Ռուսաստանի մասնավոր ռազմական ընկերության պայմանագրայինները տեղակայվել են Լիբիայում

Ռուսաստանի մասնավոր ռազմական ընկերություններից մեկի ՝ այսպես կոչված «Wagner PMC»- ի մոտ 1200 աշխատակիցներ տեղակայվել են Լիբիայում: Այս մասին ասված է ՄԱԿ-ի ներկայացրած զեկույցում, որի մասին հայտնի է դարձել լրատվամիջոցներին:

57 էջանոց զեկույցը, որը կազմվել է ՄԱԿ-ի՝ Լիբիայի դեմ պատժամիջոցների կոմիտեի դիտորդական առաքելության կողմից, հայտնվել է միաժամանակ մի շարք միջազգային լրատվական գործակալությունների խմբագրություններում:

Զեկույցում ասվում է, որ « Wagner PMC»-ի 1200 պայմանագրային զինծառայողները Լիբիայում հակամարտում են գեներալ Խալիֆա Հաֆթարի կողմում՝ միջազգայնորեն ճանաչված Տրիպոլիի կառավարության դեմ: Համազեկուցողներն ընդգծում են, որ  1200-ն ընդամենը մոտավոր թիվ է՝ հիմնված «մի քանի տեսողական կոնտակտների եւ բաց կոդով  փոխանցված տեղեկատվության վրա»:

Տեղեկություններն այն մասին, որ ռուսական «Wagner PMC»-ի հատուկ նշանակության զինծառայողներ են գտնվում Լիբիայում, լրատվամիջոցներում է հայտնվում ոչ առաջին անգամ: BBC-ի ռուսական ծառայությանը այդ զինծառայողներից ոմանք պատմել են Լիբիայում իրականացրած գործողությունների մասին դեռ 2018 թվականին, սակայն նախկինում այդ մասին պաշտոնապես չի հայտարարվել ՄԱԿ-ի զեկույցներում:

Լիբիայի դեմ պատժամիջոցների կոմիտեի դիտորդական առաքելության փաստաթղթում նաեւ նշվում է, որ ռուսական պայմանագրայինները Լիբիայում աշխատում են 2018 թվականից: Նրանք աջակցում են ռազմական մեքենաների տեխնիկական թերությունների եւ անսարքությունների վերացման հարցում եւ մասնակցում են ռազմական գործողություններին: PMC- ի անդամներն աշխատում են որպես հրետանային հրահանգիչներ, դիպուկահարներ եւ խորհուրդներ են տալիս էլեկտրոնային վերահսկողության դեմ պայքարի ոլորտում:

Զեկույցում նշվում է, որ «Wagner PMC»-ի կազմում, բացի ռուսներից, կան նաեւ Բելառուսի, Մոլդովայի, Սերբիայի եւ Ուկրաինայի քաղաքացիներ: ՄԱԿ-ի դիտորդները հայտնում են նաեւ սիրիացի պայմանագրայինների մասին, որոնք հակամարտում են գեներալ Հաֆթարի կողմնակիցների շարքում:

Հունվարին Ռուսաստանի Դաշնության նախագահ Վլադիմիր Պուտինը՝ ռուս պայմանագրայինների՝ Լիբիայում գտնվելու մասին հարցին ի պատասխան, լրագրողներին հայտնել էր, որ Լիբիայում հակամարտության գոտու ցանկացած կողմում կռիվներին մասնակցող ռուս զինվորները չեն ներկայացնում երկրի շահերը:

Բացի վերը նշվածները, ՄԱԿ-ի զեկույցում զետեղված է տեղեկատվություն նաեւ 122 պայմանագրայինների մասին, որոնք, ամենայն հավանականությամբ, Լիբիայի տարածքում մասնակցել են կամ մասնակցում են ակտիվ ռազմական գործողությունների: Նրանցից 39-ը դիպուկահարների մասնագիտացված ստորաբաժանումից են, մնացած 83-ը՝ այլ ռազմական ստորաբաժանումներից:

Զինվորականները, որոնք մարտնչում են ազգային համաձայնության կառավարության կողմում, հայտնել են զենքի առգրավման մասին, որը  նման է այն իրավիճակին, որ որոշ ժամանակ առաջ եղել է Ուկրաինայի արեւելքում եւ Սիրիայում «Wagner PMC»- ի կողմից կազմակերպված:

Զեկույցի հեղինակներն այժմ  ուսումնասիրում են բաց տեղեկատվություն ՝ Հաֆթարի և « PMC» -ի միջեւ պայմանագրի առկայության վերաբերյալ, որն ավարտվել է նախորդ տարվա հոկտեմբերի 15-ին: Ըստ այդ տեղեկությունների՝ Հաֆթարը « PMC»-ին պարտք է 173 միլիոն դոլար: 

Հիշեցնենք, որ 2011 թվականին Լիբիայի առաջնորդ Մուհամար Քադաֆիի վրա հարձակման եւ նրա պանությունից հետո Լիբիան փաստացի դադարել է գործել որպես միասնական պետություն եւ հենց 2011-ից Լիբիայում շարունակվում է քաղաքացիական պատերազմը մինչ օրս:

Այժմ երկրում տիրում է երկիշխանություն: Լիբիայի մի մասում ղեկավարում է ժողովրդի կողմից ընտրված խորհրդարանը, մյուս մասում՝ ներառյալ մայրաքաղաք Տրիպոլին, ղեկավարում է Եվրամիության եւ ՄԱԿ-ի աջակցությամբ ձեւավորված ազգային համաձայնության Կառավարությունը: Երկրի ժողովրդական խորհրդարանի հատվածը գործում է Տրիպոլիից անկախ եւ ղեկավարվում գեներալ Խալիֆա Հաֆթարի կողմից: Հաֆթարի ուժերը դեռեւս չեն կարող իշխանության գալ Տրիպոլիի նկատմամբ, սակայն տարեսկզբին նրանց հաջողվեց գրավել Լիբիայի մեծության երրորդ  ու կարեւորագույն նշանակության Սիրթ նավահանգիստը:

Հենց այդ ժամանակ հակառակորդ ուժերի միջեւ կնքվեց ժամանակավոր զինադադար: Այդուհանդերձ, երկու կողմերն իրար փոխադարձաբար մեղադրում են համաձայնագիրը խախտելու մեջ: Այս մեղադրանքները հանգեցրին հունվարի սկզբին Մոսկվայում բանակցությունների ձախողմանը:

Շատերը կարծում են, որ Լիբիայում հակամարտությունը վերածվել է արտաքին ուժերի առճակատման, քանի որ յուրաքանչյուր կողմին իրականում աջակցում են օտարերկրյա խաղացողները:

Տպել
641 դիտում

101-ամյա կինը բուժվել է կորոնավիրուսից եւ դուրս գրվել

Աննախադեպ թվով մահեր 1 օրում. կորոնավիրուսից 20 մարդ է մահացել, գրանցվել է 517 նոր դեպք

6-ից ավելի նստատեղ ունեցող ավտոմեքենաներով ուղեւորափոխադրում կատարելու մասին օրենքի նախագիծն ընդունվեց առաջին ընթերցմամբ

Վանաձորում անձը չպարզված տղամարդու դի է հայտնաբերվել

Ծայրահեղ անպատասխանատվության դրսեւորում է. ԱԱԾ տնօրենը կզբաղվի կազմակերպիչներով. վարչապետը՝ երեկվա միջոցառումների մասին

Ռուդիկ Հյուսնունցը նշանակվել է Արցախի նախագահի գլխավոր խորհրդական-հատուկ հանձնարարություններով դեսպան

85-ամյա կինը ցանկանում էր ինքնասպան լինել՝ կտրելով դաստակի երակները

Պատրաստվում ենք այս hինգշաբթի կոտրել COVID-19-ի մասին ամենատարածված միֆերը. ԵՊԲՀ ռեկտոր

Վթար Քաջարան-Կապան ավտոճանապարհի 9-րդ կմ-ին. ուղեւորն ու վարորդը հոսպիտալացվել են

Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը

Արգել գյուղի նախկին դպրոցի շենքում հրդեհ է բռնկվել. դեպքի վայր է մեկնել 4 մարտական հաշվարկ

Վրաստանը սահմանը չի բացի մի շարք երկրների զբոսաշրջիկների, այդ թվում՝ հայերի համար

Երթևեկության նշանները ծածկող խոչընդոտները կվերացվեն

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ