Մեր հաշվարկներն էլ են ցույց տալիս, որ այսօրվա գները որոշակի բարձրացման անհրաժեշտություն ունեն. ՀԾԿՀ նախագահ

«Գազպրոմ Արմենիա»-ն հայտով ներկայացրել է սակագնի վերանայման իրենց հաշվարկները, մեր աշխատակազմը ներկայացրել է իր դիրքորոշումը։ Հիմա սկսել ենք հանրային քննարկումների փուլը, որն ամփոփվելու է հանձնաժողովի նիստում: Այս մասին այսօր ՀՀ Ազգային ժողովում լրագրողների հետ զրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը:

Նա նշեց, որ նիստը կլինի այս ամսվա մեջ, սակայն օրը դեռ հստակ չէ։

«Դեռեւս քննարկումներում ես փաստական հանգամանք չեմ տեսել, որ մեր աշխատակազմի արած հաշվարկները ենթարկվեն փոփոխության, բայց դեռ վերջնական չէ»,- ասաց Բաղրամյանը:

Դիտարկմանը, թե «Գազպրոմ Արմենիա»-ի տնօրենը հանձնաժողովի նիստում ասել է, որ եթե սակագնի բարձրացում չլինի, իրենք չեն կարողանա անհրաժեշտ սպասարկումն ապահովել, Բաղրամյանն արձագանքեց. «Չեմ կարծում, թե նա այն ենթատեքստում է ասել, որ այլեւս չեն կարող շահագործել: Ինձ թվում է՝ դա ընդհանուր ասվեց այսօր գործող գների համեմատությամբ: Մեր աշխատակազմի հաշվարկներն էլ են դա ցույց տալիս, որ այսօրվա գները որոշակի բարձրացման անհրաժեշտություն ունեն»:

Հարցին՝ ինչպես ստացվեց, որ «Գազպրոմ Արմենիա»-ն առաջարկում էր գները բարձրացնել 11 տոկոսով, իսկ Հանձնաժողովն առաջարկել է՝ 4,5 տոկոս, ՀԾԿՀ նախագահը պատասխանեց. «Մենք քննարկում ենք առաջիկա 10 տարվա ավելի կայուն եւ կանխատեսելի սակագնային քաղաքականություն ունենալու հնարավորություն «Գազպրոմ Արմենիա»-ի հետ: Այդ հաշվարկները եւ իրավական դաշտը, այսինքն՝ սակագնի հաշվարկման մեթոդիկան ներկայացված է հանրությանը: Դա նախատեսում է առաջիկա 10 տարիների համար կապիտալ ներդրումների մի մեծ փաթեթ, շուրջ՝ 500 մլն դոլար, այդ ներդրումների դիմաց արդյունքների ակնկալում, եւ առաջիկա 10 տարիներին բավականին կանխատեսելի սակագնային մարժա ենք ունենալու»:

Նշենք, որ «Գազպրոմ Արմենիա»-ն առաջարկել է գազի 1000 խորանարդ մետրը 255 դոլարի դիմաց միջինում 283 դոլար դարձնել, իսկ ՀԾԿՀ-ն առաջարկել է այն դարձնել 266,7 դոլար:

«Այդ՝ 266,7 դոլարը, առաջարկվում է բաշխել այնպես, որ բնակչության եւ սոցիալապես անապահով խմբերի համար գների փոփոխություն չլինի: Գները բարձրանում են ջերմոցների եւ վերամշակող ընկերությունների համար եւ ամսական 10 հազար խմ-ից ավելի սպառում ունեցողների համար»,- ընդգծեց ՀԾԿՀ նախագահը:

Դիտարկմանը, թե ջերմոցների համար սակագնի բարձրացումը կարող է բերել գյուղատնտեսական մթերքների գների բարձրացման, նա արձագանեց. «Բնականաբար, եթե գազի սակագինը բարձրանում է, ապա տնտեսության ինչ-որ ճյուղեր կամ սպառողներ, որոնց համար գինը բարձրանում է, այդ չափով իրենց վրա զգալու են: Այլ հարց է, թե որքանով այդ բարձրացումը կառավարելի կլինի տնտեսության այդ ճյուղերի համար»:

Նրա խոսքով՝ կախված նրանից, թե սահմանին ինչ գազի գին կունենան, բավականին կանխատեսելի կլինի մարժան եւ սպառողների համար վերջնական գները:

Բաղրամյանն ասաց, որ սահմանին գազի գինը էական ազդեցություն ունի ՀՀ-ում սակագների վրա, քանի որ սպառողների վճարվող սակագնի շուրջ 70 տոկոսը ձեւավորվում է սահմանին գազի գնի մեծությունից:

Խոսելով այն մասին, թե ՌԴ-ն Բելառուսին ավելի էժան է գազը վաճառում, քան Հայաստանին՝ նա ասաց, թե չպետք է մոռանալ, որ ՀՀ-ն ունի նաեւ Վրաստանի տարածքով անցնելու գին. «Այսինքն՝ Բելառուսի հետ համեմատելիս պետք է այդ գները առնվազն տարբերվեն Վրաստանի տարանցման գնի արժեքով, իսկ մնացածը, թե ինչ բանակցություններ են ընթանում, եւ որքան կլինի սահմանին գազի գինը, դա ես չեմ կարող ասել»:

Դիտարկմանը, թե կան պնդումներ, որ Հայաստանը պետք է վերանայի 2013 թվականի գազային «խայտառակ պայմանագրերը», ՀԾԿՀ նախագահն արձագանեց. «Ճիշտն ասած՝ այդ պայմանագրերը կառավարությունների միջեւ է, ես ձեռնպահ կմնամ մեկնաբանությունից: Մասնագիտական գնահատականն այն է, որ կարծում եմ՝ ցանկացած պայմանագիր էլ կարող է վերանայվել: Այլ հարցեր են երկու կողմերի կամքը, դրան հասնելու հնարավորությունները»։

Տպել
1007 դիտում

Անցյալի եւ ապագայի առջեւ

Հայաստանում հաստատվել է կորոնավիրուսով վարակվելու 1174 նոր դեպք. մահացել է 21 մարդ

Մշակույթի գործիչները նամակ հանձնեցին ՌԴ դեսպանատուն

Բացարձակ անթույլատրելի են սոցիալական ցանցերում վիրավորական գնահատականները Արցախի մեր հայրենակիցների մասին. ՄԻՊ

Զինված ավազակային հարձակում Արարատի մարզում. թալանել են բենզալցակայանը

Աշտարակ-Ագարակ ավտոճանապարհին այրվել է ավտոմեքենա

Ազատության հրապարակից մեկնարկել է մտավորականների և արվեստագետների երթը դեպի ՌԴ դեսպանատուն

«Աստղիկ» ԲԿ-ում ռումբի տեղադրման մասին կեղծ ահազանգ է եղել

2020 թվականի դիվանագիտական ձախողումը հենված է բանակցային ողջ նախորդ ժամանակաշրջանի դիվանագիտական ձախողումների վրա

Սիսիան-Գորիս ավտոճանապարհը դժվարանցանելի է, Սյունիքի մարզում ձյուն է տեղում

Հրդեհ Վերին Անտառային փողոցում․ կան տուժածներ, այդ թվում՝ 8 ամսական եւ 3 տարեկան երեխաներ

Վարչապետը կրկին հանդիպել է գերեվարված և անհետ կորած անձանց ընտանիքների անդամներին

2018 թվականի դրությամբ Ղարաբաղի հարցը փակուղում էր, որից միայն մեկ ելք կար՝ տարածքների անվերապահ հանձնում. վարչապետ

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադրբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ