Դժվար է ասել, թե մենք հենց այս պահին ունենք 100 հազար վարակակիր, մենք ունենք ավելի քիչ վարակակիրներ․ նախարար

Տեսականորեն մենք 1 օրում կարող ենք 50 հազար նոր դեպք ախտորոշել։ Հիմա հարցը հետեւյալն է. մեր այս ախտորոշումները ինչքանո՞վ են մեր իմացած թվերի շրջանակներում, եւ ինչքանո՞վ է այդ թիվը մեծանում։ Այս մասին այսօր ՀՀ Կառավարության նիստում դիմելով առողջապահության նախարար Արսեն Թորոսյանին՝ ասաց վարչապետ Նիկոլ Փաշինյանը։

«Պարո՛ն վարչապետ, իրականում ձեր նկարագրածն այդքան էլ այդպես չէ։ Եթե նույնիսկ ֆիզիկապես հնարավոր լինի բոլորին նույն օրը հետազոտել, միեւնույն է, մենք բոլորին չենք կարող հայտնաբերել, որովհետեւ վարակված բազմաթիվ քաղաքացիներ կան, որոնց վարակման դեպքը տեղի է ունեցել այսօր, բայց իր մոտ վիրուսը հնարավոր է՝ հայտնաբերվի 4-5 օրից։ Հետեւաբար ո՛չ տեսականորեն, ո՛չ գործնականորեն հնարավոր չէ բոլորին նույն օրը հայտնաբերել»,- ասաց Թորոսյանը։

Նախարարի խոսքով՝ թեստավորման ծավալների ավելացումը կբերի նաեւ նոր դրական դեպքերի, որոնց մեծ մասը հնարավոր է՝ լինի ասիմպտոմ եւ երբեք էլ չհաստատվի. «Այդ գնահատական թվի մեջ քաղաքացիներ են, որոնք հիմնականում որեւէ սիմպտոմ չունեն։ Այդ թիվը դուրս է բերվում՝ զուտ հաշվարկելով տարբեր երկրներում ստացված մահաբերության իրական ցուցանիշները։ Երբ որ մենք մեր հաստատված դեպքերի թվից տոկոս ենք հանում, երեկվա դրությամբ ստանում ենք 1.7 տոկոս։ Ավելի ծանր տարած երկրներում հաշվարկել են հակամարմինների առկայությունը շատ խոցված բնակավայրերում եւ ստացել են, որ իրականում մահաբերությունը տատանվում է 0.3-0.4 տոկոսի սահմաններում, եւ մենք բազմապատկում ենք մեր ունեցած մահերի թիվը այդ տոկոսին, այսինքն՝ դուրս ենք բերում։ Եթե 0.4 տոկոսով հաշվենք, մոտ 100 հազար հոգի վարակված կստացվի»։

Թորոսյանն ընդգծեց՝ այդ թիվը երբեւէ եղած դեպքերն են, ոչ թե այս պահին։

«Նրանց մի մասը վարակվել եւ բուժվել է, եւ մենք գիտենք դրա մասին։ Դրանց մի մասը եղել եւ բուժվել է, եւ մենք չգիտենք դրա մասին։ Դժվար է ասել՝ մենք հենց այս պահին ունենք 100 հազար վարակակիր, մենք ունենք ավելի քիչ։ Ակտիվ վարակակիրների թիվը մի քիչ ավելի դժվար է հաշվել»,- ներկայացրեց նա։

Նախարարի խոսքով՝ վերլուծություններ ունեն, որ, օրինակ, երիտասարդների շրջանում տարածվածության տեմպը չի աճում, ինչքան տարիքն իջնում է, այդքան ընկնում է տարածվածության տեմպի աճը. «Բայց հակառակը ունենք տարեցների մոտ. ինչքան տարիքը բարձրանում է, այնքան տեմպը աճում է։ Ունենք նաեւ աշխարհագրական վերլուծություններ։ Օրինակ՝ Վանաձոր քաղաքում վերջին 2 շաբաթվա ընթացքում տարածման տեմպը աճել էր»։

Թորոսյանն ասաց, որ Երեւանում տարբեր վարչական շրջաններում տարբեր տեմպեր էր, սակայն գնում էր կայունացման. «Կարծես թե Երեւանը դառնում է մի մեծ օջախ։ Առաջ մենք ունեինք Շենգավիթ եւ Մալաթիա-Սեբաստիայում հիմնականում ակտիվ օջախներ, հիմա այդպիսի տարանջատում պրակտիկորեն չկա»։

Վարչապետ Նիկոլ Փաշինյանն էլ նշեց, որ երեկ հանդիպել են Առողջապահության համաշխարհային կազմակերպության ներկայացուցիչների հետ. «Ըստ էության՝ արձանագրեցինք, որ այսօր մեր առաջարկած կանոնների 3 գագաթնակետերը հենց այն են, ինչն աշխարհում ցույց է տվել իր արդյունավետությունը։ Խնդիրն այստեղ կարգապահության մեջ է, խոսքը դիմակ կրելու, սոցիալական հեռավորություն պահպանելու եւ ձեռքերը ախտահանելու կանոնների մասին է։ Իհարկե, մեր խնդիրները կարգապահական կանոնները պահպանելու մեջ է, եւ այս առումով ինչպես հաղորդակցությունը, այնպես էլ վարչական լծակները պիտի գործադրենք»։

Տպել
736 դիտում

ՍԴ նախագահի թեկնածու առայժմ չկա․ Վահե Գրիգորյան

Արսեն Թորոսյանը նոր հրաման է ստորագրել կորոնավիրուսի տեսանկյունից անբարենպաստ երկրներից ժամանողների վերաբերյալ

Երևանում կանցկացվի «Արմենիա» միջազգային երաժշտական փառատոնը

«Ծննդի գրանցումը՝ ծննդատանը» ծրագիրն առաջիկայում կմեկնարկի մարզերում

Ստամբուլում ամերիկացի լրագրողի դի է հայտնաբերվել

Կանխվել է Արմավիրի բնակչի ինքնասպանության փորձը. սպառնում էր նետվել աշտարակից

Հրազդանում խաչքարի ընկնելու հետեւանքով մահացած տղամարդը Ջրառատի թաղապետն է եղել

Երևանում և մի քանի մարզում էլեկտրաէներգիայի մինչեւ 6-ժամյա պլանային անջատումներ կլինեն

Արագածոտնի մարզի Փարպի գյուղում այրվել է տան տանիք

Երկրաշարժ Աշոցք գյուղից 7 կմ հարավ-արևելք՝ 2-3 բալ ուժգնությամբ

Մեր բժշկագիտական թիմի ներուժն ու ներդրումը պետք է չանտեսվեր. «Նորք» ԻԿՀ-ից բաց նամակ ՀՀ նախագահին և վարչապետին

Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

Դավիթ Բաբայանը վարակվել է կորոնավիրուսով ու խնդրանքով դիմել իր հետ շփված անձանց

Սուրեն Պապիկյանը ԱԷՄԳ գլխավոր տնօրենի հետ քննարկել է Հայաստանի ատոմային էներգետիկայի բնագավառի զարգացման հարցեր

«Խաժակյանի պատմության հետ ինքներդ կարող եք համեմատություն անել». քաղաքապետի վարորդի հաստիքն ազատ է

roadpolice.am. վարորդական վկայականի հետ կապված գործողությունների համար պետք է հերթագրվել այս կայքի միջոցով (տեսանյութ)

Մարտական հերթապահության մեկնող անձնակազմի հետ անցկացվել է կրակային պատրաստության պարապմունք

Գեբելսյան սո՞ւտ է, որ ԲՀԿ-ն կարող է իշխանություն փոխել․ քաղաքական ուժերի արձագանքը ՀՀ՝ մինչեւ 2050-ի ռազմավավարությանը

Առաջին անգամ ՀՀ ՄԻՊ-ն ու ԵԽ-ն ծրագիր են իրականացնում Եվրոպայի խորհրդի տարածքում

Իսրայելի ռազմարդյունաբերական ընկերությունը 155 միլիոն դոլար է փոխանցել ադրբեջանական 2 օֆշորային ընկերությունների