«Հանրակացարան չենք գնա, օդանավակայանում ավելի հարմարավետ է». ՀՀ քաղաքացիները կրկին «Դոմոդեդովոյում» են

Մի խումբ ՀՀ քաղաքացիներ կրկին հավաքվել են «Դոմոդեդովո օդնավակայանում և հրաժարվում են տեղափոխվել ՌԴ-ում ՀՀ դեսպանության կողմից առաջարկված հյուրատներ: Նրանք պնդում են, որ հյուրատներում ոչ հարմարավետ պայմաններ են, ութ հոգու միանգամից մի սենյակում են տեղավորում, իսկ օդանավակայանի նստարաններին, չնայած որ քաղաքացիները ավելի մեծ խմբով են տեղավորված՝ ըստ իրենց, ավելի անվտանգ է և հարմարավետ: Քաղաքաքացիները չեն պատրաստվում ըմբռնումով մոտենալ այն փաստին, որ այս պահին դեսպանատունը արդեն հյուրատներում տեղավորել է թվով 335 քաղաքացու և թերևս, հնարավորություն չունի ևս նույնքանի հատկացնել առանձին-առանձին և չափազանց հարմարավետ պայմաններով հյուրանոցային համարներ:

ՀԺ-ն զրուցեց օդանավայականում այս պահին գտնվող քաղաքացիներից մեկի՝ Սարգիս Մաթևոսյանի հետ, որը պնդեց, որ եթե նույնիսկ ոստիկանությունը իրենց դուրս հրավիրի, իրենք դեսպանատան առաջարկած հանրակացարան չեն գնա ու պատրաստ են ցրվել միայն այն պարագայում, եթե իրենց առաջարկվի ավելի լավ պայմաններ:

Ինչ վերաբերում է լրատվամիջոցներում տարածված Աէրոֆլոտ ավիաընկերության կողմից հետաձգված թռիչքին, ըստ քաղաքացիների, խոսքը Կրասնոյարսկ-Մոսկվա-Երևան չվերթի մասին է, որի տոմսերը իրենք գնել են ապրիլի 16-ին: Քաղաքացիները, սակայն, հրաժարվեցին մեզ ցույց տալ այդ տոմսերը և կտրոնները, որոնք կապացուցեն, որ նրանք տոմսը գնել են ապրիլի 16-ին: «Աէրոֆլոտ» ընկերության պաշտոնական կայքում ևս մենք չկա որևէ տեղեկություն ապրիլ ամսվա մեջ իրականացված որևէ ուղղությամբ տոմսի վաճառքի վերաբերյալ: Ավիաընկերությունը կայքում ապրիլի 23- տեղադրել է լուր, ըստ որի մայիս ամսվա չվերթների ցուցակը ենթարկվելու է փոփոխության և ուղևորներն ու նրանք, ովքեր ունեն նախօրոք ձեռք բերված տոմս՝ կարող են երկարացնել դրանց ժամկետը:

Անձամբ Սարգիս Մաթևոսյանը օդանավակայան է եկել մերձմոսկովյան շրջաններից մեկից: Պատմում է, որ վերադարձի տոմս գնել է մարտի 15-ին՝ ապրիլի 1-ին նախատեսված չվեթով Հայաստան վերադառնալու համար, սակայն,«Նորդ Վինդ» ավիաընկերությունը, բնականաբար, հետաձգել է չվերթը և նախօրոք տեղեկացրել, որ այն տեղի կունենա ապրիլի 30-ին: Քաղաքացին տեղավորվել է ընկերների մոտ, ինչ-որ շինհրապարակում, որը վերջերս, նույնպես, փակվել է, բայց երեկ «Նորդ Վինդ»-ը կրկին տեղեկացրել է, որ ապրիլի 30-ի թռիչքը ևս չի կայանա, այն հետաձգվում է մեկ ամսով: Այդ ամենով հանդերձ, Սարգիս Մաթևոսյանը որոշել է ժամանել «Դոմոդեդովո»: Նա պնդեց, որ իրենց են մոտենում օդանավակայանի ինչ-որ աշխատակիցներ և հավատացնում են, որ վաղը նախատեսված է Մոսկվա-Երևան թռիչք: Ըստ նրա, ոստիկանությունն էլ ցանկացել է դուրս հրավիրել նրանց, սակայն, տեղեկանալով, որ վաղը կա թռիչք, ասել է՝ ոչինչ, լավ, կարող եք սպասել:

Ինչքանո՞վ է հավաստի թռիչքի մասին տեղեկությունը, քաղաքացին չկարողացավ ասել: ՌԴ-ում ՀՀ դեսպանությունից մեզ փոխանցեցին, որ վաղը՝ ապրիլի 27-ին Մոսկվա-Երևան թռիչք նախատեսված չէ: Ըստ դեսպանության պաշտոնական էջում հրապարակված տվյալների՝ այս պահին հազարից ավելի քաղաքացի հերթագրվել և սպասում է հնարավոր թռիչքի: Թվով 335 քաղաքացու դեսպանությունը տեղավորել է մոսկովյան հյուրանոցներում և հյուրատներում:

Նաիրա Բաղդասարյան

Մոսկվա

Տպել
1438 դիտում

Հայաստանի հավաքականի հարձակվող Արթուր Միրանյանը հեռացել է Փյունիկից

Շների հարձակման ենթարկված 2,5 տարեկան երեխայի վիճակը ծանր է. երկրորդ անգամ են վիրահատել

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա