Մոտ 200 միլիարդ ազատ փող կա, դա մեր ժողովրդի փողն է, որը Կառավարությունը չի ուզում տալ ժողովրդին. Էդմոն Մարուքյան

«Մենք ի՞նչ ենք առաջարկում. մենք ասում ենք՝ Հայաստանում կա 650 հազար ընտանիք, 650 հազար ընտանիքի պարագայում պետք է Կառավարությունը, ՀՀ վարչապետն ասի՝ ում չի ուզում տալ (ֆինանսական օգնություն-խմբ.): Ոչ թե ում է ուզում տալ, այլ ում չի ուզում տալ: Ասի՝ չեմ տա փող պետական աշխատողներին՝ մեզ, որովհետեւ մենք աշխատավարձը ստանում ենք, չեմ տա հանրային ծառայությունների ոլորտին: Շուրջ 150 հազար ընտանիք դուրս է գալիս: Մնացած բոլորին մենք առաջարկել ենք տալ 100 հազար դրամ միանվագ օգնություն, եւ ՀՀ-ում ապրող 470 հազար թոշակառուներին տալ մեկ ամսվա հավելյալ թոշակ: Էս ամբողջ աջակցության գումարը չի կազմում անգամ 100 միլիարդ դրամ: 100 միլիարդ դրամ պետք է անպայման ծախսվի, չծախսելու պարագայում մենք ունենալու ենք խոր, ծանր, ծայրահեղ սոցիալական վիճակ, որն արդեն ունենք». ԱԺ նիստերի դահլիճից նեղացած դուրս գալուց հետո լրագրողների հետ ճեպազրույցում այս մասին հայտարարեց «Լուսավոր Հայաստան» խմբակցության ղեկավար Էդմոն Մարուքյանը:

Նիստերի դահլիճում վերջինիս վրդովմունքի պատճառը Կառավարության ներկայացրած բյուջեի փոփոխությունների նախագիծն էր: Մարուքյանը ֆինանսների նախարարից պահանջեց բացահայտել ամբողջ ճշմարտությունը, բացահայտ ասել, որ ներկայացված նախագծով Կառավարությունը փորձում է խորհրդարանին զրկել բյուջեի հետագա փոփոխությունները քննարկելու ու թույլատրելու իրավունքից:

Ֆինանսների նախարարը պարզաբանեց, որ նման սահմանափակում կիրառվելու է միայն կորոնավիրուսի համաճարակով պայմանավորված ժամանակահատվածի համար: Սա չբավարարեց Մարուքյանին:

Լրագրողների հետ զրույցում պարզաբանելով բյուջեի խնայողությունները բնակչությանը բաժանելու իր առաջարկը՝ Մարուքյանն ասաց.

«Մեր առաջարկը կլիներ պոպուլիզմ, եթե գումարը չլիներ, օդից ասեինք՝ առաջարկեք: Ֆինանսների նախարարը կանգնած այստեղ ապատեղեկատվություն է ասում, երբ ասում է՝ գումար չկա»:

Ըստ պատգամավորի՝ ինքն առաջարկում է ծախսել կապիտալ շինարարության համար նախատեսված, սակայն չծախսված գումարը:

«Մոտ 200 միլիարդ ազատ փող կա: Դա մեր ժողովրդի փողն է, ՀՀ քաղաքացու փողն է, որը Կառավարությունը չի ուզում տալ ժողովրդին, դրա վրա նստած ասում ա՝ փող չկա, ժողովուրդ ջան: Հիմա մենք ասում ենք՝ փող կա, դա պետք է սրսկել տնտեսության մեջ, տալ մարդկանց, որ մարդիկ դուրս գան, ծախսեն, կոմունալները վճարեն, հարկերի թերհավաքագրումը նվազի»,- նկատեց Մարուքյանը:

Անրադառնալով մեկնաբանություններին, թե եթե դա բաժանեն՝ ինչո՞վ բանակ պահեն, աշխատավարձեր տան՝ Մարուքյանը պատասխանեց. «Բանակն էլ պետք է պահեն, պետությունն էլ պետք է պահեն, քաղաքացիներին էլ աջակցեն»:

Տպել
1115 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով