Ինչի՞ մասին է La casa de papel սերիալը, որը կարանտինի ընթացքում այդքան սիրված է դարձել Հայաստանում

Վերջին շրջանում սոցցանցերի հայ օգտատերերն սկսել են ակտիվորեն քննարկել իսպանական La casa de papel սերիալը: Սրա մասին գրառումներն ու մեկնաբանություններն այնքան շատ են, որ այդ առումով կարող են մրցակցել կորոնավիրուսի թեմայով քննարկումների հետ: Այս օրերին, երբ մարդիկ տնից քիչ են դուրս գալիս, սերիալներ նայելը հատկապես արդիական է, եւ այս տեսակի ժամանցի սիրահարների համար կարանտինը, իրոք, մեծ «օգնություն» է. դիտում են բաց թողած նախագծերը, սկսում նորերը, եւ ահա տեւական ժամանակ է՝ Հայաստանում էլ, ինչպես վերջին տարիներին, գրթե ողջ աշխարհում, La casa de papel-ը սկսել է մեծ մասսայականություն վայելել:

Ռեժիսոր Խեսուս Կոլմենարի ու սցենարիստ Ալեքս Պինայի նախագիծն ավազակների մասին պատմող դրամա է: Առաջին 2 եթերաշրջանների ընթացքում հանցավոր խումբը, որն առաջնորդում է Պրոֆեսոր մականունով հերոսը, կողոպտում է Իսպանիայի Թագավորական դրամահատարանը: Նրանք 2 տարի թաքնվում են, սակայն, երբ խմբի անդամներից մեկին՝ Ռիոյին, ձերբակալում են, ստիպված են լինում հարձակում կազմակերպել Իսպանիայի կենտրոնական բանկի վրա իրենց ընկերոջն ազատելու համար:

Խմբի յուրահատկություններից մեկն այն է, որ անդամներն իրենց անունները հիմնականում չեն օգտագործում: Նրանցից յուրաքանչյուրը մականուն ունի որեւէ քաղաքի անունով: Բացի Պրոֆեսորից ու Ռիոյից՝ խմբում են նաեւ Տոկիոն, Բեռլինը, Նայրոբին, Մոսկվան, Դենվերը, Հելսինկին, Օսլոն: Դրամահատարանի կողոպոտից հետո նրանց են միանում Լիսաբոնը, Ստոկհոլմը, իսկ 3-րդ ու 4-րդ եթերշրջանների ընթացքում՝ կնետրոնական բանկի վրա հարցակումից առաջ՝ Պալերմոն, Բոգոտան եւ այլն:

Նկարահանումներից առաջ ստեղծագործական թիմի անդամները խորհրդակցել են ոստիկանների, ինչպես նաեւ Իսպանիայի ներքին գործերի նախարարության հետ: Նրանք նկարահանումների համար կեղծ թղթադրամներ տպելու հատուկ թույլտվություն են ստացել կենտրոնական բանկից: Կենտրոնական բանկում նկարահանումները թույլատրված չեն, այդ պատճառով հանրությանը համար բաց տեղեկությունների հիման վրա ստեղծվել են իրականությանը հնարավորինս մոտ նկարահանման հրապարակներ: Ռեժիսորը հատուկ ուշադրություն է դարձրել սերիալի դիզայնի վրա: Տեսարաններում գերակշռող է մոխրագույնը, կապույտ, կանաչ եւ դեղին գույները հնարավորինս բացառվել են, այդ ամենում հատուկ առանձնացել է ավազակների, այսպես ասած, համազգետը, որը վառ կարմիր գույնի է: Բացի այդ՝ գողերը կրում են իսպանացի գեղանկարիչ, քանդակագործ, ռեժիսոր, գրող Սալվադոր Դալիի պատկերով դիմակներ, ինչը նրանց այցեքարտն է:

Ընդհանրապես իսպանական մշակույթի վրա շեշտադրումը հեղինակների գլխավոր նպատակներից է եղել: Նրանք խուսափել են այս ժանրի ամերիկյան նախագծերի առանձնահատկություններից, եւ սա համարվում է La casa de papel-ի հաջողության գրավականներից մեկը: Այստեղ մեծ տեղ ունեն իսպանացիներին հատուկ մարդկային հատկանիշները, զգացմունքները՝ կիրքը, իմպուլսիվությունը, ընկերական հարաբերությունների առանձնահատկությունները եւ սերը. գրեթե բոլոր հերոսները նահանջում են սիրո առաջ:

Սերիալում պարբերաբար հնչում է իտալական հակաֆաշիստական «Բելա չաո» երգը: Դրվագներից մեկում նշվում է, որ այն մեծ դեր ունի Պրոֆեսորի կյանքում, քանի որ այն նրան սովորեցրել է պապիկը, որն Իրալիայում պատերազմել է ֆաշիստների դեմ: Դա Պրոֆեսորի համար դիմադրության, համակարգին դեմ գնալու խորհրդանիշ է, ինչը նրա կյանքի իմաստն է:

Կարծիք կա, որ հեռուստադիտողների կողմից սիրվելու պատճառներից է հենց այս մոտիվացիան: Ավազակները դեմ են դուրս գալիս գործող համակարգին, սա ըստ էության ըմբոստություն է կապիտալիզմի դեմ, վրեժխնդրություն է իշխանությունների նկատմամբ: Կենտրոնական բանկ մտնելուց առաջ ավազակները միլիոնավոր եվրոների թղթադրամներ են բաժանում քաղաքացիներին, ու քննադատների կարծիքով՝ Ռոբին Հուդի հետ այս անալոգիան գրավիչ է հեռուստադիտողների համար, քանի որ իրական կյանքում էլ մարդիկ հոգնել են քաղաքականությունից ու բանկային համակարգից: Տեսարաններից մեկում Պրոֆեսորն ընդգծում է, որ մարդիկ իրենց լուծումները պետք է գտնեն կապիտալիստական սխալական համակարգի դեմ:

Թեեւ Հայաստանում ֆիլմը հատկապես հայտնի է դարձել վերջին շաբաթների՝ հիմնականում կարանտինի ընացքում, այն սկսել է հեռարձակվել 2017թ. մայիսից, մեծ տարածում է գտել, ու հոսքային մեդիայի ֆիլմերի եւ սերիալների արտադրությամբ զբաղվող Netflix ամերիկյան ընկերությունը գնել է հեռարձակելու իրավունքը: La casa de papel-ը դարձել է Netflix-ի ամենադիտված սերիալներից մեկը եւ ոչ անգլալեզու ամենադիտված սերիալը:

«Օլիմպիակոս»-«Միլան» խաղից հետո

Մասնագիտական շրջանակներում այն բազմաթիվ մրցանակների՝ այդ թվում «Էմմի» մրցանակի է արժանացել «Լավագույն դրամա» անվանակարգում, իսկ հասարակության արձագանքները միայն գովեստի խոսքերով ու սոցցանցերում արված գրառումներով չեն սահմանափակվել: 2018թ. Բրազիլական կառնավալում կրել են նրանց կոստյումները: Սաուդյան Արաբիայում ֆուտբոլային հանդիպման ժամանակ երկրպագուները Դալիի դիմակով մեծ բաներներ են ցուցադրել: 2018թ. Եվրոպա լիգայի հանդիպումներից մեկի՝ «Օլիմպիակոս»-«Միլան» խաղի ժամանակ «Օլիմպիակոսի» երկրպագուները ցուցադրել են հերոսների պատկերով բաներներ, իսկ եզրափակիչ սուլիչից հետո հայտնի կարմիր հագուստով ու Դալիի դիմակով մտել են խաղադաշտ՝ տոնելու 3-1 հաշվով հաղթանակը: Մյուս կողմից եղել են նաեւ հերոսներին ընդօրինակելու բացասական փորձեր: Օրինակ, եղել են դեպքեր, որ իրական կյանքում գողերն օգտագործել են սերիալում տեսած կարմիր հագուտսն ու Դալիի դիմակը, կրկնօրինակել են հարձակում գործելու գլխավոր հերոսների պլանները:

«Օլիմպիակոս»-«Միլան» խաղի ժամանակ

Բոգոտային մարմնավորող Հովիկ Կեուչկերյանը

Սերիալի հայ երկրպագուների համար, իհարկե, կարեւոր հանգամանք է այն, որ գլխավոր հերոսներից մեկը՝ Բոգտայի դերակատարը, ծագումով հայ է: Այս կերպարին մարմնավորում է Բեյրութում ծնված, հայկական ծագմամբ իսպանացի կատակերգու, բանաստեղծ, գրող, դերասան եւ նախկին բռնցքամարտիկ Հովիկ Կեուչկերյանը: Այս մասին ինստագրամի ուղիղ եթերում խոսել է նաեւ ամենասիրված կերպարներից մեկին՝ Պրոֆեսորին, մարմնավորող Ալվարո Մոնտեն:

«Բարեւ, Հայաստա՛ն, ինչպես եք: Գիտեք, որ Բոգոտան՝ Հովիկը, Հայաստանից է: Հրաշալի մարդ է ու դերասան, շատ տաղանդավոր է, լավ ընկեր է, զվարճալի տղա է, հիանալի համագործակցություն ստացվեց»,- տեսանյութում նշում է Մոնտեն ու իր կողքին դրված բաժակով խմում Հայաստանի համար:

Սերիալի 4 եթերաշրջաններն այս պահին առկա են համացանցում, իսկ երկրպագուները սպասում են 5-րդին: Տեղեկություններ կան, որ հեղինակները շարունակելու են հաջողված նախագիծը եւ արդեն աշխատանքներ են տանում այդ ուղղությամբ:

Տպել
4232 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն