Դրսից տղա բերելու տրամաբանությունը եւ 30 տարվա կոռուպցիոներ ընդդիմությունը. Տուսկը ՀՀ-ն տեսնում է Սերժ Սարգսյանի աչքերով

«Բարգավաճ Հայաստան» կուսակցության նախագահ Գագիկ Ծառուկյանի մասնակցությամբ իրավական պրոցեսներին գրեթե զուգահեռ կուսակցության անդամները սկսեցին ամենուր հայտարարել, թե կդիմեն միջազգային կազմակերպություններին, արտասահմանյան իրենց գործընկերներին: 

Այսօր արդեն հայտնի դարձավ, որ Հայաստանում Ռուսաստանի դեսպան Սերգեյ Կոպիրկինը հանդիպել է կուսակցության պատգամավորներ Վահե Էնֆիաջյանի եւ Միքայել Մելքումյանի հետ: ՌԴ դեսպանատան տարածած հայտարարությունում խոսք չկա Գագիկ Ծառուկյանի մասին, սակայն նշվում է. «Խորհրդարանականները նաեւ ներկայացրեցին ներքաղաքական օրակարգի որոշ ասպեկտների վերաբերյալ իրենց տեսլականը»: Այսօր երեկոյան դատարանի բակում լրագրողների հետ զրույցում Ծառուկյանի մամուլի խոսնակ Իվետա Տոնոյանը հայտնեց.

«Հանդիպումների շարքը շարունակական է, մենք հանդիպել ենք ոչ միայն Ռուսաստանի դեսպանի հետ, երեկ նաեւ Ղազախստանի դեսպանի հետ է հանդիպում  տեղի ունեցել»:

Նա չցանկացավ ներկայացնել դեսպանի հետ հանդիպման մանրամասները՝ ընդգծելով, որ դա կոռեկտ չի համարում:

Պարզվեց՝ Ռուսաստանի դեսպանը հանդիպման ցանկություն է հայտնել նաեւ ԱԺ փոխնախագահ, «Իմ քայլը» խմբակցության անդամ Ալեն Սիմոնյանի հետ: Հանդիպումը դեռ չի կայացել: Փոխարենը Ալեն Սիմոնյանը երեկ զրուցել է Ռուսաստանի Դաշնային ժողովի փոխնախագահի հետ, սակայն ինչպես լրագրողներին հայտնեց նա, այս Գագիկ Ծառուկյանի շուրջ կատարվողի վերաբերյալ որեւէ հարց չի քննարկվել․

«Երբ խոսքը գնում է քրեական գործի մասին, մեր լուրջ գործընկերները, որոնք գիտեն՝ ինչ է քրեական գործը եւ քաղաքականությունը, նաեւ գիտեն մեր գործելաոճը, չեմ կարծում, որ կշտապեն եւ մեր բարգավաճական գործընկերների պես հախուռն ինչ-որ հայտարարություններ կանեն, որքան էլ դա սադրվում է»,- ասաց ԱԺ փոխնախագահը:

Այդ դեպքում Սիմոնյանն ինչպե՞ս է վերաբերում Եվրոպական Միության խորհրդարանի անդամ Եվրոպական ժողովրդական կուսակցության նախագահ Դոնալդ Տուսկի գնահատականներին: Տուսկն իր թվիթերի էջում գրել է. «ԵԺԿ-ն մտահոգված է Հայաստանում ժողովրդավարության հետընթացի բազմաթիվ օրինականերով։ Մենք կոչ ենք անում Հայաստանի իշխանություններին ձեռնպահ մնալ ընդդիմությանը ճնշելուց»։

«Ես կարծում եմ՝ պարոն Տուսկը պետք է ավելի զուսպ լինի եւ չխառնվի Հայաստանի ժողովրդի գործերին, իսկ Սերժ Սարգսյանի պաշտպանության համար կան ավելի պատշաճ եւ մասնագիտացված անձինք…Պարոն Տուսկը Հայաստանը տեսնում է Սերժ Սարգսյանի աչքերով, որոնք որ իրականությունից կտրված աչքեր են, արդարադատությանը սպասող աչքեր են, որոնք ՀՀ իրականության հետ ոչ մի կապ չունեն եւ չեն կարող ունենալ»,- ասաց Սիմոնյանը։

Ինչպես հայտնի է՝ երեկ Սերժ Սարգսյանը մասնակցել է Տուսկի նախագահությամբ անցկացվող ԵԺԿ Արեւելյան գործընկերության տեսակոնֆերանսին, որի ընթացքում ՀՀԿ նախագահը քննադատել է Հայաստանի իշխանություններին. «Սերժ Սարգսյանը խոսել է ինչպես կորոնավիրուսի համավարակի պայմաններում երկրում առողջապահական, սոցիալ-տնտեսական խիստ մտահոգիչ իրավիճակի, այնպես էլ չափազանց վտանգավոր մեկ այլ՝ պոպուլիզմի քաղաքական վիրուսով ախտահարված Հայաստանի իշխանությունների ապաշնորհ կառավարման արդյունքում երկրում ստեղծված ներքաղաքական վիճակի մասին»,– նշված է Սարգսյանի ելույթի վերաբերյալ ՀՀԿ տարածած հաղորդագրության մեջ:
Հայաստանի վարչապետ Նիկոլ Փաշինյանը Կառավարության այսօրվա նիստում առանց անուն տալու անդրադարձավ ընդդիմության ճնշելու վերաբերյալ քննադատությանը. «Կառույցներ կան երեսուն տարի Հայաստանին ասել են պայքարեք կոռուպցիայի դեմ, պայքարեք ընտրակաշառքների դեմ, պայքարեք ընտրակեղծիքների դեմ, հիմա որ ռեալ պայքար է սկսվել, ասում են` էդ ընդդիմությանն ինչի՞ եք ճնշում: Բա երեսուն տարվա կոռուպիոներները հիմա ընդդիմություն են… էդ շատ լավ ձեւ ա` ես ընդդիմություն եմ, ինձ բան մի ասեք: Ու ընդհանրապես պետք ա էս հարցերում կողմնորոշվել: Որ ուղղությամբ գնում ես, պարզվում ա սխալ ա…տպավորություն ա, որ ուզում են մեր ձեռներն ու ոտերը կապեն ու ասեն ոչ մի բան մի արեք», - նկատեց վարչապետը:

Մեր երկրի ներքին հարցերի վերաբերյալ միջազգային կառույցներին դիմելու քայլին այսօր Ազգային ժողովում անդրադարձավ նաեւ անկախ պատգամավոր Արման Բաբաջանյանը: Ըստ նրա՝ այդ ամենը տեղավորվում է պարզագույն՝ «դրսից տղա բերելու» էժանագին ու հակապետական տրամաբանության մեջ:

«Այդ սխեման շատ պարզ է. սկզբում նրանք վազում են իրենց հովանավորյալ երկրի դեսպանատուն, Հայաստանի վերաբերյալ բողոքի չափաբաժինը ներկայացնում դեսպանին, ապա հայտնվում են ռուսական եթերում, որը լցնում են ոչ միայն սեփական երկրի դեմ ուղղված իրենց կեղտոտ հայտարարություններով, այլ նաեւ ռուս հաղորդավարի ցնդաբանություններով: Սա անթույլատրելի ու դատապարտելի գործելաոճ է: Բոլոր այս սուբյեկտները այս ամբիոնից, սեփական ժողովրդի հետ խոսելու փոխարեն նախընտրում են օտարներին` ցույց տալով, որ չունեն իրենց երկրում տեր զգալու ու հայրենիքի անգամ չնչին զգացողություն: Պարոնայք, այս իրադարձություններն անցնելու են, սակայն այն հետքը, որ դուք թողնում եք այս օրերին ձեր հակապետական գործունեությամբ, մնալու է, չի ջնջվելու հասարակության եւ իհարկե մեր բոլորի հիշողությունից»,- ասաց պատգամավորը:

Սերժ Սարգսյան է ստացվում

Բացի «դրսի տղաներից», Գագիկ Ծառուկյանի շուրջ տեղի ունեցող գործընթացներից դժգոհ ԲՀԿ-ն երեկ իշխանություններին սպառնում էր նաեւ Սահմանադրական դատարանով: Իվետա Տոնոյանն ասում էր, որ դիմելու են Սահմանադրական դատարան՝ վիճարկելու արտակարգ դրության ընթացքում հավաքների ազատությունը արգելելու Կառավարության որոշումը: Այդ սպառնալիքը իրագործելու եւ անհրաժեշտ պատգամավորական ձայներ ապահովելու համար ԲՀԿ-ին անհրաժեշտ էր նաեւ «Լուսավոր Հայաստանի» աջակցությունը: Տոնոյանը այսօր լրագրողներին տեղեկացրեց՝ պաշտոնապես դիմել են ԼՀԿ-ին, սակայն դեռ արձագանք չեն ստացել:

ԼՀԿ-ի աջակցությունը «Բարգավաճ Հայաստանին» անհրաժեշտ էր նաեւ կորոնավիրուսի հետեւանքների չեզոքացման Կառավարության քայլերը քննող ԱԺ հանձնաժողով ստեղծելու համար, սակայն «Լուսավոր Հայաստանը», ինչպես հայտնի է՝ պայման դրեց. hանձնաժողովի նախագահը պետք է լինի ԼՀԿ-ից: Այնպես որ այս մի սպառնալիքն էլ դեռ օդում կախված է:

Ինչ վերաբերում է հայաստանյան այլ ուժերի եւ մասնավորապես ԱԱԾ նախկին տնօրեն Արթուր Վանեցյանի հետ համագործակցությանը՝ այս հարցին ի պատասխան Տոնոյանն ասաց, որ այս պահին միասնական օրակարգ ձեւավորելու եւ համատեղ պայքար տանելու չորս կուսակցությունների («Հայրենիք», «Մեկ Հայաստան», ԲՀԿ եւ ՀՅԴ) համաձայնություն կա եւ նպատակահարմար չէ որեւէ մեկին առանձնացնել եւ հատկապես նրա հետ համագործակցությունները շեշտադրել:

Իսկ օրակարգը, ըստ Տոնոյանի, նույնն է՝ «արմատական փոփոխություններ, այդ թվում նաեւ կառավարության 100 տոկոս փոփոխություն, ներառյալ նաեւ Նիկոլ Փաշինյանի»:

Հարցին` ինչպե՞ս են պատկերացնում կառավարության հրաժարականը, Նիկոլ Փաշինյանի հեռանալը, Իվետա Տոնոյանը պատասխանեց, որ դա քաղաքական գործընթաց է եւ ինքը չի պատրաստվում այս պահին հրապարակել գործողությունների ճանապարհային քարտեզը: Ասաց, որ քննարկումները շարունակվում են, այլ քաղաքական ուժեր են միանում իրենց եւ վերջնական ֆորմատի ձեւավորումից հետո ավելի հստակ հայտարարություններով հանդես կգան:

Ի դեպ,  անդրադառնալով այս համախմբմանը՝ ԱԺ փոխնախագահ Ալեն Սիմոնյանը այսօր ասաց. «Ես ցավում եմ, որ նորից գնում-գնում, գալիս են այդ ջարդած տաշտակի շուրջը հավաքվում բոլորով…Այն մարդիկ, որոնք այսօր աշխատում են չակերտավոր  «ընդդիմության» կայացման մեջ, իրենք ինչ էլ ստեղծեն՝ Սերժ Սարգսյան է ստացվելու: Իրենք պետք է հետեւություն անեն: Նույն ճանապարհով գնալը, նույն ձեւով աշխատելը որեւէ արդյունք չի տալու: Թող բոլորով պահանջեն, ինչքան իրենք եւ իրենց պես քաղաքական ուժերը շատ պահանջեն Նիկոլ Փաշինյանի հրաժարականը, այնքան մեր վարկանիշը բարձրանալու է: Իրենք պետք է ազատեն ընդդիմության դաշտը…Ընդդիմադիր դաշտը այլեւս պետք է ազատ լինի նոր մարդկանց համար, չվարկաբեկված մարդկանց համար, որոնք կապ չեն ունեցել նախկին իշխանությունների հետ, որոնք չեն սպասարկել եւ չեն սպասարկում այլ երկրների շահեր ՀՀ-ում, որոնք ուզում են քաղաքականությամբ զբաղվել ոչ թե իրենց ամբիցիաները բավարարելու, ոչ թե քրեական գործերից իրենց պաշտպանված զգալու, այլ ՀՀ-ում խնդիրների լուծման այլ տարբերակներ առաջարկելու համար: Ես ձեզ խոստանում եմ, որ Հայաստանի ընդդիմադիր դաշտը ազատվելու է նոր ուժերի համար, որոնք կգան եւ որոշ ժամանակ անց կփոխարինեն նաեւ ինձ»,- ընդգծեց Ալեն Սիմոնյանը:

Տպել
4199 դիտում

Հայաստանում ԵՄ առաքելության ներկայացուցիչներն ու Ռումինիայի դեսպանն այցելել են Սյունիք

Ինչպես են ակցիա իրականացնող երիտասարդները հարվածում ընթացող մեքենային (տեսանյութ)

Հեղեղից տուժած բնակավայրերում կամավորական աշխատանքի կարիք կա․ ԿԳՄՍ նախարարը դիմել է ուսանողներին

Եկեղեցին քաղաքական հարթակ սարքած անձինք ոչ ոքից առավել չեն ու կրելու են քաղաքականության բոլոր հետևանքները. Չախոյան

Աղետի հետևանքները հսկայածավալ են, չտխրեք, մենք կունենանք էլ ավելի բարեկարգ ու գեղեցիկ քաղաքներ և գյուղեր․ Մկրտչյան

Ջրհեղեղի պատճառով մեծ դժվարությամբ Ալավերդի տեղափոխված հղիին կեսարյան հատում է արվել․ ծնվել է առողջ տղա

Ո՞նց կարելի է մտածել, որ մի քանի հազար մարդ կարող էին խոչընդոտել, որ ՀՀ հիմնադրման օրը հավուր պատշաճի չնշվի․ Մկրտչյան

Աղետի գոտում փրկարարական աշխատանքները շարունակվում են (լուսանկարներ)

Հանրապետության տոնը խորհրդանշում է պետականության վերականգնումը և անկախ պետություն կառուցելու քաղաքական կամքը. Միրզոյան

Հայաստանը որպես ինքնիշխան, ազատ և ժողովրդավար պետություն ամրապնդելը յուրաքանչյուրիս առաքելությունն է. Ավինյան

Երբ ծայրագույն վարդապետը վերածվում է տարրական փնթի խառնակչի. Արեգ Քոչինյան

Գեղարքունիքի մարզում 3 կին է կայծակնահարվել. նրանցից մեկը տեղում մահացել է

Սարդարապատի հաղթանակի շնորհիվ փրկվեց Հայաստանի ազգային լինելիությունն ու քաղաքական անկախությունը. Ֆրանսիայի դեսպան

Իրանի խորհրդարանում վերընտրել են ղեկավարին

Ալավերդու Դեբեդ թաղամասում վերականգնվել է էլեկտրամատակարարումը, մի շարք հատվածներում ու Ախթալայում՝ նաև գազը

Մահվան ելքով վրաերթ Այգեկ գյուղում․ վարորդը փախուստի է դիմել

ՆԳՆ-ն արձագանքել է լուրերին, թե աղետի գոտում կան արգելափակված բնակիչներ, որոնք սննդի կարիք ունեն

Ucom-ի աջակցությամբ երիտասարդները ծանոթանում են բնապահպանական կարևոր խնդիրներին

Հանրապետության տոնի առթիվ տեղի է ունեցել պարգևատրման արարողություն (լուսանկարներ)

ՔԿ նախագահի տեղակալը պարգևատրվել է ՀՀ վարչապետի հուշամեդալով

Հայաստանում Ֆրանսիայի դեսպանությունը շնորհավորական ուղերձ է հղել Հանրապետության տոնի առթիվ

Թուրքիայի անվտանգության խորհրդի նիստում կքննարկեն հայ-ադրբեջանական խաղաղության գործընթացը

Սուրեն Պապիկյանը և Բելգիայի փոխվարչապետը քննարկել են պաշտպանության բնագավառում համագործակցության հնարավորությունները

Կարծում եմ՝ այն, ինչ այսօր անում է Հայաստանը, ցանկացած պարագայում հանգեցնելու է հաջողության. Պոդոլյակ

Լիտվան շնորհավորել է Հայաստանին Հանրապետության տոնի առթիվ

Կամո Ցուցուլյանին շնորհվել է փրկարարական ծառայության գեներալ-մայորի կոչում

Նախագահի նստավայրում տեղի է ունեցել Հանրապետության օրվան նվիրված տոնական միջոցառում (տեսանյութ)

ԵՄ պատվիրակության ղեկավարը շնորհավորել է Հայաստանի Հանրապետության օրը

Մենք տեսնում ենք, որ Փաշինյանը պահպանել է իշխանությունը, նա բավականին ամուր դիրքեր ունի. Ջաբարով

Դեբեդի և Աղստևի ավազաններում ջրի ելքերի նվազում է դիտվել. ՇՄՆ

Սանոսյանը Այրում կայարանում մասնագետների հետ քննարկել է կամուրջը ժամանակավոր և մասնակի շահագործելի դարձնելու տարբերակը

Թեև երեկոյան տեղումներ ունեինք, բայց, այնուամենայնիվ, ջրի մակարդակը նվազում է, ինչը հեշտացնում է աշխատանքները. Սանոսյան

Պետք է յուրաքանչյուրս մեր նպաստը բերենք հայոց պետականության ամրացմանն ու հայրենիքի հզորացմանը. ՍԴ նախագահի ուղերձը

Փոցխով է հարվածել. 27-ամյա կինը խոստովանել է՝ ինքն է Օձունում սպանել 64-ամյա տղամարդուն

Բախվել է 3 մեքենա, կան տուժածներ․ վարորդներից մեկը զրկված է եղել վարելու իրավունքից և եղել է ոչ սթափ

Մեղրի-Ծավ հատվածից քարերը հեռացվել են, երթևեկությունը երկկողմանի վերականգնվել է

ԱՄՆ-ը ողջունում է Հայաստանի և Ադրբեջանի միջև կայուն և արժանապատիվ խաղաղության հաստատմանն ուղղված աշխատանքը. Բլինքեն

Ալիևին կոչ ենք անում անհապաղ ազատ արձակել ապօրինաբար պահվող բոլոր հայերին. Լեմկինի ինստիտուտը ստորագրահավաք է սկսել

Շնորհավո՛ր Առաջին հանրապետության օրը, Հայաստա՛ն․ ՀՀ-ում ԱՄՆ դեսպանություն

Նոր Նորք վարչական շրջանի որոշ հասցեներում և Փոքր Վեդիում գազամատակարարման անջատումներ են սպասվում