Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

10/07/2020 schedule19:23

Աշխատանքից զանգվածային ազատումներ չեն լինելու։ Այս մասին այսօր լրագրողների հետ զրույցում հայտարարեց «Թիմ» ՍՊԸ-ի հիմնադիրներից Հայկ Եսայանը՝ անդրադառնալով «Բիլայն»-ի աշխատակիցների բողոքներին։

Նշենք, որ այսօր ե՛ւ ՏՄՊՊՀ-ն ե՛ւ ՀԾԿՀ-ն համաձայնություն են տվել «ՎԵՈՆ Արմենիա»-ի 100 տոկոս բաժնետոմսերը «Թիմ» ՍՊԸ-ին վաճառելու դիմումներին։ Դրանից հետո «Բիլայն»-ի աշխատակիցները ՀԾԿՀ-ի մոտ բողոքում էին, քանի որ չէին ցանկանում ընկերությունը վաճառվի։

Հայկ Եսայանը խոսելով «Բիլայն»-ի աշխատակիցների հնարավոր ազատումների մասին՝ նշեց. «Իրենց ներուժը պետք է, մենք ընդամենն ասում ենք, որ մարդկային ռեսուրսի կարիք ունենք եւ ավելի մեծ ուժով կարող ենք աշխատանքներ իրականացնել։ Արդեն 20 տարի է՝ մենք այս ոլորտում ենք, եւ միշտ նկատում ենք մարդկային ռեսուրսի պակաս։ Եվ հիմա ընդհանրապես խնդիր չեմ տեսնում այդ աշխատանքների հետ կապված։ Մենք կորոնավիրուսի օրերին հիմնեցինք «Թիմ» ընկերությունը եւ ստեղծեցինք 400 աշխատատեղ։ Հիմա արդեն երկու ընկերությունների աշխատակազմը միացնելու ենք, որ ավելի մեծ ռեսուրս ունենանք»։

Եսայանի խոսքով՝ ընկերությունների միավորմամբ երկրում ավելի շատ աշխատատեղեր են ստեղծվելու, քան այսօր կա։

Դիտարկմանը, թե «Բիլայնի» աշխատակիցները մտավախություն ունեն, որ իրենց փոխարեն աշխատանքի կանցնեն «Յուքոմ»-ից իրենց հետ աշխատանքից ազատված 500 աշխատակիցները, Եսայանն արձագանքեց, որ իրենք նման կերպ չենք վարվելու եւ նման մտադրություն չունեն։

«Այդ աշխատակիցներն այսօրվա խնդիրները լուծելու համար են աշխատում, իսկ մենք նոր խնդիրներ ենք առաջ բերելու, եւ նոր աշխատակիցներ ենք ներգրավվելու։ Չգիտեմ՝ ինչու են մարդիկ այդպիսի մտահոգություն հայտնում, բայց կարծում եմ՝ ուղղորդողներ կան»,- նշեց նա։

Հարցին՝ ինչպե՞ս է վերաբերվում այն մեղադրանքներին, թե վերջին օրերին «Յուքոմ»-ի կապի խափանումները կապված են Եսայան եղբայրների հետ, Հայկ Եսայանը դրանք ուղղակի ծիծաղելի հայտարարություններ համարեց։

«Մենք ընդհանրապես դրա հետ կապ չունենք։ Եվ եթե հստակ իմանայինք՝ ով է նման բան ասել, կգնայինք դատական պրոցեսով։ Բայց պաշտոնապես ասում եմ՝ նման բան չկա։ Անգամ այդ օրը երեկոյան մենք նախկին աշխատակիցների հետ հավաքվել ենք, որ եթե դիմեն, օգնենք խնդիրը լուծել»,- ասաց Հայկ Եսայանը։

Անդրադառնալով հարցին, թե ի՞նչ երաշխիք կարող են ունենալ «Բիլայն»-ի աշխատակիցները, որ իրենք գործազուրկ չեն դառնալու, նա պատասխանեց՝ առնվազն 6 ամիս որեւէ բան չեն անելու. «Միանշանակ լինելու է նաեւ աշխատակիցների հետ հանդիպում։ Հենց ունենանք իրավասություն, հաջորդ պահին կհանդիպենք նրանց հետ»։

Տպել
3617 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)