Տեղեկությունները, թե «Փյունիկը» վաճառվել է արտասահմանցու, ճիշտ չեն. Սողոմոնյան (լրացված)

Հայկական «Փյունիկ» ֆուտբոլային ակումբը մնում է ռուսաստանցի հայազգի գործարար Արթուր Սողոմոնյանի սեփականությունը: Այս մասին «Հայկական ժամանակ»-ի հետ զրույցում հայտնեց հենց Սողոմոնյանը: Վերջերս տեղեկություն էր տարածվել, ըստ որի, նա ակումբի առաջին թիմը, որը հանդես է գալիս ՀՀ Բարձրագույն խմբի առաջնությունում, ֆինանսական խնդիրների պատճառով վաճառել է արտասահմանցու: Սողոմոնյանը նշեց, որ համագործակցության հեռանկար է եղել, որը չի իրականացել:

«Ո՛չ, դա սխալ է: Իհարկե, ո՛չ: Ոչինչ չի վաճառվել: Այո՛, կար անձնավորություն, որն ասաց, որ պատրաստ է օգնել, դառնալ գործընկեր, բայց հետո չկարողացավ ինչ-որ գումար բերել, դրա համար ոչինչ չի փոխվել: Ինչպես կար, այդպես էլ մնում է: Պատրաստվում ենք վերսկսել առաջնությունը»,- ասաց Սողոմոնյանը:

Նա նշեց, որ այդ անձնավորությունը հոլանդացի ինչ-որ գործարար է, որի հետ ինքը ծանոթացել է ընդհանուր ծանոթների միջոցով: Ամեն դեպքում, հիմա «Փյունիկն» արդեն Հայաստանի ֆուտբոլի ֆեդերացիայի միջոցով ստացել է ՈՒԵՖԱ-ի համերաշխության վճարը, եւ դա, ըստ Սողոմոնյանի, բավարար է, որ կորոնավիրուսի պատճառով ստեղծված իրավիճակից կարողանան դուրս գալ:

«Ես նրա հետ մինչեւ այդ ծանոթ չէի: Ինչ-որ հոլանդացի է: Ծանոնթերի միջոցով ծանոթացանք, բայց ապրիլ, մայիս սպասեցինք, ոչինչ չեղավ: Հիմա արդեն, ճիշտն ասած, մենք էլ չենք պլանավորում: ՀՖՖ-ն եւ ՈՒԵՖԱ-ն որոշ չափով օգնեցին, անցած տարվա գումարները շուտ փոխանցեցին: Ինձ թվում է՝ կկարողանանք այս իրավիճակից ճիշտ դուրս գալ, ու ոչ մի վաճառքի մասին խոսք չկա»,- ասաց նա՝ ընդգծելով, որ ողջ ակումբի սեփականատերը մնում է ինքը:

Տեղեկություններ կային նաեւ, ըստ որոնց, գործարքը չկայանալու հետեւանքով վեճ է ծագել Սողոմոնյանի ու այդ գործարարի միջեւ: Սա Սողոմոնյանը եւս հերքում է: Նշում է, որ իրենք պարզապես քննարկումներ են ունեցել: Ինչ-որ պահի ինքը հասակացել է, որ արդյունք չի լինի, դադարեցրել է խոսակցությունները:

«Ո՛չ, ցավոք սրտի, Հայաստանում շատ են սիրում այդպիսի բաներ (խմբ. ծիծաղում է): Այդպիսի բան չկա, մենք հանգիստ իրար նամակներ էինք գրում: Երեկ (խմբ. նկատի ունի մայիսի 3-ին, այս հարցազրույցն արվել է մայիսի 4-ին) ես հասկացա, որ ոչինչ չի լինում, դրա համար ասացի՝ շնորհակալություն, որ փորձում էիր օգնել, այդ օգնության կարիքը չկա, մենք շարունակում ենք, ինչպես նախկինում: Ոչ մի խնդիր չկա»,- պատմեց Սողոմոնյանը:

«Փյունիկի» սեփականատերը նաեւ մանրասնեց քննարկումների բովանդակությունը: Նշեց, որ տարբեր տարբերակներ են դիտարկվել: Առաջին թիմը վաճառելու մասին խոսակցություն իսկապես եղել է:

«Մենք խոսքում էինք միայն թիմը կամ ակումբը… բայց չստացվեց, վերջնական պայմաններ չէին, մարդը փորձում էր ինչ-որ բանով օգնել: Հետո չստացվեց, մենք էլ կարիքը չունենք»,- ասաց նա:

Սողոմոնյանը պատմեց, որ կորոնավիրուսի պանդեմիայի պատճառով «Փյունիկը» ֆինանսական խնդիրներ ունի: Նրա գործարաններն զբաղվում են կահույքի արտադրությամբ, իսկ այս շրջանում խանութներն ու առեւտրի կենտրոնները փակ են, այդ ապրանքը չի վաճառվում, եւ բիզնեսի խնդիրներն անդրադառնում են նաեւ ֆուտբոլային ակումբի վրա: Նա հույս ունի, որ ՈՒԵՖԱ-ից ստացած համերաշխության գումարի, ինչպես նաեւ իր ընկերների աջակցության շնորհիվ ակումբը կհաղթահարի դժվարությունները: Ամեն դեպքում, ինչպես աշխարհի մի շարք ֆուտբոլային ակումբներում, այդ թվում՝ հարուստներում, այստեղ էլ ֆուտբոլիստների աշխատավարձի կրճատումից խուսափել չի հաջողվել:

«Այո՛, բայց դա ներքին տեղեկատվություն է: Չէի ուզենա դրա մասին շատ խոսել: Ինձ թվում է՝ ամեն ակումբում էլ ֆուտբոլիստները հասկանում են, որ այսպիսի վիճակ է: Պարզ է՝ իրենք էլ որոշ բանով փորձում են օգնել ակումբին, որ այս վիճակն իրար հետ հաղթահարենք»,- ասաց նա՝ ավելացնելով, որ դժգոհություններ չեն եղել:

Հայկական ակումբներն ապրիլի 23-ից մարզվելու հնարավորություն են ստացել, եւ այս օրերին «Փյունիկի» խաղացողները մարզվում են՝ սպասելով Բարձրագույն խմբի առաջնության 2019-20 մրցաշրջանի վերսկսման վերաբերյալ նորությունների: Ամբողջական թիմով մարզվել չեն կարողանում, քանի որ մի շարք արտասահմանցի ֆուտբոլիստներ իրենց երկրներում են: Հայաստանում չէ նաեւ գլխավոր մարզիչ Ռոման Բերեզվոսկին: Սողոմոնյանը սպասում է, որ շուտով կկարողանան միավորվել ու սկսել ֆուտբոլ խաղալ:

«Արդեն կամաց-կամաց սկսում են մարզվել: Պարզ է՝ ամբողջ ակումբը դժվար է հիմա հավաքել, քանի որ մի մասը Հայաստանից դուրս է, չվերթներ չկան: Օրինակ՝ մեր գլխավոր մարզիչ Ռոման Բերեզովսկին հեռակա է ղեկավարելու, ծրագրերն ուղարկել է, որպեսզի տղաները մարզվեն, բայց ինքը չի կարող ներկա լինել, որովհետեւ Մոսկվայում է: Դեռ Մոսկվայից Հայաստան գալու հնարավորություն չա: Բացի այդ՝ էլի խաղացողներ կան, որ գնացել էին իրենց տուն ու հիմա շատ դժվար է հետ գալ, բայց նրանք, ովքեր մնացել են Հայաստանում, արդեն սկսել են պատրաստությունը, ովքեր դրսում են, սպասում են՝ իրավիճակը փոխվի, որ շուտ գան հասնեն»,- ասաց նա:

Բարձրագույն խմբի 2019-20 մրցաշրջանի մրցաշարային աղյուսակում «Փյունիկը» 17 տուրերից հետո 7-րդն է 23 միավորով: Առաջնության առաջին հատվածի ավարտին դեռ 1 տուր կա, սակայն արդեն պարզ է, որ մրցանակային տեղերի համար չի պայքարի, քանի որ վեցնյակում հայտնվելու բոլոր հնարավորությունները կորցրել է: 6-րդ տեղում ընթացող «Նոային» զիջում է 4 միավորով:

Տպել
797 դիտում

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով

Հունիսի 1-ից ՀՀ քաղաքացիները Չինաստան կարող են մեկնել առանց արտոնագրերի ձևակերպման, սովորական անձնագրով

Երևանի բնակարաններից մեկում 67-ամյա տղամարդու դի է հայտնաբերվել

Անցած 7 օրում հակառակորդը հրադադարի ռեժիմը խախտել է 100 անգամ, հայ դիրքապահների ուղղությամբ արձակվել է 600 կրակոց

Արտակարգ դրության պայմանների իրավախախտման 1251 դեպք է հայտնաբերվել

Պետության խնդիրը «կայուն իմունիտետ» ձեռք բերելն է

Ինքնասպանության փորձ Բաղրամյան պողոտայում. 14-ամյա աղջիկը սպառնացել է ցած նետվել

Այսօր՝ իմ ծննդյան օրը, ես քեզ հողին պիտի հանձնեմ. մահացել է Հայկ Կոնջորյանի հայրը

Արմեն Սարգսյանը շնորհավորել է Խորվաթիայի նախագահ Զորան Միլանովիչին՝ Պետականության օրվա առիթով

ՀՀ խոտածածկ տարածքներում հրդեհներ են բռնկվել

Արցախում կորոնավիրուսից առողջացել է 26 մարդ. մեկուսացված է 67-ը

Քարինջի սկզբնամասում իրականացվել է հարկադիր քարաթափման աշխատանք

ԿԳՄՍ նախարարն այսօր կանցկացնի համադպրոցական ժողով

Հաստատվել է կորոնավիրուսի 251 նոր դեպք, թիվը հասել է 8927-ի, գրանցվել է մահվան 7 նոր դեպք