Դատարանը հեռացավ խորհրդակցական սենյակ՝ Գագիկ Ծառուկյանի գործով որոշում կայացնելու. այն կհրապարակվի վաղը

Վերաքննիչ քրեական դատարանը, դատավոր Մխիթար Պապոյանի նախագահությամբ, հեռացավ խորհրդակցական սենյակ՝ Գագիկ Ծառուկյանի գործով որոշում կայացնելու:

Ծառուկյանի պաշտպան Երեմ Սարգսյանն ասաց, որ բավականին մանրամասն քննարկում տեղի ունեցավ. «Կողմերը ներկայացրին իրենց բողոքներն ու առարկությունները, դատարանի կողմից բավականին խորը հարցադրումներ առաջադրվեցին երկու կողմերին էլ, եւ դատարանը հեռացավ խորհրդակցական սենյակ՝ որոշում կայացնելու»:

Պաշտպանի խոսքով՝ այն կհրապարակվի վաղը, սակայն դեռեւս հստակ չէ, թե կոնկրետ որ ժամին.

«Մենք հույս ունենք, որ մեր փաստարկները կընդունվեն դատարանի կողմից, մենք բավականին խորը ուսումնասիրություն ենք արել՝ կապված արդար դատաքննության հետ, որովհետեւ մեր դիրքորոշումն այն է, որ դատավորները օրենքով սահմանված կարգով պետք է քննվեն պատահականության կարգով, ոչ թե դատարանի նախագահը պետք է իր ցանկությամբ մակագրություն կատարի, դա արդեն հանգեցնում է արդար դատաքննության խախտման, ներկայացրել ենք խնդիրներ՝ քննչական ենթակայության կանոնների, հիմնավոր կասկածի, արարքի նկարագրության եւ մեղադրանքի որակման տարբերությունների հետ կապված»:

Երեմ Սարգսյանը նշեց, որ եթե իրենց հիմնավորումները դատարանը չընդունի, ըստ անհրաժեշտության՝ արդեն կքննարկեն Վճռաբեկ, ապա նաեւ՝ Եվրոպական դատարան դիմելու հարցը:

Ծառուկյանը, հիշեցնենք, մեղադրվում է քրեական օրենսգրքի 154.2-րդ հոդվածի 2-րդ մասով (ընտրողին անձամբ կամ միջնորդի միջոցով ընտրողի կամ այլ անձի համար կաշառք տալը) եւ առաջադրված մեղադրանքը քաղաքական հետապնդում է որակում:

Հունիսի 21-ին Երեւան քաղաքի ընդհանուր իրավասության դատարանը՝ դատավոր Ռոբերտ Պապոյանի նախագահությամբ, մերժել էր նրան կալանավորելու ԱԱԾ միջնորդությունը՝ միաժամանակ արձանագրելով, որ առկա է հիմնավոր կասկած, որ նա կատարել է իրեն մեղսագրվող արարքները: Դատարանի որոշումը բողոքարկել են երկու կողմերն էլ. պաշտպանական կողմը բողոք է ներկայացրել հիմնավոր կասկածի առկայության, դատախազությունը՝ կալանավորման հիմքերի բացակայության դեմ: Բողոքի քննությունը սկսվել էր այսօր՝ ժամը 11:00-ից:

Տպել
2119 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են