Այն պատգամավորները, որոնք դիմակ չեն կրի, դուրս են հրավիրվելու դահլիճից 1 կամ 7 օրով․ Արարատ Միրզոյան

Համավարակով պայմանավորված, պարետատան որոշմամբ՝ ԱԺ դահլիճում այսուհետեւ լինելու են միայն դիմակով։ ԱԺ նախագահ Արարատ Միրզոյանը հարցերի քննարկումներից առաջ հայտարարեց, որ այն պատգամավորները, որոնք դիմակ չեն կրի, նախազգուշացվելու, ապա դուրս են հրավիրվելու դահլիճից 1 կամ 7 օրով։

«Բարգավաճ Հայաստան» խմբակցության պատգամավոր Նաիրա Զոհրաբյանն արձագանքեց, որ պահպանված է սոցիալական հեռավորությունը, ինչից հետո Միրզոյանն էլ նկատեց, որ բարձրախոսները կարող են կրիչներ լինել։ Նա չցանկացավ շատ տեխնիկական մանրամասներ մեջբերել, այնուամենայնիվ, հայտարարեց, որ շփվում են, խոսում են, հպվում են, ուստի ապահով է դիմակը կրելը, նաեւ՝ օրինակ ծառայելու համար։

Միրզոյանը նաեւ վերհիշեց դեպքը, երբ փակ տարածքում է եղել եւ չի կրել դիմակ, ապա նկատեց, որ շատ սխալ է վարվել, մտածել է, որ հանդիսավոր պահ է, Արցախի նախագահի երդմնակալության արարողություն է։

«Լուսավոր Հայաստան» խմբակցության ղեկավար Էդմոն Մարուքյանն էլ կարծիք հայտնեց, որ դիմակով անհարմար է խոսել եւ հիշեցրեց Սահմանադրության այն նորմը, որ արտակարգ դրությունը չի տարածվում ԱԺ-ի վրա։ Հետեւաբար եւ շեշտեց, որ պարետի որոշումները չեն կարող կիրարկվել խորհրդարանում։ «Ինչ վերաբերում է դիմակ կրելուն, բնականաբար, բոլորս կողմ ենք, բայց խոսելու ժամանակ, կամ երբ պահպանված է սոցիալական հեռավորությունը, թող պատգամավորն իր պատասխանատվությամբ որոշի՝ ինչ տիրույթում կրի կամ չկրի»,- ասաց Մարուքյանը եւ հիշեցրեց իր առաջարկը, որ նիստերը լինեն սահմանափակ քանակությամբ պատգամավորներով կամ հեռավար, սակայն քաղաքական մեծամասնությունը չհամաձայնեց։

Միրզոյանն էլ պատասխանեց՝ րոպեներ առաջ շեշտել է, որ հարցն ունի 2 ենթատեքստ։ Այստեղ կա նաեւ քաղաքացիներին օրինակ ծառայելու, մեր բոլորի եւ ընտանիքի անդամների առողջության մասին մտածելու շերտը, եւ այսպես շարունակ։ «Դուք պնդում եք անում, որ սա չի կարող տարածվել պատգամավորների վրա, եւ ես՝ որպես ԱԺ նախագահ, չեմ կարող կիրառել նախազգուշացման միջոցները։ Ես ուզում եմ վերահաստատել, որ կիրառելու եմ այդ միջոցները, կոչ եմ անում եւ խնդրում եմ կրել դիմակ ԱԺ նիստերի դահլիճում․ սա ընդունեք որպես խնդրանք»,- ասաց Միրզոյանը՝ կոչ անելով նաեւ չդիտարկել սա որպես մարտահրավեր, համարձակությունների չափում։

Տպել
1283 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը