ԵՄ երկրները պատրաստվում են բացել սահմանները. ինչպիսին են լինելու ճամփորդություններն ու ամառը

Եվրամիության անդամ երկրները պետք է աստիճանաբար անցնեն սահմանափակումների թուլացմանը եւ ներքին սահմանների բացմանը՝ ամառային արձակուրդներին ընդառաջ: Այս մասին ասված է Եվրահանձնաժողովի՝ Բրյուսելում այսօր տարածած հայտարարության մեջ: Այսպես, Եվրահանձնաժողովն առաջարկում է սկզբում բացել Եվրոպական միության տարածքում գտնվող այն երկրների սահմանները, որոնք ունեն միանման համաճարակաբանական պատկեր եւ որտեղ կորոնավիրուսով պայմանավորված իրավիճակը վերահսկելի է: Ինչ վերաբերում է արտաքին սահմաններին, դրանք բացելու մասին առայժմ խոսք անգամ գնալ չի կարող:

Ներկա պահին, Եվրահանձնաժողովի որոշմամբ ԵՄ անդամ երկրների ինչպես ներքին, այնպես էլ արտաքին սահմանները  պետք է փակ մնան մինչեւ հունիսի 15-ը առնվազն:

Սահմանների բացում.

«Քանի որ ԵՄ անդամ պետություններին հաջողվում է նվազեցնել վիրուսի տարածումը, ազատ տեղաշարժման ընդհանուր սահմանափակումները պետք է փոխարինվեն ավելի նպատակային միջոցներով», - ասվում է ԵՀ հայտարարության մեջ: Եթե սահմանափակումներ մտցնելու ընդհանուր պայմանն այդքան էլ արդյունավետ չի աշխատում առողջապահական տեսանկյունից, ԵՀ-ն առաջարկում է փուլային մոտեցում, որն առաջին հերթին ենթադրում է շրջանների կամ պետությունների միջեւ սահմանների բացում՝ համաճարակաբանական տեսանկյունից իրար նման շրջաններում կամ երկրներում»,-ասվում է հայտարարության մեջ:

Փաստաթղթում նշվում է, որ պետությունները պետք է գործեն՝ հիմնվելով 3 չափանիշների վրա.

Առաջինը համաճարակաբանական պատկերն է, մասնավորապես՝ կենտրոնացումն այն ոլորտների վրա, որտեղ իրավիճակը բարելավվում է ՝ հիմնվելով հիվանդությունների կանխարգելման և վերահսկման եվրոպական կենտրոնի [ECDC] ուղեցույցի վրա եւ օգտագործելով ECDC- ի կողմից մշակված տարածաշրջանային քարտեզը:

Երկրորդը ուղեւորություն կատարելու ընթացքում համապատասխան միջոցներ կիրառելու տարբերակն է, ներառյալ սահմանային անցումներում այն իրավիճակները, երբ ֆիզիկական հեռավորությունը դժվար է ապահովել:

Ի վերջո, երրորդ չափանիշը`տնտեսական եւ սոցիալական, երբ ի սկզբանե որոշվում է աշխատանքային գործունեության շրջանակներում տեղաշարժի գերակայությունը եւ ներառում է անձնական չափորոշիչներ:

Բժշկական ծառայությունների ապահովում.

Ինչպես ասուլիսում այսօր հայտնել է Եվրամիության՝ առողջապահական հարցերով հանձնակատար Ստելլա Կիրիակիդիսը, ԵՄ երկրները, որոնք ցանկանում են հյուրընկալել եվրոպական զբոսաշրջիկներին այս ամռանը, պետք է երաշխավորեն բոլոր անհրաժեշտ բժշկական ծառայությունները կորոնավիրուսի հայտնաբերման եւ բուժման համար բոլոր տարիքային խմբերին, ներառյալ՝ զբոսաշրջիկների: «Մենք պետք է վերսկսենք զբոսաշրջությունը եւ տրանսպորտային գործունեությունը, բայց ԵՄ քաղաքացիների առողջությունը պետք է մնա առաջնային: Ուստի զբոսաշրջության վերականգնումը պետք է լինի զգույշ եւ աստիճանական: Զբոսաշրջությունը վերսկսող երկրները պետք է երաշխավորեն բժշկական ծառայությունների պատշաճ տրամադրումը: Զբոսաշրջիկները  պետք է վստահ լինեն, որ ԵՄ տարածքում ճամփորդելիս, բոլոր ծառայությունները հասանելի եւ անվճար են լինելու՝ ներառյալ ստացիոնար բուժումը հիվանդանոցներում, ինտենսիվ թերապիայի բաժանմունքներում:

Ըստ Եվրահանձնակատարի, այս համատեքստում, ԵՄ-ի անդամ երկրների համակարգված աշխատանքն ու հաղորդակցությունը դառնում է առավել արդիական եւ կարեւոր:

Անվտանգ տրանսպորտ.

Եվրահանձնաժողովը հանձնարարականներ է տալիս Եվրամիության անդամ երկրների երկրների տրանսպորտային գործունեության վերսկսման վերաբերյալ: Այսպես. որեւէ վայր մեկնելու ժամանակ շփումը նվազագույնի հասցնելու համար ուղեւորներին կառաջարկվի տոմսեր գնել եւ մուտքագրվել միայն առցանց: Ֆիզիկական հեռավորությունը պետք է ապահովվի անվտանգության ստուգումների ժամանակ, ինչպես նաեւ ուղեբեռի տեղափոխման պահերին:

Ֆիզիկական հեռավորությունը հեշտացնելու համար հնարավոր է ավելի քիչ ուղեւորներ տեղավորվեն օդանավում՝ բաց թողնելով մի քանի նստատեղեր: «Այն բոլոր դեպքերում, երբ ֆիզիկական հեռավորությունը դժվար է պահպանել, պետք է ձեռնարկվեն լրացուցիչ միջոցներ, օրինակ ՝  դիմակներ կրել եւ դրանք անվճար տրամադրել անհրաժեշտ վայրերում: Տրանսպորտային միջոցների անձնակազմերին պետք է տրամադրվեն համապատասխան պաշտպանիչ սարքավորումներ: Դռները պետք է ավտոմատ կամ հեռակա կերպով բացվեն վարորդի կողմից յուրաքանչյուր կանգառում, այնպես որ հարկավոր չլինի դիպչել որեւէ կոճակի կամ դռան բռնակների», - բացատրում է ԵՀ-ն:

Բացի այդ, ախտահանող միջոցներ պետք է հասանելի լինեն բոլոր տրանսպորտային միջոցներում, որոնք պետք է օրական մի քանի անգամ ախտահանվեն:

Կապը նվազագույնի հասցնելու համար սնունդ, ըմպելիքներ եւ  այլ ապրանքներ  այլեւս չեն կարող վաճառվել օդանավում: Եվ վերջում,  տրանսպորտային օպերատորներին խորհուրդ է տրվում մշակել ռազմավարություններ այն դեպքում, երբ ուղեւորներից մեկը ճանապարհորդության ընթացքում դրսեւորում է կորոնավիրուսի ախտանիշ:

Ամառ լինելու է, բայց ոչ սովորականի նման.

Եվրահանձնաժողովի հայտարարության մեջ նաեւ նշվում է, որ առաջարկությունները միտված են մարդկանց հնարավորություն տալու՝ ստանալ անհրաժեշտ հանգիստ, արձակուրդ եւ մաքուր օդ: Եթե առողջապահական իրավիճակը թույլ է տալիս, բոլոր անհրաժեշտ միջոցներով մարդիկ պետք է կարողանան հանդիպել ընկերներին եւ  ընտանիքի անդամներին իրենց երկրում կամ ԵՄ այլ երկրում: ԵՀ-ն նաեւ հստակեցրել է, որ ակտիվ հանգստի եւ մարդաշատ միջավայրերի, այդ թվում՝ լողափերի սիրահարների համար այս ամառ շատ դժվար է լինելու:

Տպել
1202 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն