Այս պահին կատարված հաշվարկները հետագայում միգուցե փոխվեն՝ կախված նրանից, թե աշխարհում ինչ իրավիճակ կլինի․ Գեւորգյան

Երեկ ՀՀ Ազգային ժողովը 101 կողմ եւ 17 դեմ ձայներով ընդունեց «ՀՀ 2020 թվականի պետական բյուջեի մասին» օրենքում փոփոխություն եւ լրացումներ կատարելու մասին եւ կից ներկայացված օրենքների նախագծերի փաթեթը, որով նախատեսվում է շուրջ 260 մլրդ դրամի պետական պարտք ներգրավել։

ՀՀ կառավարության հաշվարկներով կորոնավիրուսի հասցրած տնտեսական վնասի հետեւանքով հարկային եկամուտները կնվազեն։ Դրանից ելնելով էլ կառավարությունը չի կարողանա իրականացնել բյուջեով նախատեսված ծախսերը։ Հետեւաբար՝ այդ ծախսերը հոգալու համար կառավարությունն ԱԺ-ին առաջարկել էր փոփոխություն կատարել 2020 թ. պետական բյուջեի մասին օրենքում։ Արդյունքում կառավարությունը՝ անփոփոխ պահելով ծախսերի մակարդակը, հաշվարկել է, որ պետական բյուջեի լրացուցիչ ֆինանսավորման չափը կկազմի շուրջ 260 մլրդ դրամ:

ՀՀ ԱԺ «Իմ քայլը» խմբակցության պատգամավոր, տնտեսագետ Հայկ Գեւորգյանի խոսքով՝ երբ ծախսերը գերազանցում են եկամուտները՝ անհրաժեշտություն է առաջանում միջոցներ ներգրավելու։

- Պարոն Գեւորգյան, ԱԺ-ն ընդունեց բյուջեի նախագծում փոփոխություն կատարելու՝ կառավարության առաջարկը, որով պետությունը 260 մլրդ դրամի լրացուցիչ պարտքային միջոցներ պետք է ներգրավի։ Ինչի՞ համար է անհրաժեշտ այդ գումարը։

- Եթե ընդհանուր խոսենք, դա լրացուցիչ գումար է, որն անհրաժեշտ է կորոնավիրուսի հետեւանքների մեղմման ուղղությամբ ծախսերի համար։ Կառավարությունը ծրագրել է 150 մլրդ դրամ լրացուցիչ գումար ծախսել, եւ սա հենց այդ արտացոլումն է, որը պետք է բյուջեում երեւա։

- Այսչափ պարտքի ներգրավումն ինչպե՞ս կազդի ՀՀ տնտեսության վրա։

- Կաճի պետական պարտքը։ Ճգնաժամը հենց նրանով է ճգնաժամ համարվում, որ այն կանխատեսել հնարավոր չէ, եւ առաջանում են լրացուցիչ ծախսեր։ Բացի այդ, քանի որ տնտեսությունն ավելի «թույլ» է աշխատում այս պայմաններում, առաջանում է եկամուտների թերհավաքագրում։ Հենց այդ տարբերությունը լրացնելու համար անհրաժեշտ է, որ բյուջեի դեֆիցիտը մեծանա։

- Ըստ ձեզ՝ արդյո՞ք հնարավորություն չկար առանց լրացուցիչ պարտքերի ներգրավման՝ ոչ առաջնային ծախսերի կրճատման հաշվին իրականացնել ծրագրերը։

- Իհարկե հնարավորություն չկար, որովհետեւ Հայաստանի պետական բյուջեն դեֆիցիտային է նախատեսված։ Այսինքն՝ ծախսերը գերազանցում են եկամուտները։ Այդ դեֆիցիտը լրացվում է այլ աղբյուրներից՝ ներքին եւ արտաքին։ Հիմա մենք ուղղակի թույլ ենք տվել կառավարությանը, որ լրացուցիչ գումար կարողանան ներգրավել անհրաժեշտության դեպքում։

- Հնարավո՞ր է, որ այդ 260 մլրդը բավարար չլինի՝ հաշվի առնելով, որ տնտեսվարողները դեռ պետք է կարողանան «ոտքի» կանգնել եւ գուցե չհաջողվի այս պահի հաշվարկով նախատեսված հավաքագրումներն իրականացնել։

- Դա կախված է նրանից, թե ինչպիսին կլինեն կորոնավիրուսի հետեւանքները։ Այս պահին որեւէ մեկը չի կարող հստակ կանխատեսումներ անել։ Մենք այս պահին անում ենք փոփոխություններ՝ ելնելով ներկա իրավիճակում կատարված հաշվարկներից։ Բայց այս պահին կատարված հաշվարկները հետագայում միգուցե փոխվեն՝ կախված նրանից, թե ամբողջ աշխարհում ինչ իրավիճակ կլինի, երբ մարդկանց տեղաշարժը ազատ կդառնա, երբ կբարձրանա երկրների գնողունակությունը՝ ինչից կախված է նաեւ մեր ապրանքների արտահանումը։ Մենք այս պահին մեր հաշվարկների մեջ դրել ենք այն կանխատեսումը, որ տարվա վերջին կունենանք ՀՆԱ-ի 2 տոկոս նվազում, այսինքն այն հաշվարկը, որը դրվել է ֆինանսների նախարարության կողմից։ Բայց հետագայում դրանից շեղումներ հնարավոր է լինեն՝ թե՛ դեպի բարելավում, թե՛ դեպի վատթարացում՝ կախված համաշխարհային տնտեսության միտումներից։

- Հայաստանի հետ համեմատելի զարգացող երկրները նույնպե՞ս արտաքին պարտքի ներգրավման ճանապարհով են գնում:

- Նայած երկիր։ Փող ստեղծելու 2 ճանապարհ կա. առաջինը՝ փող տպել, երկրորդը՝ պարտք ներգրավել։ Օրինակ՝ ԱՄՆ-ն, որպես այդպիսին, արտաքին պարտք չի կուտակելու, քանի որ իրենք փող են տպելու։ Իրենց մոտ ազատ փոխարկվող փոխարժեք է։ Ամեն արժույթ ունի իր յուրահատկությունը։ Եթե մենք առաջնորդվենք այն սկզբունքով, որով առաջնորդվում են ԱՄՆ-ն կամ Եվրոպան՝ ապա կոլապս կունենանք, որովհետեւ կունենանք ոչնչով չապահովված ուղղակի տպագրած փող։ Այդ դեպքում դրամի գնողունակությունը կտրուկ կընկնի, իսկ դա շատ ավելի վատ է, քան արտաքին պարտք ներգրավելը։ Մենք նախընտրել ենք պարտք ներգրավել, քանի որ հեղափոխությունից հետո ՀՆԱ-ի մեջ պետական պարտքի ցուցանիշը կտրուկ նվազել է։ Այսինքն՝ մեզ մոտ առաջացել է անվտանգության որոշակի բարձիկ, որը մեզ հիմա օգնում է առանց որեւէ ծախս կրճատելու՝ գնալ պարտք վերցնելու ուղղությամբ։

- ԱԺ-ում՝ բյուջեում փոփոխություն կատարելու քննարկման ժամանակ շատ էր խոսվում, որ Կենտրոնական բանկում շուրջ 300 մլրդ դրամ պահուստային գումար կա։ Անգամ առաջարկ էր հնչել դա բաժանել քաղաքացիներին։ Իրականում ի՞նչ գումար է դա եւ որքանո՞վ է խելամիտ այն քաղաքացիներին ուղղակի բաժանելու տարբերակը։

- Իրականում նման գումար չկա։ Դա հեքիաթ է։ Միֆեր են ստեղծում, որ հետո այն օգտագործեն քաղաքական նկատառումներով։ Դա գանձապետական հաշվի՝ պահի տակ վերցրած ինչ-որ մի ցուցանիշ է, որն ամենեւին չի արտահայտում իրական վիճակը։ Եթե նկատել եք՝ նախորդ օրը առավոտյան հայտնի պատգամավորը հայտարարում էր, թե այդ գումարը 300 մլրդ է, ավելի ուշ՝ երեկոյան դա դարձավ 150 մլրդ, այսօր առավոտյան այն դարձավ 100 մլրդ։ Այսինքն՝ սա ուղղակի օդից վերցրած թիվ է։ Ու այդ ամբողջն արվում է նրա համար, որ այդ հայտնի քաղաքական գործիչը հայտարարի, թե ժողովուրդ դա ձեր փողն է, գնացեք վերցրեք։ Դա, մեղմ ասած, խառնակչություն է։

- 150 մլրդ դրամի օժանդակության ծրագիրը որքանո՞վ է նպաստելու՝ հետագայում պետբյուջե մուտքերի ավելացման վրա եւ արդյո՞ք լրացուցիչ օժանդակության անհրաժեշտություն չկա։

- Հիմա մենք ընդամենը կատարում ենք օպերատիվ քայլեր։ Հետագայում ինչ փոփոխություններ լինի՝ մենք կարձագանքենք։

- Որքա՞ն ժամանակ հետո հնարավոր կլինի օտարերկրյա ներդրողների համար գրավիչ դարձնել Հայաստանը։

- Դա շատ ընդհանրական հարց է, որովհետեւ հենց ճգնաժամի ժամանակ կարող են ստեղծվել այնպիսի պայմաններ, որոնք ավելի ձեռնտու կլինի օտարերկրյա ներդրողների համար։ Ընդհանրապես՝ իրավիճակն այս պահին դեռ անորոշ է։ Մենք ունենք 2 հարված՝ առաջինը կորոնավիրուսի ստեղծած դժվարություններն են, երկրորդը՝ մեր հիմնական գործընկերոջ՝ Ռուսաստանի ֆինանսատնտեսական վիճակը։ Այսինքն անորոշությունները մեզ համար 2 անգամ ավելի շատ են, քան մյուս երկրների համար, որոնք ուղղակի ազդեցության տակ չեն Ռուսաստանի տնտեսությունից։

Տպել
2411 դիտում

Քաջարանի բազմաբնակարան շենքերն արդիականացվում են և ջերմամեկուսացվում

Մերկելը չի առաջադրվելու. 2 հիմնական թեկնածուներից ո՞վ կփոխարինի Գերմանիայի երկարամյա կանցլերին

Շուտով Զինվորի տունը կունենա լավագույն վիրահատարանը Հայաստանում

Հայաստանի տարածքում կան փակ ավտոճանապարհներ․ Լարսը բաց է

ԵԽ-ում մեկնարկել է Ադրբեջանից հայ գերիների անհապաղ ազատ արձակման և վերադարձի հարցերով քննարկումը

Կան տեխնոլոգիաներ, որոնք կարող են ապահովել մեր ժողովրդի առաջնային անվտանգությունը․ Արամ Սարգսյան

Լավատես եմ, փորձում եմ միտում չորոնել. ցավոք բախվում ենք խոչընդոտների. Վարդանյանը՝ նախագահի կողմից ՍԴ դիմելու մասին

Ռուսաստանը դադարեցնում է դեպի Թուրքիա և հետադարձ կանոնավոր ուղևորափոխադրումները. զբոսաշրջիկները հետ կբերվեն

Դավիթ Գրիգորյանը հետմահու պարգևատրվել է «Մարտական խաչ» 1-ին աստիճանի շքանշանով և «Մարտական ծառայություն» մեդալով

4-րդ հարկից ընկած 65-ամյա տղամարդը բնակվում է քրոջ որդու հետ․ ընկնելուց հետո օգնություն է խնդրել

Սերժ Սարգսյանը հանդիպել է Հայաստանում ՌԴ արտակարգ և լիազոր դեսպան Սերգեյ Կոպիրկինի հետ

Որոնողական աշխատանքները դադարեցվել են անարդյունք, Թասիկ գյուղի բնակիչը չի հայտնաբերվել

«Մեր ու ձեր կար», «տարբեր խաղերի մեջ չուզեցի մտնել». ԵՊՀ հոգաբարձուների խորհրդի 11 անդամ հրաժարվել է անդամությունից

Վարուժան Ավետիքյանը վայր է դրել Զինծառայողների ապահովագրության հիմնադրամի տնօրենի լիազորությունները

Իսրայելի պաշտպանության նախարարը սպառնացել է «պոկել լրագրողի գլուխը»

Ֆուտզալի Հայաստանի հավաքականը մեկնել է Ֆրանսիա՝ առանց իր հիմնական դարպասապահի

2020թ.-ի կոռուպցիոն քրգործերով 26.6 տոկոսով ավելի շատ բարձրաստիճան պաշտոնատար անձինք են քրեական հետապնդման ենթարկվել

Rocket line. ստացիր հիմա, վճարիր հետո՝ նույն գումարը

Դհոլ-զուռնա և հաղթանակի դափնիներ. գյումրեցիները քաղաքի մուտքի մոտ դիմավորեցին չեմպիոններին

Նախագահը պետք է օր առաջ ստորագրի ընտրությունները համամասնական ընտրակարգով անցկացնելու մասին օրինագիծը. կուսակցություններ

Հայ-ֆրանսիական համագործակցությունը ներառելու է հայ բժիշկների կարճաժամկետ և միջնաժամկետ վերապատրաստում Ֆրանսիայում

Բնակարան Կենտրոնում, 7 մլն 752 հազար դրամ. Պաշտպանության նախարարը ներկայացրել է իր ունեցվածքի հայտարարագիրը

Ադրբեջանցիք թողեցին տրակտորը, սկսեցին ինձ վրա կրակել. բնակիչն ու Արցախի ԱԳ նախարարը՝ Սարուշենի կրակոցների մասին

Դոլար-դրամ փոխարժեքը կարգավորվում է. նախորդ շաբաթվա համեմատ 20 դրամով նվազել է

Սանկտ Պետերբուրգի այրվող արտադրամասի շենքում երկրորդ հրշեջն է մահացել

ՄԻՊ-ը հատուկ հայտարարություն է պատրաստում Ադրբեջանում արցախյան պատերազմին առնչվող ցուցադրությունների վերաբերյալ

Վաղը կմեկնարկի ԱԺ հերթական քառօրյան. հայտնի է նիստերի օրակարգը

Արտակ Դավթյանը Աբբաս Բադախշան Զոհուրիի հետ քննարկել է տարածաշրջանային խնդիրները

Ադրբեջանը պարտավոր է համագործակցել ՄԻԵԴ–ի հետ, իսկ ԵԽԽՎ–ն՝ աջակցել ՄԻԵԴ–ին. Տաթևիկ Հայրապետյան

Ռոբերտ Նազարյանի փաստաբաններին կոչ ենք անում մնալ կոռեկտության և մասնագիտական էթիկայի սահմանում. ԱԱԾ

Սարահարթ գյուղում վագոն-տնակ է այրվել

Էրդողանն իր ելույթում օգտագործել է «գյավուր» բառը՝ թիրախավորելով քրիստոնյաներին․ Կարո Փայլանի արձագանքը

Երախտապարտ ենք Կիպրոսի և կիպրահայ հասարակությանը՝ արցախահությանը մշտապես աջակցելու համար. Արցախի ԱԺ նախագահ

Վերիշենի բնակիչը պատուհանով մուտք է գործել համագյուղացու տուն և փորձել է սեռական հարաբերություն ունենալ նրա կնոջ հետ

Հայտնաբերվել է կորած հրազդանցու դին

Ֆուտբոլի կանանց Հայաստանի հավաքականը երկրորդ տեղը զբաղեցրեց Our Game մրցաշարում

Արմեն Սարգսյանը ցավակցել է Հայր Հարություն վարդապետ Պզտիկյանի մահվան կապակցությամբ

Երեւանում նստած հեշտ է կարծիքներ կազմել. Էջմիածնի քաղաքապետը՝ քաղաքի կենտրոնում ձեւավորած շենքի քննադատությունների մասին

Պաշտպանության նախարարն այցելել է կենտրոնական կլինիկական զինվորական հոսպիտալ․ գերատեսչական մեդալներ և պատվոգրեր է հանձնել

Հին տղերքը սաղ նեղված էին, որ ես կարողանում էի մտնել բունկեր, իրենք՝ չէ. Սամվել Բաբայան