«70 տարեկան մարդ ենք, լսողությունից՝ վատ, ինչո՞ւ չենք կարող տեղավորվել այդտեղ». Մարտի 1-ի գործով տուժողները դժգոհեցին

Երեւանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, այսօր շարունակվում է Մարտի 1-ի գործով ամբաստանյալ Ռոբերտ Քոչարյանի եւ մյուսների գործով դատական նիստը։

Նիստի սկզբում տուժողների ներկայացուցիչ, փաստաբան Սեդա Սաֆարյանը խնդրեց դատարանին տուժողների իրավահաջորդներին թույլատրել գտնվել նիստերի դահլիճի հիմնական հատվածում։ Նշենք, որ նրանք զբաղեցնում են ապակիներից այն կողմ գտնվող հատվածը՝ սոցիալական անհրաժեշտ հեռավորությունը պահպանելու համար։

Դատավոր Աննա Դանիբեկյանը հարցրեց տուժողներին, թե որն է պատճառը, որ ցանկանում են տեղափոխվել դահլիճի հիմնական հատված, ինչին պատասխանեց Մարտի 1-ի զոհերից Գոռ Քլոյանի հայրը՝ Սարգիս Քլոյանը․ «Մոտ 70 տարեկան մարդ ենք, լսողությունից վատ ենք եւ տեսնում ենք ազատ տեղ, ուր կարող ենք նստել, բոլորը քիպ-քիպ նստած են, իսկ մենք երեք հոգի մարդ ենք, ինչո՞ւ չենք կարող տեղավորվել այդտեղ»,- ասաց նա՝ խնդրելով իրենց տեղափոխել դահլիճի հիմնական հատված։

Տուժողի հայտարարությանը առարկեց ամբաստանյալ Արմեն Գեւորգյանի պաշտպան Էրիկ Ալեքսանյանը՝ ասելով, որ իրենք համաձայն չեն դրան եւ ունեն երկու պատճառ․ «Առաջին պատճառն այն է, որ 1․5 մետր հեռավորությունը հնարավոր չի լինելու ապահովել, երկրորդը՝ այն, որ տուժողի իրավահաջորդներից մեկը բազմաթիվ անգամներ խանգարել է գործի քննության բնականոն ընթացքը, եւ ես գտնում եմ, որ երբ նա տեղ զբաղեցնի մեր կողքին, հնարավորություն չենք ունենալու պատշաճ կերպով աշխատելու»,- ասաց պաշտպանը։

Ամբաստանյալ Ռոբերտ Քոչարյանի պաշտպան Հայկ Ալումյանն էլ հարց հղեց դատարանին՝ եթե տուժողների ներկայացուցիչ, փաստաբան Տիգրան Եգորյանը գա եւ դարձյալ զբաղեցնի դահլիճի հիմնական հատվածում նախատեսված տեղը, հնարավոր լինելո՞ւ է արդյոք ապահովել 1․5 մետր հեռավորությունը․ «Դա մենք չենք որոշել, ՀՀ պարետն է որոշել»,- ասաց նա։

Մեղադրող դատախազ Գեւորգ Բաղդասարյանն էլ նշեց, որ անգամ դատավորի հարցը լսելի չէր տուժողներին, ուստի եթե նրանք խնդիր ունեն մասնակցելու, պետք է հնարավորություն տալ, ապահովել այդ պայմանները։ Բաղդասարյանը նշեց նաեւ, թե, ըստ իրեն, որտեղ կարող են նստել նրանք։

Դատախազի այդ առաջարկին արձագանքեց պաշտպան Ալեքսանյանը՝ ասելով․ «Ես կառաջարկեմ, որ պարոն Բաղդասարյանը գա, այստեղ տեղ զբաղեցնի եւ տեսնի՝ հնարավո՞ր է, թե ոչ․ աթոռները ջարդած են, եկեք փորձեք, միգուցե ձեզ մոտ ստացվի»։ Բաղդասարյանը եւս պատասխանեց Ալեքսնայանին, սակայն լսելի չեղավ, թե ինչ։ Դատավոր Աննա Դանիբեկյանը կոչ արեց դադարեցնել վիճաբանությունը։

Միաժամանակ դատավորը որոշեց, որ մեկ հոգի կարող է տեղափոխվել դահլիճի հիմնական հատված՝ պահպանելով սոցիալական հեռավորություն․ «Քանի որ պարոն Եգորյանը դեռեւս չի եկել, նրա գալուց հետո դատարանը կորոշի»,- ասաց դատավորը՝ Սարգիս Քլոյանին առաջարկելով տեղափոխվել։

Տուժողի իրավահաջորդներից մեկն էլ դահլիճի մյուս հատվածից ասաց․ «Լավ, այսքան կարելի՞ է մեզ նսեմացնել, ախր, հարգելի՛ դատարան, 30 տարի տառապել ենք, հանցագործի դեմքին չնայե՞մ»,- ասաց նա:

Դատավորը կարգադրիչներին խնդրեց վերցնել խոսափողը նրա ձեռքից եւ հետաքրքրվեց՝ արդյոք տուժողները չեն առարկում իրենց փաստաբանի բացակայությամբ նիստը շարունակելուն։ Առարկություն չհնչեց, եւ նիստը շարունակվեց։

Տպել
577 դիտում

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)