Ապօրինի գույքի մասին օրենքը, որոշ անձանց խուճապն ու Ալեն Սիմոնյանի մասնակցությամբ միջադեպը. Մակունցը որոշ կապ է տեսնում

«ԱԺ փոխնախագահ Ալեն Սիմոնյանի հետ տեղի ունեցած միջադեպը չպետք է դիտարկել որպես առանձին դեպք, որովհետեւ այն հետեւանք է հանրային սպառնալիքների, բռնության կոչերի, սեռական բնույթի հայհոյանքների, մարդու արժանապատվությունը ոտնահարող հայտարարությունների, որոնք առցանց հարթակից տեղափոխվել են օֆլայն տիրույթ». Ազգային ժողովում լրագրողների հետ զրույցում այս մասին հայտարարեց «Իմ քայլը» խմբակցության ղեկավար Լիլիթ Մակունցը:

Նա ընդգծեց, որ այդ ամենը պետք է դիտարկել այն համատեքստում, որ իրենց քաղաքական թիմի համար բռնության մերժումը ինչպես եղել, այնպես էլ շարունակում է մնալ որպես հիմնարար արժեք:

Ալեն Սիմոնյանի եւ «Ադեկվադ» միաբանության ատենապետ Արթուր Դանիելյանի միջեւ երեկ տեղի ունեցած միջադեպի համատեքստում Մակունցը հիշեցրեց Երեւանի ավագանու «Իմ քայլը» խմբակցության անդամ Արթուր Իսպիրյանի, Հանրային խորհրդի նախագահ Ստյոպա Սաֆարյանի եւ «Իմ քայլը» խմբակցության պատգամավոր Մխիթար Հայրապետյանի հետ տեղի ունեցած միջադեպերը:

Մակունցն ասաց, որ եթե ՀՀ քաղաքացիների արժանապատիվ ապրելու համար, նրանց ապահով զգալու համար իրավապահ մարմիններին անհրաժեշտ է ավելի մեծ գործիքակազմ, Ազգային ժողովը պատրաստ է օժանդակել:

Վերադառնալով Սիմոնյանի հետ տեղի ունեցածին՝ Մակունցն ասաց, որ սա միայն նրա դեմ ուղղված քայլ չէ.

«Իրականում փորձ է արվում այնպիսի տպավորություն ստեղծել, որ դա կարող է տեղի ունենալ ցանկացած քաղաքացու նկատմամբ կամ պաշտոնատար անձի նկատմամբ, ով հնչեցնում է տեսակետ, որը չի համընկնում կոնկրետ խմբի տեսակետին: Իմ անձնական գնահատականն է, որ հատկապես վերջին օրենքներից մեկը, որը ընդունվեց ապօրինի ձեռք բերված գույքի կապակցությամբ, դրան հետեւած Ալեն Սիմոնյանի հրապարակային ելույթները, կարծում եմ՝ անմիջականորեն կապված են տեղի ունեցածի հետ»,- նկատեց Մակունցը:

Հարցին, թե ո՞վ է անհանգստացած այդ օրենքից, «Իմ քայլը» խմբակցության ղեկավարը պատասխանեց. «Այն բոլոր մարդիկ, որոնք ապօրինի գույք են ձեռք բերել: Անուններ չեմ կարող հնչեցնել, անուններ հնչեցնելը կոնկրետ մարմինների պարտականությունն է, եթե ունեն կամ երբ ունենան տվյալներ հրապարակելու: Բայց ես կարծում եմ, որ այն բոլոր մարդիկ, որոնք ունեն ապօրինի ձեռք բերված գույքի հետ կապված որոշակի մտահագություններ, եւ Ալեն Սիմոնյանի հայտարարությունները այդքան էլ դուր չեն եկել, կարծում եմ, որ այս ամենը փոխկապակցված է»:

Լրագրողներից մեկն էլ փորձեց ճշտել, թե այդ պահվածքը ինչո՞վ կարող է օգնել նրանց այդ օրենքից խուսափելու հարցում. «Ոչնչով, բացարձակապես այս դրսեւորումները ոչնչով իրենց չեն օգնելու, եւ օրենքը ծառայելու է ՀՀ քաղաքացիներին, հարկատուներին, բոլորիս: Որեւէ օգուտ չի տալու, ուղղակի խուճապային տրամադրությունների դրսեւորում է»,- ընդգծեց նա:

Ալեն Սիմոնյանը նախօրեին ԱԺ-ում տհաճ խոսակցություն եւ լեզվակռիվ էր ունեցել ԼՀԿ խմբակցության ներկայացուցիչների հետ: Լրագրողներից մեկն էլ հետաքրքրվեց, թե այդ խմբակցության անդամները եւ Արթուր Դանիելյանը ի՞նչ կապ կարող են ունենալ ապօրինի գույքի մասին օրենքի հետ, Մակունցը պատասխանեց.

«Ես տեղյակ չեմ՝ ով ինչ չափով է առնչվում ապօրինի գույք ձեռք բերած անձանց հետ, ես սա չեմ կարող պնդել, վարկած եմ ներկայացնում, որ հնարավոր է՝ առընչվում է այդ օրենքի հետ: Ինչ վերաբերում է ԼՀԿ արձագանքներին եւ երեկվա միջադեպին, անկեղծ ասած՝ չգիտեմ կապել այդ ամենը իրար հետ, թե ոչ, բայց ուզում եմ ընդգծել, որ հանրային սպառնալիքը, հանրային հնչեցված բռնության կոչը, մարդու արժանապատվությունը ոտնահարող ելույթները կարող են հանգեցնել իրավական հետեւանքների»:

Մակունցն ասաց նաեւ, որ իրենց խմբակցությունում քննարկվել է Էդմոն Մարուքյանի եւ Ալեն Սիմոնյանի միջեւ տեղի ունեցած բանավեճը, Սիմոնյանը իրեն պահել է արժանապատիվ կերպով եւ ներողություն է խնդրել ԼՀԿ խմբակցության անդամ Անի Սամսոնյանից, ինչը, սակայն, տեղի չի ունեցել սեռական հայհոյանք հնչեցնողի կողմից:

Լրագրողներից մեկն էլ, անդրադառնալով բռնության կոչերի մասով Մակունցի մեկնաբանությանը, հետաքրքրվեց, թե արդյոք վարչապետի հայտարարությունները ասֆալտին փռելու եւ այլնի մասին նման կոչեր չե՞ն:

Ի պատասխան՝ «Իմ քայլը» խմբակցության ղեկավարն ասաց, որ տարբեր բաներ են երեւույթին ընդհանուր գնահատական տալն ու կոնկրետ անձին կամ նրա ընտանիքին ու երեխաներին վերաբերող բռնության ու սպառնալիքի կոչեր հնչեցնելը:

Տպել
961 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում