Առաջիկա հանգստյան օրերին Հայաստանի ֆուտբոլի Բարձրագույն խմբի առաջնությունը վերադառնում է: 2019-20 մրցաշրջանի վերսկսումից հետո առաջին խաղային օրվա հանդիպումները, ինչպես Հայաստանի ֆուտբոլի ֆեդերացիան է հայտարարել, անցկացվելու են առանց հանդիսականների: Այս որոշումը պայմանավորված է կորոնավիրուսի պանդեմիայով:

Թե քանի մարդու վրա է այս կարգն անդրադառնալու, կարելի է հասկանալ խաղերի արձանագրություններից, որոնք ՀՖՖ-ն ներկայացնում է: Մի փոքր բարդ է հաճախելիությունը վերլուծել՝ տեսակավորելով ըստ թիմերի կամ ըստ մարզադաշտերի, քանի որ Հայաստանում քիչ ակումբներ իրենց սեփական մարզադաշտն ունեն: Օրինակ, կարող է այնպես ստացվել, որ թիմը նույն մարզադաշտում մի խաղում համարվի տանտեր, մյուսում՝ հյուր: Կամ էլ թիմը կարող է իրեն պատկանող մազադաշտում լինել հյուր, ինչպես «Ալաշկերտի» դեպքում, որն 9-րդ տուրի «Նոայի» դեմ խաղում հյուրընկավողի դերում է եղել:

Ամեն դեպքում ՀՖՖ արձանագրությունները հաճախելիության վերաբերյալ որոշակի պատկերացում տալիս են: Եվ ըստ պաշտոնական տվյալների՝ այդ թվերն այնքան էլ մեծ չեն: Ընթացիկ մրցաշրջանում կայացած 17 տուրերի տարբեր խաղերի ընթացքում եղել է 20-ից մինչեւ 1000 հանդիսական: Արձանագրություններում նշված են նման թվեր՝ 20, 50, 100, 120, 200, 300, 400, 500, 600, 700, 820 եւ այլն:

20 հանդիսական արձանագրվել է 1, 50 հանդիսական՝ 2 դեպքում: 3-ն էլ «Երեւանի» մասնակցությամբ խաղեր են եղել: Սա առաջնության ակնհայտ հետնապահն էր, որը պարտվում էր բոլոր հանդիպումներում, իսկ մրցաշրջանի գարնանային հատվածից առաջ էլ դուրս եկավ մրցաշարից: Նշված 3 խաղերը տեղի են ունեցել մարզում՝ Վանաձորի մարզադաշտում, եւ տանտեր է համարվել «Երեւանը», իսկ մրցակիցները երեւանյան այլ թիմեր են եղել:

1000 հանդիսական է գնացել 2 խաղի՝ 8-րդ տուրի «Շիրակ» - «Արարատ-Արմենիա» (1:0) եւ 10-րդ տուրի «Լոռի» - «Փյունիկ» (2:2): 2 դիմակայություններն էլ տեղի են ունեցել ոչ թե Երեւանում, այլ մարզերում՝ մեկը Գյումրիի քաղաքային մարզադաշտում, մյուսը՝ Վանաձորի մարզադաշտում:

Եթե առանձնացնենք առաջնության այն մասնակիցներից մի քանիսին, որոնք տնային խաղերի համար մշտական տեղ ունեն, ապա միջինում ամենաշատ հաճախելիությունը որպես տանտեր ընթացիկ մրցաշրջանում ունեցել «Շիրակը»: Գյումրիի քաղաքային մարզադաշտում այս թիմը որպես տանտեր միջինում ունեցել է 633 հանդիսական, ամենաքիչը՝ 300, ամենաշատը՝ 1000:

Երկրի գործող չեմպիոն «Արարատ-Արմենիան», որը որպես տանտեր հանդես է գալիս Երեւանի ֆուտբոլի ակադեմիայում, միջինում ունեցել է 417 հանդիասական: Ամենափոքր թիվը 100-ն է, ամենամեծը՝ 900-ը:

Հայաստանում գործող ամենամեծ տարողությունն ունեցող մարզադաշտում՝ «Հանրապետականում», որը վերանորոգման մեջ է լինելու մինչեւ հունիս-հուլիս եւ ընթացիկ մրցաշրջանում այլեւս առաջնության խաղեր չի ընդունելու, 2019-20թթ. կայացել է Բարձրգույն խմբի 10 խաղ: Այն որպես տնային մարզադաշտ օգտագործել են «Արարատն» ու «Փյունիկը»: Միջինում հաճախել է 416 երկրպագու: Եղել է դեպք, որ 14 հազարից ավելի տեղ ունեցող այս մարզադաշտն ունեցել է 110 հանդիսական: Դա ամենափոքր թիվն է: Ամենաշատն այստեղ խաղի ներկա է գտնվել 700 հոգի:

Թվերն իհարկե մեծ չեն ու չեն վկայում Հայաստանի առաջնության վերաբերյալ մեծ հետաքրքրության մասին՝ առավելեւս հաշվի առնելով, որ Հայաստանում խաղերի մուտքը, ըստ էության ազատ է, որոշ ակումբներ տոմսեր սկսել են վաճառել միայն ընթացիկ մրցաշրջանում այն էլ սիմվոլիկ գումարով (օրինակ, «Ուրարտուի» խաղերինը 200, 300, 500 դրամ): Ամեն դեպքում կորոնավիրուսի պատճառով մարտ ամսից սկսած ողջ աշխարհում ֆուտբոլային դադարը, մոտ 2 ամիս ժամանցի այս ձեւից զրկված լինելու փաստը եւ երկրպագուների կարոտը դեպի ֆուտբոլը հաշվի առնելով՝ հնարավոր է՝ վերսկսումից հետո առաջին տուրում խաղերի գնալու ցանկացողներ շատ լինեին: Նրանք այս շաբաթ պետք է սպասեն, իսկ հետագա տուրերի վերաբերյալ ՀՖՖ-ն լրացուցիչ որոշումներ է կայացնելու:

Վերսկսելուց հետո առաջնության առաջին խաղը նախատեսված է Գյումրիում: Մայիսի 23-ին «Շիրակը» հյուրընկալելու է «Լոռիին»: Խաղը պետք է սկսվի 16:30-ին: Նույն օրը 18:15-ին մեկնարկելու է «Փյունիկ»-«Արարատ-Արմենիա» հանդիպումը:

Տպել
652 դիտում

2020 թվականի առաջին կիսամյակում 2019-ի համեմատությամբ ավելի պակաս մահ է արձանագրվել. Նիկոլ Փաշինյան

«Օրենքով գող» Արսեն Երևանսկուն ՔԿՀ-ից չեն տեղափոխում քաղաքացիական հիվանդանոց. պաշտպանները ահազանգում են

Բանակը երբեք միայնակ չի եղել․ ԶՈՒ ԳՇ պետի հարցազրույցը զենքի գնումների, հակառակորդի ակտիվության մասին

Պետական մարմինների զեկույցները չէին բավարարում և դիմեցի հանրությանը. հրեշավոր իրականություն բացահայտվեց.վարչապետ (ուղիղ)

Պարետի որոշմամբ 24 ժամով արգելվել է «Երևան մոլ»-ի և մի շարք տնտեսվարողների գործունեությունը

Խորհրդարանն առաջին ընթերցմամբ ընդունեց «ԱԺ կանոնակարգ» օրենքում փոփոխություններ կատարելու մասին օրենքի 2 նախագիծ

Կապամոնտաժվեն Օղակաձև զբոսայգու ապօրինի կառույցները. գործընթացը մեկնարկել է

Ռոնալդուն միայն ինստագրամից ավելի քան 2 մլն եվրո է վաստակել արտակարգ դրության ընթացքում՝ ամենաշատը մարզիկների շրջանում

Դավիթ Տոնոյանը հորդորում է Դավիթ Շահնազարյանին «ժամ մը» առաջ հաղորդում տալ հանցագործության մասին

Գագիկ Բեգլարյանի եղբայրը դիտավորությամբ չի կատարել ծառայողական պարտականությունները. ՔԿ-ն մանրամասնում է

Նիկոլ Փաշինյանը հեռավար կարգով վարել է Էկոնոմիկայի նախարարության 2019թ. գործունեության հաշվետվության քննարկումը

Կորոնավիրուսից մահացած անձանց անունները հրապարակելու փաստով քրեական գործ է հարուցվել

Հրանտ Բագրատյանի հայտարարությունը բավական ոգեւորել է մեր հակառակորդին․ Գաբրիել Բալայան

2018-ից ի վեր Հայաստանը երրորդ երկրի հետ անօրինական զենքի գործարք չի ունեցել. ՊՆ փոխնախարար

Բժշկասոցիալական փորձաքննության իրականացման կարգը պարզեցվել է

Արմեն Սարգսյանը կորոնավիրուսով պայմանավորված իրավիճակը քննարկելու նպատակով հանդիպում է տարբեր ոլորտների մասնագետների հետ

IDBank-ը հորդորում է Բանկ այցելել ծայրահեղ անհրաժեշտության դեպքում

Համաձայնություն է ձեռք բերվել զորամասերում ջրամատակարարման և ջրահեռացման համակարգերի բարելավման ուղղությամբ

Արցախում ՃՏՊ-ի հետեւանքով զինծառայող է մահացել․ ՊԲ

ԵՊՀ հոգեբանության մասնագիտական խորհուրդը անցկացնելու է թեկնածուական ատենախոսությունների պաշտպանություններ