Ռեվանշիստները հիմա էլ ուրի՞շ «պլացդարմ» են փնտրում

30/05/2020 schedule19:43

Այն, ինչ նախօրեին տեղի ունեցավ Կապանում, որեւէ կերպ չի տեղավորվում առողջ բանականության սահմաններում։ Խնդիրը նույնիսկ այն չէ, որ արտակարգ դրության պայմաններում հարյուրավոր քաղաքացիներ, բացարձակապես անտեսելով հակահամաճարակային անվտանգության կանոնները, բողոքի ակցիա էին կազմակերպել ու նույնիսկ փորձում էին բախումներ հրահրել իրավապահների հետ։ Խնդիրը շատ ավելի խորն էր, կարելի է նույնիսկ ասել՝ աշխարհայացքային։ Ի՞նչ էր տեղի ունեցել ի վերջո։

Քաջարանում շաբաթներ առաջ ինչ-որ զանգվածային ծեծկռտուք էր տեղի ունեցել, մարդ էին առեւանգել եւ այլն, ու այդ ամենը՝ Քաջարանի համայնքապետի մասնակցությամբ։ Ոստիկաններն էլ մի քանի հոգու բերման էին ենթարկել, եւ, ըստ շրջանառվող տեղեկությունների, նրանց նկատմամբ բռնություններ կիրառել (ներկայումս ծառայողական քննություն է ընթանում): Բերման ենթարկվածների հարազատներն ու ընկերներն էլ, Քաջարանի համայնքապետի ակտիվ մասնակցությամբ, բողոքում էին ու պահանջում, որ ձերբակալվածներին Երեւան չտանեն։ Վերջ. այսքանը։

Հասկանալի է, որ զանգվածային ծեծկռտուքի ու մարդ առեւանգելու համար բոլոր մեղավորները պիտի պատժվեն, ու հասկանալի է նաեւ, որ բերման ենթարկվածների նկատմամբ բռնություն կիրառած իրավապահները նույնպես պիտի ամենայն խստությամբ պատասխանատվության ենթարկվեն։ Այստեղ երկու կարծիք լինել չի կարող։ Բայց ի՞նչն է այս պատմության մեջ ամենատարօրինակն ու ցավալին։ Նախ, ցուցարարների պահանջը՝ ձերբակալվածներին պահել Կապանում ու դատն էլ այնտեղ անցկացնել։ Այնպիսի տպավորություն է, թե Երեւանում ու Կապանում արդարադատության տարբեր համակարգեր են գործում, եւ ընդհանրապես՝ Սյունիքը Հայաստան չէ, եւ խոսքը մի երկրից այլ երկիր մեղադրյալների էքստրադիցիայի մասին է։ Երկրորդը (սա ամենատարօրինակն էր)՝ ձերբակալվածները ոստիկանության բաժանմունքից դուրս բերվեցին ցուցարարների ծափահարությունների ներքո։ Հասկանո՞ւմ եք, թե ուր ենք հասել։ Մարդիկ առաջնագծից չեն վերադարձել, թշնամու դիվերսիա չեն կանխել, ընդամենը կասկածվում են մարդ առեւանգելու եւ մի քանի հոգով ծեծելու մեջ։ Եվ... դիմավորվում են որպես հերոսներ։ Ու ընդդիմադիր քարոզչամիջոցներում եւ սոցկայքերում էլ այս ամենը ներկայացվում է որպես իշխանությունների կողմից քաղաքական բռնաճնշումներ իրականացնելու փորձ։ Իբր՝ իշխանություններն ուզում են «նստացնել» բոլոր այն համայնքապետներին, ովքեր «Իմ քայլից» չեն, Երեւանից եկել ու փորձում են «իրենց կանոնները հաստատել» Սյունիքում, հպարտ սյունեցիներն էլ, հավատարիմ մնալով իրենց պապերի ըմբոստ ոգուն, դիմադրում են։ Թե ինչու է ընդդիմադիր քարոզչամեքենան այսպես ներկայացնում իրավիճակը՝ հասկանալի է։ Նրանց պետք են «բռնապետական հակումներով իշխանություններ» եւ «ըմբոստ մարզ» (Արցախը նման սխեմայի մեջ ներքաշելը չափազանց վտանգավոր կլիներ), ու պետք է ամեն գնով ցույց տալ, թե տեսեք՝ իշխանությունները չեն վերահսկում վիճակը, ժողովուրդն իրավապահներին թշնամաբար է վերաբերվում, եւ ընդհանրապես՝ երկրում անիշխանություն է։

Այն, որ ամեն գնով ռեւանշի ձգտողները հանուն իրենց քաղաքական շահերի (եւ կուտակածը պահպանելու) ոչնչի առջեւ կանգ չեն առնելու եւ օգտագործելու են ցանկացած առիթ՝ վաղուց ակնհայտ էր։ Բայց ակնհայտ է նաեւ, որ ոստիկանական համակարգում այս էլ որերորդ անգամ գտնվում են մարդիկ, ովքեր տալիս են այդ առիթը՝ դրանով իսկ կամա թե ակամա մեծ ծառայություն մատուցելով իշխանությունների եւ ժողովրդի միջեւ անվստահություն սերմանելու փափագով տառապողներին։ Այնպես որ՝ իշխանություններն այս հարցում անելիքներ ունեն ու պիտի ամենայն մանրամասնությամբ պարզեն միջադեպի համգամանքները եւ համապատասխան եզրակացություններ անեն։ Փոխզիջում չի կարող լինել ոչ միայն կրիմինալի, այլեւ կրիմինալի դեմ հակաօրինական մեթոդներով պայքարողների հետ։

Իսկ Սյունիքում, ինչպեսեւ ողջ Հայաստանում, մարդիկ, վստահաբար, շատ լավ տեսնում ու հասկանում են, թե ինչ է տեղի ունենում իրականում։

Տպել
4202 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը