«Բոլորս՝ երեխա ունենալու»․ կառավարությունը հաստատեց երեխա ունեցող ընտանիքների բնակարանային ապահովության ծրագրերը

ՀՀ Կառավարությունն այսօրվա նիստում հաստատեց Երեխա ունեցող ընտանիքների բնակարանային ապահովության պետական աջակցության 2020-2023թթ. ծրագիրը։

Նախագիծը ներկայացնելով՝ աշխատանքի եւ սոցիալական հարցերի նախարար Զարուհի Բաթոյանն ասաց, որ դրա հիմնական նպատակը սոցիալական աջակցությունից զատ, նաեւ ծնելիության խթանումն է:

«Ծրագիրը կսկսի գործել 2020 թվականի հուլիսի 1-ից հետո ձեռք բերվող բնակարանների համար, եւ ծրագրի շահառու են այն ընտանիքները, որոնք ունեն անչափահաս երեխաներ, որտեղ երեխաներ են ծնվելու հուլիսի 1-ից հետո»,- ասաց Բաթոյանը:

Նա նշեց, որ 2020 թվականի պետական բյուջեով Նպատակային ծրագրերի համար նախատեսվել է 526 մլն 760 հազ դրամ։

Նպատակային ծրագրերն են՝

միանվագ դրամական աջակցություն մարզային բնակավայրերում բնակարան ձեռք բերելու համար,

կանխավճարի (հիփոթեկային պարտավորության) ապահովագրության համար դրամական աջակցություն,

երեխայի ծննդով պայմանավորված՝ աջակցություն հիփոթեկային վարկի մարմանն ուղղված աջակցություն։

2020 թվականին նախատեսվում է.

միանվագ դրամական աջակցություն տրամադրել 245 շահառուի,
կանխավճարի ապահովագրություն տրամադրել 540 շահառուի,
երեխայի ծննդյան աջակցություն տրամադրել 300 շահառուի։

Յուրաքանչյուր տարվա բյուջետային գործընթացի շրջանակներում կճշգրտվի շահառուների նախատեսվող թվաքանակը՝ ըստ նպատակային ծրագրերի։

Բնակարանների ձեռքբերման պետական ծրագրի համար բնակարանի առավելագույն շուկայական արժեք է սահմանվել 30 մլն դրամը, իսկ շահառուի 3-րդ եւ յուրաքանչյուր հաջորդ երեխայի հաշվով գումարը կավելանա եւս 5 մլն դրամով:

Պետական աջակցությունը ենթադրում է կանխավճարի վճարման աջակցություն՝ երկրորդային շուկայից ձեռք բերվող բնակարանների համար բնակարանի արժեքի մինչեւ 10 տոկոսի չափով, առաջնային շուկայից ձեռքբերվող բնակարանների համար՝ մինչեւ 7․5 տոկոս:

Բնակարան ձեռք բերած ընտանիքում յուրաքանչյուր նոր ծնված երեխայի ծննդյան միանվագ դրամական աջակցությունն ամբողջությամբ կուղղվի հիփոթեքային վարկի մնացորդային մայր գումարի մարմանը։

Պաշտպանության նախարար Դավիթ Տոնոյանը հետաքրքրվեց, թե արդյոք այս պայմանները տարածվելո՞ւ են նաեւ զինծառայողների բնակապահովման՝ արդեն գործող ծրագրերի վրա:

Բաթոյանն ասաց, որ ծրագրում որեւէ սահմանափակում չկա։

«Ես խնդրում եմ դա ճշտենք, պարո՛ն վարչապետ, թե չէ բանակն ինձ կգրոհի»,- ասաց Տոնոյանը:

Վարչապետը ծիծաղեց եւ ի պատասխան՝ ասաց․ «Մենք ուզում ենք՝ բանակը գրոհի, բայց բոլորովին ուրիշ ուղղությամբ»։

Այնուհետեւ նա ֆինանսների նախարար Ատոմ Ջանջուղազյանին հանձնարարեց ճշգրտել զինծառայողների՝ ծրագրի շահառու հանդիսանալու հարցը:

«Այսքանից հետո մնում է՝ կարգախոսն էլ մշակենք. «Բոլորս՝ երեխա ունենալու»»,- կատակեց վարչապետը։

Նա ընդգծեց, որ կախված երեխաների քանակից, աջակցության ծավալները տարբեր են. «Ճիշտ եմ, չէ՞, հասկանում, հետո չպարզվի, որ վերջին տողում գրված է՝ բացառությամբ ու մի 300 տողանոց շարք, որ ոչ մեկի վրա չի տարածվում, ինչպես հաճախ պատահում է իրավակիրառ պրակտիկայում»։  

Կառավարությունը միաձայն հաստատեց առաջարկված ծրագրերի փաթեթը:

Տպել
1249 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ