Խաբեությամբ անձին ծնողական իրավունքից զրկողը կամ երեխայից հրաժարվելուն հակողը կարող է պատժվել ազատազրկմամբ. նախագիծ

ՀՀ Ազգային ժողովի հերթական նիստում այսօր քննարկվում է ՀՀ քրեական օրենսգրքում լրացում կատարելու մասին նախագիծն առաջին ընթերցմամբ ընդունելու հարցը:

Նախագծով քրեական պատասխանատվություն է նախատեսվում խաբեությամբ վստահությունը չարաշահելու, հորդորելու, վիճակի խոցելիությունը օգտագործելու, կյանքի կամ առողջության համար ոչ վտանգավոր բռնության, սպառնալիքի կամ այլ եղանակով անձին ծնողական իրավունքից զրկելու կամ երեխայից հրաժարվելուն հակելու համար:

Նախագիծի մանրմասները ներկայացրեց ՀՀ աշխատանքի եւ սոցիալական հարցերի նախարար Զարուհի Բաթոյանը: Նա նշեց, որ վերոնշյալ արարքները կպատժվեն տուգանքով՝ նվազագույնը աշխատավարձի երկու հարյուրապատիկից հինգհարյուրապատիկի չափով (200.000-500.000 դրամ) կամ ազատազրկմամբ՝ 1-4 տարի ժամկետով:

Ավելի խիստ պատժամիջոցներ են առաջակվում այն դեպքերում, երբ նույն արարքը կատարել է բուժաշխատողը անձի կյանքի կամ առողջության համար վտանգավոր բռության գործադրմամբ, պաշտոնական դիրքի օգտագործմամբ եւ մի խումբ անձանց նախնական համաձայնությամբ: Այդ դեպքում տվյալ աշխատողը կպատժվի 2-5 տարի ազատազրկմամբ: Առավելագույնը 3 տարի ժամկետով կզրկվի որոշակի պաշտոն զբաղեցնելու իրավունքից:

Եթե վերը նշված արարքները կատարի կազմակերպված խումբը կամ անզգուշությամբ առաջացնի տուժողի մահ կամ այլ հետեւանքներ, ապա ազատազրկումը կարող է լինել 4-8 տարի ժամկետով:

Զարուհի Բաթոյանը նկատեց՝ նախագծի նպատակն է ընտանիքի, հայրության, մայրության, եւ մանկության պաշտպանությունը, երեխայի ընտանիքում ապրելու իրավունքի ապահովումը: Վերջինս վստահություն հայտնեց, որ նախագծի ընդունմամբ հնարավորություն կընձեռվի առավել արդյունավետ պայքարել այս բավականին տարածված երեւույթի նկատմամբ: Բաթոյանն ասաց, որ նախագիծը խիստ կարեւորում են կանխարգելիչ միջոցառումների համատեքստում:

Օրենսդրական այս նախաձեռնության համար հիմք են նաեւ նախոդ տարի երեխաների ապօրինի որդեգրման թեմայով բացահայտումներն ու հարուցված քրեական գործերը: Ինչպես պարզվել էր, տասնյակ նորածիններ խլվել էին ծնողներից եւ օրենսդրության խախտումներով որդեգրման հանձնվել օտարերկրացիներին: Դա կատարվել էր նաեւ՝ ծնողներից գրավոր համաձայնություն կորզելով, այդ թվում՝ բուժաշխատողների մասնակցությամբ:

«Մենք սկսել ենք երեխաների մուտքը հաստատություններ (մանկատներ-խմբ.) կանխարգելելու լայնամասշտաբ ծրագիր, այն սկսվում է հիվանդանոցներից, ծննդատնից, շարունակվում մինչեւ ծնողների հետ կատարվող հոգեբանական աշխատանքներ, նրանց աջակցություն, կացարանի տրամադրում եւ այլն»,- ասաց նախարարը:

Նա վստահեցրեց, որ այդ աշխատանքների արդյունքում 0-1 տարեկան երեխաների նկատմամբ ծնողական պարտավորություններից հրաժարվելը կտրուկ նվազել է:

«Առնվազն եռամսյակային տվյալներով տարեվերջին միայն հնարավորություն կունենանք վերլուծել եւ հասկանալ արդյունքը, բայց 2018 թվականի վերջին եռամսյակում նորածին երեխայից հրաժարվողների թիվը եղել է 33, 2019 թվականին՝ 34, իսկ 2020 թվականի մարտի 2-ի տվյալներով՝ ընդամենը մեկը»,- եզրափակեց նա:

Տպել
778 դիտում

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում

Նորա Մարտիրոսյանի «Եթե քամին վրա հասնի» ֆիլմն ընտրվել է Կաննի 73-րդ փառատոնի՝ «Առաջին լիամետրաժ ֆիլմ» անվանակարգում

Ոչ թե Ադրբեջանի ժողովուրդը, այլ Ադրբեջանի բարձրագույն ղեկավարությունը պատրաստ չէ խաղաղության. ՀՀ ԱԳՆ մամուլի խոսնակ

Դիմակը COVID-19-ից պաշտպանո՞ւմ է, ինչպե՞ս կրել ձեռնոց եւ ինչո՞ւ չօգտագործել դեղեր, խոսում են հայ մասնագետները

«Դուք անգրագիտություններ եք տարածում»․ «Գազպրոմ Արմենիա»-ի վարչության նախագահը՝ Հանրային խորհրդի անդամին

Նոր համակարգով կրտսեր պարեկի աշխատավարձը կկազմի 250-270 հազար դրամ․ դիմել կարող են նաեւ աղջիկները․ Ռուստամ Բադասյան

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն