«Դռնփակ դատական նիստի հետ կապված հարցեր եք ինձ ուղղում». դատավորը չխոսեց Ծառուկյանի գործով որոշումից

Վերաքննիչ քրեական դատարանի դատավոր Մխիթար Պապոյանի գնահատմամբ՝ ինչպես Բարձրագույն դատական խորհրդի այսօրվա, այնպես էլ բազմաթիվ այլ դատական որոշումներ ապացույցն են նրա, որ դատական համակարգն այսօր անկախ է:

Հիշեցնենք՝ ԲԴԽ-ն այսօր մերժեց արդարադատության նախարարի միջնորդությունը Ազարյանին կարգապահական պատասխանատվության ենթարկելու վերաբերյալ:

Կարգապահական վարույթի հարուցումից հետո իրավաբանական համայնքը ֆլեշմոբ էր սկսել սոցիալական ցանցերում՝ իր աջակցությունը հայտնելով Ազարյանին: Սա հիշեցնելով՝ լրագրողներից մեկը հետաքրքրվեց՝ այդ ֆլեշմոբը, նաեւ այն, որ կարգապահական պատասխանատվության ենթարկելու հարցի քննարկմանը ներկա էին գտնվում շատ իրավաբաններ, դատավորներ, որոշակի ազդեցություն ունեցե՞լ է ԲԴԽ-ի վրա, ինչին դատավոր Մխիթար Պապոյանը պատասխանեց. «Երբ ես բացառեմ, որ որեւէ հանրային ֆլեշմոբ կամ քննարկում դատավորի վրա ազդեցություն չի ունենում, կսխալվեմ, բայց մենք՝ դատավորներս, որպես կանոն, փորձում ենք այդ հանրային ճնշումից կամ աջակցությունից զերծ մնալ, ես չեմ կարծում, որ դրա արդյունքն է այս որոշումը»:

Հարցին՝ ինչպե՞ս է վերաբերում այն հանգամանքին, որ ԲԴԽ որոշման տակ ստորագրել էին Խորհրդի միայն դատավոր անդամները, Մխիթար Պապոյանը չպատասխանեց՝ նշելով, որ ինքը դա չի ֆիքսել եւ չի կարող անմիջապես վերլուծել այդ հանգամանքը: Ինչ վերաբերում է ԲԴԽ որոշմանը, դատավորի խոսքով, դրա մասին կարծիք կարող է հայտնել, երբ ծանոթանա բովանդակությանը:

Հարցին՝ ԲԴԽ-ի աշխատանքն ինչպե՞ս է գնահատում, այն ապահովո՞ւմ է արդյոք դատավորների անկաշկանդ լինելը, Մխիթար Պապոյանը պատասխանեց. «Կարող են լինել սուբյեկտիվ-օբյեկտիվ գնահատականներ, մեկ նախադասությունով գնահատական տալը դժվար է, որոշ դեպքերում կարող եմ համաձայնել, որ անում է ամեն ինչ, ինչ իրենից հասնում է, որոշ դեպքերում էլ կարող եմ գնահատական տալ, որ թերացել է, սակայն այս պահին կոնկրետացնելը շատ բարդ աշխատանք է»:

Նշենք, որ Մխիթար Պապոյանը այն դատավորն է, որը երեկ բեկանեց Գագիկ Ծառուկյանի գործով առաջին ատյանի դատարանի որոշումը՝ այն ուղարկելով նոր քննության: Լրագրողները հետաքրքրվեցին, թե ինչո՞ւ է նման որոշում կայացրել, սակայն դատավորը դրանց չպատասխանեց. «Դռնփակ դատական նիստի հետ կապված հարցեր եք ինձ ուղղում, որոնց պատասխանելու իրավունքը ես չունեմ, ներողություն եմ խնդրում»,- ասաց նա: Դիտարկմանը՝ Ծառուկյանի պաշտպանները պնդում են, որ Վերաքննիչ դատարանը չէր կարող հետ ուղարկել եւ պետք է որոշում կայացներ, Պապոյանն ասաց. «Կկրկնեմ պատասխանս. դռնփակ դատական նիստի հետ կապված որեւէ հարցի պատասխան անթույլատրելի է»,- ասաց նա:

Տպել
373 դիտում

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել