Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

Սննդամթերքի անվտանգության տեսչական մարմնի (ՍԱՏՄ) և Առողջապահական և աշխատանքի տեսչական մարմնի (ԱԱՏՄ) պատասխանատուները ոստիկանների ուղեկցությամբ այսօր 24 ժամով դադարեցրին Գյումրիում հանրային սննդի 2, ինչպես նաեւ այլ գործունեություն ծավալող 9 կետի գործունեությունը:

Որոշումը պարետինն էր: Այն կայացվել էր՝ հիմքում ունենալով հունիսի 1-ին Գյումրիում իրականացված ստուգումների արդյունքների արձանագրությունները: Ռիժկովի 6 հասցեւոմ գործող «ՏՐԵՑՈ» սրճարանում հունիսի մեկին արձանագրվել էր սեղանների միջև համապատասխան հեռավորության բացակայություն:

Հաջորդ կասեցումը կարկանդակների և բուլկիների արտադրությամբ ու վաճառքով զբաղվող «Տաք կարկանդակ» սրճարանում էր: Հունիսի 1-ին այստեղ տեսչական մարմինն արձանագրել էր տարբեր խախտումներ. չէր իրականացվել ջերմաչափում, չէին ունեցել ջերմաչափ, սեղանների միջև համապատասխան սահմանված հեռավորությունը չէր պահպանվել, չէր վարվել ախտահանման և ջերմաչափման մատյան: Խնդիրն այստեղ կարգավորված էր, սակայն գործունեության կասեցումն իրականացվեց: «Պարետի որոշումը որոշում է»,- ասաց ՍԱՏՄ Շիրակի մարզային կենտրոնի ղեկավար Արտուշ Հովհաննիսյանը:

«Տաք կարկանդակ»-ում մի փոքր ընդդիմացան կասեցման որոշմանը: Աշխատակիցն ասաց՝ խախտումներն արձանագրվել են հունիսի 1-ին, իրենք շատ արագ դրանք վերացրել են, այսօրվա որոշումն արդեն անիմաստ է դառնում:

«Գոնե վաղվանից կասեցրեք, այ քեզի բան, էգուց արեք, որ էլ ապրանք չթխենք, փակենք: Հմի, որ փակեցինք, էս սաղ ապրանքը բդի թափենք: Ըսքան ապրանք, ըսքան գումարը թափելը ո՞րն է: Վաղը կփակենք: Մեր դրության մեջ բդի մտնիք, չէ՞: Ի՞նչ չկա որ: Ան ալկոգել կա, մասկա կա, ջերմաչափ կա, ի՞նչ չկա, ամեն ինչ էլ կա»,- վրդովվեց նա:

ՀԺ-ի հարցին, թե ինչքա՞ն վնաս կկրեն այսօրվա կասեցումից հետո, աշխատակիցն ասաց՝ չգիտի: «Ես շատ գիտեմ, ան տիա դուք հաշվեք, ես չգիտեմ՝ ինչքան: Ինչքան ապրանք կա ստեղ, կտեսնիք, պլյուս ներսինը»:

ԱԱՏՄ տարածքային մարմինը ևս Գյումրիում պարետի որոշմամբ կասեցումներ իրականացրեց: 24 ժամով դադարեցրին կահույքի սրահների, որոշ դեղատների գործունեւությունը ևս: Նրանց մոտ խախտումները կրկին հունիսի 1-ին էին հայտնաբերվել: Այս գործողությունները Գյումրիում արդեն 3-րդ օրն են իրականացվում: Առաջին օրը կասեցվել է 47, երկրորդ օրը՝ 19, այսօր՝ 9 տնտեսվարողի գործունեություն:

ԱԱՏՄ-ն այսօր կասեցված օբյեկտներում հունիսի 1-ին հայտնաբերել էր բազմաթիվ խախտումներ. չԷին եղել օգտագործված ձեռնոցների և դիմակների համար նախատեսված փակվող աղբամաններ, չէին եղել ջերմաչափում կամ ջերմաչափման գրանցամատյաններ, բացակայել էին սոցիալական հեռավորության գծանշումները, փակցված չէին եղել, որ մուտքն առանց դիմակ-ձեռնոցի արգելվում է, ինչպես նաև բացակայել էին գրառումները, որ ժամը 10:00-ից 12:00-ն պետք է սպասարկվեն միայն կենսաթոշակային տարիքի անձինք, նաև արձանագրվել էին դիմակի ու ձեռնոցի մասնակի կրման դեպքեր:

Ինչո՞ւ է հունիսի 1-ին արձանագրված խախտման համար, որն այսօր արդեն հունիսի 4-ին վերացված է, կասեցման որոշումը կիրառվում: ԱԱՏՄ հյուսիսային տարածքային կենտրոնի աշխատողների առողջության պահպանության և անվտանգության վերահսկողության բաժնի ավագ տեսուչ Գագիկ Մազմանյանն ասաց՝ իրենք արձանագրման պահին կասեցման լիազորություն չունեն: Տվյալները ներկայացնում են պարետատուն, որոշումը կայացնում է պարետը: «Ուրախ ենք, որ մարդիկ մեր այցից հետո վերացրել են խախտումները, բայց պետք է դրանք պահեն անկախ ամեն ինչից: Սա ասում  եմ, որովհետև դեպքեր ենք ունեցել, որ խախատումը վերացրել են, մի քանի օր հետո գնացել ենք, տեսել՝ էլի նույն վիճակն է: Մարդիկ պետք է զգոն լինեն, չմտածեն՝ եկանք-գնացինք, ու վերջ»,- ասաց պատասխանատուն:

Ստուգայցերը Գյումրիում լինելու են շարունակական, առանց զգուշացման: Կրկնակի այցերը ևս չեն դադարեցվի:

Տպել
815 դիտում

Իտալիան արգելել է 13 երկրների, այդ թվում՝ ՀՀ քաղաքացիների մուտքը

Հրդեհ Գորիս քաղաքում. այրվել է տան տանիք եւ կենցաղային իրեր

Հայաստանի տարածքում հրդեհավտանգ իրավիճակ է. ԱԻՆ-ը հորդորում է զգոն լինել

Արցախում կորոնավիրուսի 3 դեպք է հաստատվել Ստեփանակերտում, եւս մեկը՝ Մարտակերտում

Նիդերլանդները 200.000 եվրո կհատկացնի Հայաստանին՝ կորոնավիրուսի դեմ պայքարի համար սարքավորումներ գնելու նպատակով

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Խոշոր վթար Ստեփանակերտ-Ասկերան ճանապարհին. 5 տուժածի թվում 13-ամյա երեխա կա (լուսանկարներ)

Արմեն Սարգսյանը հեռախոսազրույց է ունեցել ԲԴԽ նախագահի հետ

557 նոր դեպք և 709 առողջացած. 1 օրում կորոնավիրուսից 11 մարդ է մահացել, եւս 7 մահ է գրանցվել այլ հիվանդությունից

Մահացել է «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը

ՌԴ-ից ՄԻՊ-ի աջակցությամբ Հայաստան են վերադարձել արտակարգ դրության պատճառով ծնողներից բաժանված երեխաները

Հրազդան գետից դուրս է բերվել ինքնասպանություն գործած 60-ամյա քաղաքացու դին

Վթարի պատճառով 12 ժամ ջուր չի լինելու Էրեբունիում

ԱՄՆ կոնգրեսականը կոչ է արել շարունակել Արցախի ականազերծման ծրագրին հատկացվող ֆինանսավորումը

Դենիս Ջորկաեֆը եւ Հակոբ Սիմիդյանը նշանակվել են ՀՖՖ նախագահի խորհրդականներ

Այրվել է մետ 12 հա խոտածածկույթ

ԱՄՆ-ի սենատորները պահանջել են անհապաղ պատժամիջոցներ կիրառել Թուրքիայի դեմ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 25․1 հա տարածք

Ինքնասպանություն Երևանում. տղամարդը ցած է նետվել Կիևյան կամրջից

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան