլիոն դրամի տեխնիկա են ստացել

Ստեղծվել է ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով

Ավստրիայի բնակիչները պարտավոր են դիմակների փոխարեն ռեսպիրատորներ կրել, ֆրանսիացիներին խորհուրդ է տրվել հեռախոսով չխոսել

Հերիքնազ Տիգրանյանը ընտրվեց կորոնավիրուսի դեմ պայքարի արդյունավետությունը ուսումնասիրող քննիչ հանձնաժողովի փոխնախագահ

ԱՄՆ-ում հրաձգության հետեւանքով հինգ մարդ է զոհվել

Ստեփանակերտի Հայկավան թաղամասում և Գետափ տեղամասում կիրականացվեն չպայթած զենք-զինամթերքի վնասազերծման աշխատանքներ

Արցախի գյուղերում հաստատվող քաղաքացիների համար առաջիկայում կստեղծվեն տարբեր հնարավորություններ. ԱՀ նախագահ

Հաստատվել է կորոնավիրուսային հիվանդության 58 նոր դեպք. գրանցվել է 8 մահ

Մարիինյան թատրոնի տեխնիկական անձնակազմը տեսագրում և ձայնագրում է Բեթհովենի սիմֆոնիաները Ֆիլհարմոնիկի կատարմամբ

Գիտելիքահեն տնտեսությունն ամբողջովին կյանքի կոչելու համար բավականաչափ մեծ ժամանակահատված է անհրաժեշտ․ պատգամավոր

ԱԽ քարտուղար Արմեն Գրիգորյանը շնորհավորական հեռագիր է հղել Ջեյք Սալիվանին

Երեկ Ֆիզուլիի շրջանից և Հադրութի շրջանի Տումի գյուղի տարածքից հայտնաբերվել է ևս 2 աճյուն, մեկը՝ քաղաքացիական անձի

Արցախ ժամանած բժիշկ-փորձագետների խումբը այցելել է Մարտունու և Ասկերանի շրջանային բուժմիավորումներ

Փակ ու դժվարանցանելի ճանապարհներ, մառախուղ, մերկասառույց. իրավիճակը ՀՀ ավտոճանապարհներին

Հրդեհ Դալարիկ գյուղում. այրվել են կենցաղային իրեր, անվահեծաններ

Չեմ խղճում հայ երեխայի, պետք է սպանել նրանց. ՄԻՊ-ը հրապարակել է ադրբեջանական հայատյացության ապացույցներ (լուսանկարներ)

Շղթայական ավտովթար Երևանում. «Հին Ջրվեժ» ռեստորանի դիմաց բախվել է 9 ավտոմեքենա

Արամ Ա կաթողիկոսը շնորհավորել է ԱՄՆ նորընտիր նախագահ Ջո Բայդենին

Երկար ժամանակով լույս չի լինելու Երեւանի եւ 4 մարզերի որոշ հատվածներում

Գորիս-Տաթև ճանապարհը բքի պատճառով փակ է, կան 100-ից ավել կուտակված մեքենաներ

Մահացել է ճարտարապետ Ստեփան Նալբանդյանը

Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր

Դատարանը կալանավորել է Աշտարակում 19-ամյա տղային սպանելու մեջ կասկածվող 20-ամյա երիտասարդին

Վթարի հետեւանքով 24 ժամ ջուր չի լինի Երեւանում եւ Արարատի մարզում

Ջո Բայդենի նախընտրական արշավի համար 1,5 միլիարդ դոլար է ծախսվել. հավաքվել է ռեկորդային գումար անանուն աղբյուրներից

Ոչ նյութական Ժառանգության պահպանության համար ստեղծվել են հայկական ավանդական խաղերի և ուտելի բույսերի շտեմարաններ