«Իմ քայլի» նախընտրական ծրագրում արձանագրված է ծայրահեղ աղքատության վերացումը եւ դա մեզ կհաջողվի․ Նիկոլ Փաշինյան

2018-2019 թվականների ընթացքում կառավարությանը հաջողվել է պետական բյուջեի հարկային եկամուտների հայտարարագրման ցուցանիշը ավելացնել 505 միլիարդ դրամով։ Այս մասին այսօր ԱԺ-ում Կառավարության ծրագրի 2019 թվականի կատարման ընթացքը եւ արդյունքները ներկայացնելու ժամանակ ասաց ՀՀ վարչապետ Նիկոլ Փաշինյանը։ Նա մանրամասնեց, թե ինչպես են այս միջոցները օգտագործվել։ Փաշինյանի խոսքով՝ 199,1 միլիարդ դրամ նվազեցվել է հարկ վճարողների հանդեպ նախկինում ունեցած պարտավորությունները։ «Դե ֆակտո մենք լուծել ենք տասնամյակներով Հայաստանում քննարկման առարկա դարձած գերավճարների հարցը»,- ասաց վարչապետը՝ հավելելով, որ մնացած 306 միլիարդ դրամն ավելացել է պետական բյուջեի հարկային եկամուտներում, ինչն օգտագործվել է կոնկրետ նպատակների համար․ «Ե՛վ կապիտալ ներդրումներ, ե՛ւ աշխատավարձերի բարձրացումներ, ե՛ւ թոշակների բարձրացումներ, ե՛ւ նպաստների բարձրացումներ»,- ասաց վարչապետը։ Նա շեշտեց նաեւ, որ 2019 թվականին հարկեր-ՀՆԱ հարաբերության ցուցանիշը կազմել է 22,3%՝ նախորդ տարվա 20,95%-ի համեմատ։ Նրա խոսքով՝ շատ կարեւոր է արձանագրել, որ 2019 թվականի արդյունքներով առաջին 1000 խոշոր հարկ վճարողների վճարած հարկերի ծավալը նախորդ տարվա համեմատ ավելացել է 13%-ով, իսկ 2017 թվականի համեմատ՝ 31%-ով։ «Այսինքն՝ այս հարկային եկամուտները, ինչպես երկար տարիներ ընդունված էր բողոքել, ոչ թե փոքր եւ միջին «անտեր» բիզնեսներից են հավաքվել, այլ մեծ մասամբ այս ցուցանիշներն ապահովվել են խոշոր հարկատուների միջոցով»,- հայտարարեց Փաշինյանը։

Նա ասաց նաեւ, որ 2018 թվականի մայիսից մինչեւ 2019 թվականի վերջ հավելյալ ի հայտ է եկել, այսինքն՝ կա՛մ ստվերից դուրս է եկել, կա՛մ ստեղծվել է ավելի քան 87 հազար աշխատատեղ։ 2019 թվականի երրորդ եռամսյակի դությամբ, Փաշինյանի խոսքով, ՀՀ-ում գործազրկության մակարդակը նախորդ տարվա նույն ժամանակահատվածի համեմատ նվազել է 2,1%-ով, իսկ զբաղվածության մակարդակը աճել է 2,5%-ով։

«2019 թվականի վերջին վիճակագրական տվյալների համաձայն՝ 2018-ի ընթացքում կառավարությանը հաջողվել է 2,2%-ով նվազեցնել աղքատության մակարդակը, եւ այն հասցնել 23,5%-ի։ Ծայրահեղ աղքատության մակարդակը նույն ժամանակահտվածում նվազել է 1,4%-ից մինչեւ 1%: «Իմ քայլը» դաշինքի նախընտրական ծրագրում, որպես նպատակ, արձանագրված է ծայրահեղ աղքատության վերացումը մինչեւ 2023 թվականը, եւ այս տեմպով շարունակելու դեպքում մեզ դա կհաջողվի»,- վստահեցրեց վարչապետը։

Նա ընդգծեց նաեւ, որ միջին անվանական աշխատավարձն ավելացել է 5,8%-ով։ Բարձրացվել է նաեւ Զինված ուժերի զինծառայողների ամսական վարձատրությունը մինչեւ 30%-ով՝ կախված ծառայության վայրից եւ պայմաններից։ «Սեպտեմբերի 1-ից հանրակրթական դպրոցների շուրջ 38 հազար ուսուցիչների, բուհերի 2600 դասախոսների, առաջին օղակի 10 հազար բուժաշխատողների աշխատավարձերը բարձրացել են 10-30%-ով։ Փրկարար ծառայության սպայական անձնակազմի եւ կրտսեր խմբի աշխատավարձը բարձրացել է մինչեւ 52%-ով, քրեակատարողական ծառայողների աշխատավարձը՝ 30%-ով»,- ասաց վարչապետը՝ հավելելով, որ կառավարությունը 2019 թվականի հունվարի 1-ից բարձրացրել է 64.084 նպաստառուների նպաստները, 3307 զինվորական թոշակառուների կենսաթոշակների չափերը, 21.785 աշխատանքային եւ 7583 երկարամյա ծառայության զինվորական կենսաթոշակ ստացողների կենսաթոշակները։

«2018 թվականի մայիսից մինչեւ այսօր մենք ավելի քան 1 միլիոն 100 հազար մարդու կա՛մ աշխատավարձը, կա՛մ նպաստը, կա՛մ թոշակն ավելացրել ենք»,- հայտարարեց Փաշինյանը։ Նա անդրադարձավ նաեւ պետական ծառայողների եւ պաշտոնյաների աշխատավարձի բարձրացմանը։ «Ես ուզում եմ կրկին ընդգծել, որ, այո՛, իմ որոշմամբ դա տեղի է ունեցել, որովհետեւ Հանրապետության հրապարակի հեղափոխական հարթակից ես խոստացել եմ, որ պետական ծառայողների աշխատավարձերը կբարձրանան, եւ այդ խոստումն ի կատար է ածվել։ Դա արվում է պարգեւավճարների համակարգով, որովհետեւ գործող աշխատավարձերի համակարգը իր ստեղծման առաջին օրից դեֆորմացված է, եւ այսօր մենք հանրային ծառայության բարեփոխումների շրջանակներում այս ողջ պրոցեսը կտրանսֆորմացնենք որպես աշխատավարձի համակարգ»,- ասաց վարչապետը՝ հավելելով, որ պլանավորում են պետական կառավարման համակարգում, հատկապես դատաիրավական համակարգում, ավելացնել աշխատավարձերը, որովհետեւ համոզված են, որ դա է ճանապարհը Հայաստանում արդյունավետ, անկախ դատական համակարգ ունենալու։

Տպել
978 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)