Սկզբունքային տարաձայնություն ունեմ ձեր առաջարկի հետ․ չեմ կարծում, որ մենք չստացված եկամուտը պետք է փոխհատուցենք․ նախարար

ՀՀ Կառավարությունն այսօրվա նիստում հավանություն տվեց «Արտակարգ դրության իրավական ռեժիմի մասին» Հայաստանի Հանրապետության օրենքում լրացումներ կատարելու մասին» եւ «Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին» Հայաստանի Հանրապետության օրենքների նախագծերին։

Հարցը զեկուցող առողջապահության նախարար Արսեն Թորոսյանն ասաց, որ նախագծերի փաթեթով առաջարկվում է սահմանել, որ արտակարգ դրության ժամանակ բնակչության բժշկական օգնությունն ու սպասարկումը կազմակերպելու անհրաժեշտությամբ պայմանավորված՝ բժշկական օգնություն եւ սպասարկում իրականացնող կազմակերպությունների՝ անկախ սեփականության ձեւից, կառավարման լիազորություններն անցնում են ՀՀ առողջապահության բնագավառի պետական լիազոր մարմնին, բացառությամբ՝ ՊՆ զինվորական հոսպիտալների։

«Արտակարգ դրության ժամանակ բնակչության բժշկական օգնությունն ու սպասարկումը կազմակերպվում է առողջապահության բնագավառի կառավարման լիազոր մարմնի ղեկավարի հրամանների համաձայն, որոնք չկատարելը առաջացնում է օրենքով նախատեսված պատասխանատվություն։

Արտակարգ դրության ժամանակ բժշկական կազմակերպություններում ներգրավված բուժանձնակազմի՝ բնակչության բժշկական օգնությունն ու սպասարկումն իրականացնելիս, ինչպես նաև «Բնակչության բժշկական օգնության եւ սպասարկման մասին» օրենքի 4-րդ հոդվածի 2-րդ մասին համապատասխան բնակչության բժշկական օգնությունն ու սպասարկումն իրականացնելու նպատակով համապատասխան մասնագիտացում, որակավորում չունեցող, վերապատրաստում չանցած բուժաշխատողները կամ ավարտական կուրսերի կլինիկական օրդինատորները պարտավոր են անցնել համապատասխան վերապատրաստում կամ ներգրավվել բնակչության բժշկական օգնության ու սպասարկման գործընթացին Հայաստանի Հանրապետության առողջապահության բնագավառի կառավարման լիազոր մարմնի ղեկավարի հրամանով»,- ներկայացրեց Թորոսյանը:

Նա ընդգծեց՝ այս կարգավորումներից խուսափելն առաջացնում է պատասխանատվություն ՎԻՎ օրենսգրքով 300 հազար դրամից մինչեւ 500 հազար դրամի չափով։

Նախարարի խոսքով՝ արտակարգ դրության պայմաններում կենտրոնացված կառավարումն ավելի օպերատիվ ու արդյունավետ կլինի:

Որպես հիմնավորում՝ Թորոսայանը հիշատակեց «Ռազմական դրության մասին» ՀՀ օրենքում առկա նմանօրինակ դրույթը՝ առաջարկելով նույնաբովանդակ դրույթ ավելացնել նաեւ «Արտակարգ դրության իրավական ռեժիմի մասին» ՀՀ օրենքում:

Արձագանքելով նախարարին՝ փոխվարչապետ Մհեր Գրիգորյանը հայտնեց, որ նախաձեռնության նպատակը պարզ է, բայց այն կարող է վտանգավոր հետեւանքներ առաջացնել: Կապված գույքային ու ֆինանսական կառավարման հետ՝ հիվանդանոցների սեփականատերերը կարող են հետագայում փոխհատուցման պահանջներ ներկայացնել Կառավարությանը:

«Եվ մենք կունենանք պոտենցիալ ծախսակույտ ու ստիպված կլինենք համակարգի մասնավոր կառույցներին հատուցել»,- ասաց Գրիգորյանը:

Թորոսյանը հայտնեց, որ նման դեպքերում պետությունը պարտավոր է հատուցել ֆինանսական վնասները, եւ այդ հարցը կարգավորված է այլ իրավական ակտով։

«Ես կարծում եմ, որ զուտ տրամաբանորեն շատ բնական է, որ հնարավոր է՝ տնտեսվարող սուբյեկտի առօրյա ֆինանսատնտեսական գործունեությունը խաթարվի, եւ ինքը կատարի այդ պահին ավելի կարեւոր այլ խնդիր»,- ասաց նախարարը։

Գրիգորյանը նշեց, որ, իհարկե, պետք է հատուցել, բայց պետք է ողջամիտ շահույթի չափ էլ սահմանել. «Այո՛, ծախսերը կհատուցենք, բնականաբար, բայց պոտենցիալ չստացված շահույթի վեճ է առաջանալու, լավ կլինի՝ այսօրվանից պայմանավորվենք, դա ավելի հստակ մեխանիզմ կլինի, քան ապագայում այդ հարցը դառնա քննարկման առարկա։ Կվիճարկվի անպայման չստացված եկամտի հարցը։ Լավ կլինի՝ նկարագրենք, որ, օրինակ, այս դեպքում չստացված եկամուտ է ոչ ավելի, քան հատուցված ծախսերի 10 տոկոսը, կամ նախորդ տարվա նույն ժամանակահատվածի իքս տոկոսը, հակառակ դեպքում դա կդառնա անկառավարելի վնաս չստացված եկամուտների մասով»։

Արձագանքելով Գրիգորյանին՝ Թորոսյանն ասաց. «Ես սկզբունքային տարաձայնություն ունեմ Ձեր առաջարկի հետ։ Ես չեմ կարծում, որ մենք չստացված եկամուտը պետք է փոխհատուցենք։ Նույն տրամաբանությամբ ռազմական կամ այլ արտակարգ դրության ժամանակ բազմաթիվ ռեսուրսներ են ներգրավվում, այդ թվում՝ մասնավոր, ֆիզիկական անձանցից։ Դա կարծես թե նրանց պարտականությունն է. այս երկրում ապրելով, տնտեսվարելով, արարելով, ստեղծագործելով՝ ներդրում ունենալ այդ երկրի տարբեր խնդիրների լուծմանը»։

Նա առաջարկեց նման մեխանիզմ չընդգրկել օրենքում։

Փոխվարչապետ Մհեր Գրիգորյանն ասաց՝ եթե անշահ փոխհատուցում է, այդ դեպքում ճիշտ կլինի օրենքով դա գրել, որ հետագայում օրակարգում չհայտնվի վնասի հատուցման հարցը։

Փոխվարչապետ Տիգրան Ավինյանն էլ ասաց, որ նմանատիպ լիազորություններ տրված են պարետին, եւ այս ընթացակարգը նոր չէ. «Փոխհատուցման կարգը Կառավարության որոշմամբ առանձին արդեն իսկ ունենք սահմանված, ու այդ կարգում արդեն կա անդրադարձ կատարված փոխհատուցման ձեւերին»։

Տպել
725 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)