Համայնքները պայմանագիր են կնքել նախագծող մի ընկերության հետ, որը համապատասխան լիցենզիայի ներդիր չի ունեցել. մարզպետ

Լոռու մարզում 2020թ-ին ներկայացված պետական սուբվենցիոն ծրագրերից մինչեւ այս պահը կառավարությունը հաստատել է 9 ծրագիր:

Ծրագրային հայտերի գնահատման միջգերատեսչական հանձնաժողովի կողմից վերջին օրերին քննարկվել և հավանության են արժանացել Վանաձոր համայնքի «Աթլետիկա օլիմպիական մասնագիտացված մանկապատանեկան մարզադպրոց» ՀՈԱԿ-ի շենքի, «Հրաչյա Կլեկչյանի անվան թիվ 1 մշակույթի տուն» ՀՈԱԿ-ի, «Հրանտ Մաթևոսյանի անվան գրադարանային համակարգ» ՀՈԱԿ-ի Թատերական 2 հասցեում գտնվող շենքերի հիմնանորոգման ծրագրերը (ընդհանուր արժեքը 112.301 մլն դրամ): 

Հանձնաժողովի հավանությանն արժանացած ծրագրերից են նաեւ Ծաղկաբեր համայնքի 3-րդ փողոցի ջրագծի նորոգման, Արևաշող համայնքի «Յազիկ» թաղամասում մանկական խաղահրապարակի կառուցման, Սարչապետ համայնքի Պետրովկա բնակավայրում հանդիսությունների սրահի վերանորոգման, Նորաշեն բնակավայրի մշակույթի տան դահլիճի վերանորոգման, Ախթալա համայնքի բազմաբնակարան շենքերի տանիքների վերանորոգման եւ Շամլուղ ու Ախթալա բնակավայրերի հանդիսությունների սրահների հիմնանորոգման ծրագրերը:

Ավելի վաղ հավանության էին արժանացել նաև Լեռնապատ համայնքի «Համայնքի կարիքների համար գյուղտեխնիկայի և գյուղատնտեսական սարքավորումների ձեռքբերում» և Լուսաղբյուր համայնքի «Ոռոգման ցանցի նորոգում» ծրագրերը:

Համայնքների կողմից ծրագրերի ներկայացման վերջնաժամկետը ապրիլի 30-նն էր: Ընդհանուր առնմամբ համայնքների կողմից ներկայացվել է 93 ծրագրային հայտ, որոնք պետք է քննարկվեն միջգերատեսչական հանձնաժողովի կողմից: Ներկայացված ծրագրերից, սակայն, տարբեր պատճառներով, ծրագրային 9 փաթեթ արդեն իսկ մերժվել է: Այս մասին «Հայկական ժամանակ»-ի հետ զրույցում հայտնեց Լոռու մարզպետ Անդրեյ Ղուկասյանը՝ ներկայացնելով մերժված ծրագրերն ու մերժման պատճառները.

«Շենավանի հանդիսությունների սրահի նորոգման ծրագիրը մերժվել է, քանի որ խնդիրը հենց շինությունն էր, որը փայտյա շինություն էր, որի վիճակը լավը չէր, եւ ներսը վերանորոգելով մենք հարցը չէինք լուծի: Պայմանավորվեցինք համայնքապետի հետ, որ գումարը տնտեսենք եւ եկող տարի ամբողջությամբ վերակառուցենք շենքը: Նոր Խաչակապի ոռոգման ցանցի նորոգումն է մերժվել՝ ծրագրի եւ ակնկալվող գումարի անհամապատասխանության պատճառով: Աթան բնակավայրի ջրագծի նորոգումը մերժվել է գումարի ու ակնկալվող արդյունքի անհամապատասխանության հիմքով, ինչպես նաեւ ժամկետի խնդիր կար: Դեբետի մանկապարտեզի նոր շենքի կառուցումը մերժվեց, քանի որ համայնքը ներդրման ակնկալիք ուներ «COAF»-ից, բայց եւ պետք է համայնքի մասնաբաժինը ներդրվեր, բայց քանի որ հստակություն չեղավ՝ ծրագիրը անցավ հաջորդ տարի»,- թվարկեց մարզպետը:

«Ստեփանավան-Կաթնաղբյուր տանող ճանապարհը, որ բաց մնաց, չինական կողմի ներդրման բացակայության պատճառով էր: Մեր չինացի գործընկերները նպատակահարմար գտան հաջորդ տարի իրականացնել: Ջրաշենի մանկապարտեզի գույքի ձեռքբերման ծրագիրը մերժվեց, քանի որ նախ փոքր ծրագիր էր, որը հնարավոր է համայնքի միջոցներով իրականացնել: 2 ծրագիր էլ վերջին պահին դուրս մնաց՝ Արջուտ եւ Գյուլագարակ համայնքների ասֆալտապատման ծրագրերը: Խնդիրն այն էր, որ նախագծող կազմակերպությունը, որի հետ համայնքները պայմանագիր էին կնքել, պարզվեց, որ այդ նախագծող ընկերությունը ասֆալտապատման ու ճանապարհաշինական նախագիծ իրականացնելու լիցենզիայի ներդիր չունի, հետեւաբար չէր կարող այդ նախագիծն անել»,- ասաց Անդրեյ Ղուկասյանը՝ նշելով, որ իրենք դեռ պետք է պարզեն՝ նախագծման համար հատկացված գումարները ինչ պետք է լինեն. «Եթե նախագծող ընկերությունը 1-2 օրվա ընթացքում այդ ներդիրը ստանա քաղաքաշինության կոմիտեից, չի բացառվում՝ մենք խնդրենք, որ ծրագիրը կայանա»:

Ղուկասյանն ասում է՝ փաստացի գործ ունեն համայնքապետարանների ու որոշ համայնքապետերի անփույթ աշխատանքների հետ. «Համայնքը պետք է պարզապես պայմանագիր չկնքեր, բայց կնքել է մի ընկերության հետ, որը չի ունեցել իրավունք նման նախագիծ անելու»: Ծրագրային փաթեթներն արդեն իսկ վերադարձվել են համայնքներին: Նախագծող ընկերությունը բանավոր հայտնել է՝ առաջիկա օրերին ներդիրը կստանան:

Մարզի ղեկավարի փոխանցմամբ՝ հաստատման ներկայացված ծրագրերի ընդհանուր արժեքը գումարային տեսքով կազմում է 4 մլրդ 576 մլն դրամ, որից համայնքների ներդրումը կկազմի 1 մլրդ 632 մլն, այլ ներդրողներինը՝ 335 մլն, իսկ պետության մասնաբաժինը՝ 2 մլրդ 548 մլն դրամ:

Տպել
1116 դիտում

Ավարայրից մինչեւ Սարդարապատ եւ Շուշի մեր բոլոր հաղթանակների խորհուրդը մեկն է. Արայիկ Հարությունյան

«Զվարթնոց» օդանավակայանում ռումբի առկայության մասին կեղծ ահազանգ է եղել

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. կաթողիկոսի ուղերձը

Կամրջից նետված 14-ամյա աղջնակի վիճակը ծանր է, բայց՝ կայուն. ունի բազմաթիվ դիմածնոտային վնասվածքներ

Քաղաքացին ցանկացել է ինքնասպանություն գործել՝ նետվելով Կիևյան կամրջից

1 օրում արձանագրվել է կորոնավիրուսի հետեւանքով 15 նոր մահ. 442 նոր դեպք է հաստատվել

Առաջին հանրապետության փորձը, ձեռքբերումները և ձախողումները մեզ դասեր են տալիս. Արմեն Սարգսյանի ուղերձը

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան