1 տարի 8 ամսվա ընթացքում հաջողվել է պետբյուջեի եկամուտն ավելացնել 43,6%-ով․ վարչապետը ներկայացնում է 2019թ․ կատարողականը

Իմ զեկույցը բաղկացած կլինի 3 մասից․ առաջին մասը՝ բուն զեկույցի բովանդակությունը՝ 2019 թվականի հունվարի 1-ից մինչեւ կորոնավիրուսի ճգնաժամը, երկրորդ մասը՝ կորոնավիրուսի ճգնաժամի ընթացքում մեր կայացրած որոշումները, եւ վերջում՝ մեր հետագա անելիքները։ Այս մասին այսօր ԱԺ-ում Կառավարության ծրագրի 2019 թվականի կատարման ընթացքը եւ արդյունքների մասին զեկույցը ներկայացնելիս ասաց ՀՀ վարչապետ Նիկոլ Փաշինյանը։

Թեեւ նա պետք է ներկայացներ 2019 թվականի կատարողականը, սակայն ասաց, որ հասկանալի պատճառներով չի կարող սահմանափակվել միայն 2019 թվականով:

Ըստ վարչապետի ներկայացրած տվյալների՝ 2019 թվականին հաջողվել է գրանցել 2008 թվականից ի վեր ամենաբարձր տնտեսական աճի մակարդակը՝ 7,6%, որն ամենաբարձրն է ԵԱՏՄ երկրների, հարեւան բոլոր երկրների եւ Եվրոպական տարածաշրջանի երկրների համար։ Նրա խոսքով՝ տնտեսական աճն ուղեկցվել է տնտեսության ճյուղային կառուցվածքի բարելավմամբ, ցածր գնաճով, ֆինանսական կայուն ցուցանիշներով։

Վարչապետի կարծիքով՝ ամենակարեւոր արդյունքներից մեկն այն է, որ մշակող արդյունաբերությունում աճը կազմել է 12%, եւ 2008 թվականից հետո առաջին անգամ ՀՆԱ-ի կառուցվածքում մշակող արդյունաբերությունը դարձել է տնտեսության առաջատար ճյուղը։

«2019 թվականի ընթացքում Հայաստան այցելած զբոսաշրջիկների թիվն աճել է 14,7%-ով։ Հայաստանից ապրանքների եւ ծառայությունների արտահանումն աճել է 10,3%-ով, արտահանման էական աճ է արձանագրվել կոնյակի, մրգային գինիների ապրանքախմբերում»,- ասաց Փաշինյանը։

2019 թվականի հունվար-սեպտեմբեր ամիսներին օտարերկրյա ներդրումների ներհոսքը կազմել է 2,2 միլիարդ դոլար, ինչը, վարչապետի խոսքով, նախորդ տարվա նույն ժամանակահատվածի համեմատ ավելի է 465 միլիոն դոլարով, իսկ 2017 թվականի համեմատ՝ 635 միլիոն դոլարով։

«2018-2019 թվականների ընթացքում կառավարությանը հաջողվել է պետական բյուջեի հարկային եկամուտների հայտարարագրման ցուցանիշը ավելացնել 505 միլիարդ դրամով։ Սա ավելի քան 1 միլիարդ դոլար է, եւ բյուջեի ցուցանիշներն այս առումով աճել են 43,6%-ով»,- ասաց վարչապետը՝ մեջբերելով մինչհեղափոխական շրջանում իր արած այն հայտարարությունը, որ պետական բյուջեի եկամուտները 1-2 տարվա ընթացքում պետք է աճեն 30-35%-ով եւ շեշտեց, որ 1 տարի 8 ամսվա ընթացքում հաջողվել է պետական բյուջեի եկամուտներն ավելացնել 43,6%-ով։

Փաշինյանն ընդգծեց՝ առաջիկա 5 տարիներին ՀՀ Կառավարության գործունեությունը միտված է լինելու ՀՀ-ում բարձր տեխնոլոգիական, արդյունաբերական, բնապահպանական բարձր չափանիշներին համապատասխանող արտահանմանը միտված մրցունակ եւ ներառական տնտեսություն կառուցելուն։ Այս կոնտեքստում նա նաեւ ընդգծեց զբաղվածության խթանումը, աղքատության կրճատումը։

Ինչպես ներկայացրեց վարչապետը, բարձր տեխնոլոգիական արդյունաբերության ոլորտում 2019 թվականին գրանցվել է շրջանառության շուրջ 30% աճ, որը ներառում է համակարգչային ծրագրավորման, էլեկտրոնիկայի ուղղություններ։ «Այս ցուցանիշներով ես ցանկացա ցույց տալ, որ կառավարության ծրագրի այն դրույթը, որ Հայաստանը պետք է դառնա բարձր տեխնոլոգիական արդյունաբերական երկիր, կոնկրետ ապահովել ենք ընթացքը դեպի այդ ուղղություն»,- ասաց նա։

Վարչապետը շարունակում է ներկայացնել կատարողականը, իսկ այն ներկայացնելուց հետո պատգամավորները հնարավորություն են ունենալու հարցեր ուղղել վարչապետին:

Տպել
1392 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)