Երևան
23 °C
Եվրոպայի Խորհրդի Վենետիկի հանձնաժողովը երեկ հրապարակեց ՀՀ քրեական օրենսգրքի 300.1-րդ հոդվածի վերաբերյալ ՀՀ Սահմանադրական դատարանի դիմումի հիման վրա խորհրդատվական կարծիքը. խոսքն այն հոդվածի մասին է, որով Մարտի 1-ի գործի շրջանակում մեղադրանք է առաջադրվել Ռոբերտ Քոչարյանին:
Հիշեցնենք`դեռ նախորդ տարի՝ 2019 թվականի մայիս ամսին, Երեւանի ընդհանուր իրավասության դատարանը, դատավոր Դավիթ Գրիգորյանի նախագահությամբ, Քոչարյանին ազատ արձակելու որոշման հետ մեկտեղ որոշել էր նաեւ կասեցնել գործի վարույթը եւ դիմել ՍԴ`ստուգելու 300.1-րդ հոդվածի`Սահմանադրությանը համապատասխանելու հարցը: Նման դիմումներ ՍԴ-ին ներկայացրել էր նաեւ Քոչարյանի պաշտպանական թիմը: Թեեւ դատարանի`գործի կասեցման եւ ՍԴ դիմելու որոշումը մեկ ամիս անց բեկանվել էր Վերաքննիչ դատարանի կողմից, սակայն դա չէր կասեցրել դիմումի քննությունը ՍԴ-ում: Միայն հուլիսին էր ՍԴ-ն սեփական նախաձեռնությամբ որոշել կասեցնել այն եւ դիմել միջազգային կառույցներին՝ Մարդու իրավունքների եվրոպական դատարանին եւ Վենետիկի հանձնաժողովին` խորհրդատվական կարծիք ստանալու: Վերջերս` 2020 թվականի մայիսի 29-ին, ՄԻԵԴ-ը հրապարակեց իր կարծիքը, որը պաշտպանական կողմի գնահատմամբ`հօգուտ իրենց էր, մեղադրող կողմի գնահատմամբ`հակառակը:
Նշենք, որ Քրեական օրենսգրքի 300.1-րդ հոդվածը սահմանում է, որ սահմանադրական կարգը տապալելը` Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ, պատժվում է ազատազրկմամբ` տասից տասնհինգ տարի ժամկետով: Պաշտպանական կողմը գտնում է, որ այս հոդվածով Քոչարյանին մեղադրանք առաջադրվել չէր կարող, քանի որ այն 2008 թվականի մարտի 1-ին գործող Սահմանադրությամբ որպես առանձին հոդված նախատեսված չի եղել, այլ ներառված է եղել 300-րդ հոդվածում, եւ դրանց հանցակազմերը, իրենք գնահատմամբ, տարբեր են, իսկ օրենքը սահմանում է, որ ոչ ոք չի կարող դատապարտվել այնպիսի գործողությունների համար, որոնք կատարման պահին հանցագործություն չեն եղել: Դատախազությունը, սակայն, պնդում է, որ 300 և 300.1-րդ հոդվածի 1-ին մասի հանցակազմի վերլուծությունից ակնհայտ է, որ սահմանադրական կարգը տապալելու հանցավոր արարքը նախատեսված է եղել ինչպես 2008 թվականին, այնպես 2018 թվականի գործող օրենսդրությունով. «Սահմանադրական կարգը տապալելը չի ապաքրեականացվել, այլ պարզապես օրենսդրական փոփոխությունների արդյունքում Քրեական օրենսգրքի մի հոդվածից տեղափոխվել է մեկ այլ հոդված՝ որպես ինքնուրույն, առանձին, այլ ոչ թե նոր հանցագործություն»,- դատական նիստերից մեկի ժամանակ ասել է մեղադրող դատախազ Գևորգ Բաղդասարյանը։
Վենետիկի հանձնաժողովի հրապարակած կարծիքի մասին խոսելիս` Ռոբերտ Քոչարյանի պաշտպան Արամ Վարդեւանյանն այսօր կարեւորեց այն հանգամանքը, որ դրանով արձանագրվել է այն, ինչ իրենք ասել էին իրենց դիմումներում. «Մենք խոսում էինք 300.1-րդ հոդվածի մի քանի ծայրահեղ անհասկանալի դրույթների մասին, ինչպիսին է, օրինակ, «փաստացի վերացնել», «իրավական համակարգում» դադարեցնելը եւ այլն: Վենետիկի հանձնաժողովը, ծանոթանալով այդ դրույթներին, արձանագրել է, որ դրանք այն աստիճան անորոշ են, որ միգուցե թարգմանության խնդիր կա, եւ այդ հարցերը այնպես են ձեւակերպված, որ առհասարակ դրանց չի անդրադարձել»: Ըստ Վարդեւանյանի՝ իրենց գործի շրջանակում Սահմանադրության հոդվածի խախտումը հավասարեցվել է սահմանադրական կարգի տապալմանը, սակայն Վենետիկի հանձնաժողովն արձանագրել է, որ ինքնին այդ խախտումը չի կարող լինել սահմանադրական կարգի տապալում:
Արամ Վարդեւանյանի խոսքով`Վենետիկի հանձնաժողովը ուսումնասիրել է ոչ միայն զուտ եվրոպական փորձը, այլ նաեւ Կորեայում առկա փորձը, եւ եկել է այն եզրահանգման, որ առհասարակ, սահմանադրական կարգի տապալումը ունենում է բռնության կամ դրա սպառնալիքի տարր, ինչը, սակայն, մեր օրենսդրությամբ, առկա չէ. «Հանձնաժողովը արձանագրել է նաեւ, որ սահմանադրական կարգի տապալումը, այնպիսի ձեւակերպմամբ, ինչպիսին կա ՀՀ-ում, նմանը չունի միջազգային փորձում, այսինքն՝ երբ ոչ թե սահմանադրական սկզբունքներ են պաշտպանվում, այլ Սահմանադրության հոդվածներին են հղում տրվում, չկա միջազգային փորձում»:
Պաշտպանի խոսքով`եզրափակիչ հատվածում Հանձաժողովը գրել է, որ նման տեսակ լայն, ընդհանուր մեկնաբանման ենթակա հոդվածները պարունակում են անորոշության ռիսկեր, իսկ այդ դեպքում դրանք պետք է մեկնաբանվեն նեղ ձեւով, հօգուտ անձի իրավունքների. «Իմ մասնագիտական կարծիքով՝ 300.1-ի ձեւակերպումը այնպիսին է, որ այն նույնիսկ հնարավորություն չի տալիս նեղ ձեւով մեկնաբանելու, իսկ այդ պարագայում խախտվում է Վենետիկի հանձնաժողովի պահանջը, որը, ի դեպ, միջազգային կայուն ձեւավորված սկզբունք է»:
Անդրադառնալով Հանձնաժողովի ուսումնասիրած դատական պրակտիկային`Արամ Վարդեւանյանն ասաց, որ այդ պրակտիկան չի վերաբերում սահմանադրական կարգի տապալման հանցակազմերին, որովհետեւ դրա վերաբերյալ դատական պրակտիկա աշխարհում, ցավոք, չկա. «Բայց այն պրակտիկան, որ կա, եւ վերաբերում է սահմանադրական կարգի, տարածքային ամբողջականության սուվերենության նկատմամբ ոտնձգություններին, մշտապես իր մեջ պարունակել է բռնության եւ բռնության սպառնալիքի տարրեր»: Այս հանգամանքը, ըստ Վարդեւանյանի, արձանագրել էին նաեւ իրենք, քանի որ ուսումնասիրել էին շուրջ 50-ից ավելի երկրների միջազգային փորձ. «Բայց բնական է, որ մեր հանրության համար շատ ավելի մեծ կշիռ եւ ազդեցություն է ունենում ԵԽ բացառիկ մարմնի մասնագիտական դիրքորոշումը, չնայած կարող եմ հպարտությամբ ասել, որ մեր ներկայացրած դիրքորոշումները իրենց արտացոլանքը գտել են այդ կարծիքի մեջ»,- ասաց նա:
Վենետիկի հանձնաժողովի կարծիքի մասին այսօր դիրքորոշում է ներկայացրել նաեւ դատախազությունը, ըստ որի՝ Հանձնաժողովը հաստատել է Ռոբերտ Քոչարյանին առաջադրված մեղադրանքի հիմքում դրված և այդ մեղադրանքի պաշտպանության շրջանակներում ներկայացվող իրավամեկնաբանությունների կենսունակությունն ու իրավացիությունը։
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
© 2024 Հայկական ժամանակ