Շատ ուրախ եմ, որ ինձ դատի են տվել. Արուսիկ Տիգրանյանը մեկնաբանում է՝ ինչ է տեղի ունեցել (տեսանյութ)

Դերասանուհի Արուսիկ Տիգրանյանը ասել է՝ ինչու է հայտնվել դատական գործընթացի կենտրոնում: Նա սոցցանցերում տեսանյութ է հրապարակել: Դրանում պատմել է, որ «Էքսկլյուզիվ սթոր» խանութից գնում կատարելուց հետո աշխատակիցներն իր ընկերուհու մայրիկին ծաղրել են՝ ՀԴՄ կտրոն պահանջելու համար, ինչի մասին ինքը բարձրաձայնել է:

«1 ամիս առաջ իմ ընկերուհի Եվան իր մայրիկի հետ «Էքսկլյուզիվ սթոր» խանութն է մտել, այնտեղից գնումներ է կատարել Եվայի մայրիկը եւ հետո խնդրել է իր ՀԴՄ կտրոնը: Կտրոնը վերցելուց եւ դուրս գալուց հետո աշխատակիցները նրա հետեւից Եվայի ու այլ հաճախորդների ներկայությամբ սկսել են շատ վատ ձեւով արտահայտվել Եվայի մայրիկի մասին, ծաղրել են նրան, մտածել են, որ հարկայինի աշխատող է եւ այդ համատեքստում նաեւ մեր հարկայինի բոլոր աշխատողներին են վիրավորել ՀԴՄ կտրոն ուզելու համար:

Ի՞նչ եմ արել ես: Որոշել եմ հանրային հնչողություն տալ եւ իմ Ինստագրամի «story»-ի միջոցով տեղեկացրել եմ մարդկանց, որ նրանք իմանան՝ նույն ձեւով կարող է իրենց ծնողը հայտնվել նույն իրավիճակում՝ մտնելով խանութ: Ես շատ ուրախ եմ իրականում, որ ինձ դատի են տվել եւ հայտնվել եմ այս նախադեպի կենտրոնում, քանի որ սա հնարավորություն է, որ ես բոլորիս ուշադրությունը սեւեռեմ այն հարցի շուրջ, որ այսօր Հայաստանում կան լիքը մարդիկ, որոնք կարծում են, թե ծիծաղելի է, որ դու ՀԴՄ կտրոն ես ուզում»,- պատմում է Արուսիկ Տիգրանյանը:

Նա ավելացնում է, որ 2018թ. հեղափոխության ընթացքում իր ընկերուհու մայրիկը, նրա ընտանիքի անդամները պայքարել են՝ ավելի լավ երկիր ունենալու համար: Ընդգծում է՝ անընդունելի է, որ մարդուն ծաղրում են հետեւելու համար այն սկզբունքներին, որոնց համար պայքարել է:

«2 տարի առաջ Եվայի մայրիկը մասնակցել է հեղափոխությանը, այնտեղ նրա տղան պայթյունների պատճառով շատ ծանր վնասվածքներ է ստացել, վիրահատություններ է ունեցել շատ ծանր, ու այդ ամենը նրա համար, որպեսզի նա այսօր կարողանա ապրել այնպիսի երկրում, որտեղ վճարում են հարկերը, եւ այդ հարկերից ձեւավորվում է մեր պետբյուջեն, մեր բանակն ավելի նորմալ սնունդ է կարողանում ունենալ, մեր տատիկ-պապիկները բարձր կենսաթոշակներ են ունենում եւ այլն: Այդքանից հետո արդյոք կա՞ որեւէ խանութ, որի աշխատողներն իրավունք ունեն ծաղրելու Եվայի մայրիկին նրա համար, որ ուզում է իր լուման ունենալ մեր երկրի օրինականացման եւ հարկերի վճարման մեջ: Իմ կարծիքով՝ հակառակը, ցանկացած բարեխիղճ խանութ այս պարագայում պետք է ուրախ լիներ, որ մենք բարձրաձայնում ենք այս խնդիրները, պետք է ուղղեր այդ խնդիրները՝ մեզ դատի տալու փոխարեն»,- ասում է նա:

Արուսիկ Տիգրանյանը նաեւ ավելացնում է, որ ընկերուհու մայրիկը «Նորք» ինֆեկցիոն հիվադնանոցում է աշխատում: Այս օրերին շատ ծանր գրաֆիկ ունի ու 1 ամիս է՝ տուն չի գնացել: Նա իրեն շատ վատ է զգացել, երբ իմացել է դատական հայցի մասին:

«Իմանալով, որ դատական թեմաներ են սկսվել իր՝ ՀԴՄ ուզելու պատճառով՝ շատ վատ առողջական վիճակի մեջ է հայտնվել, եւ ես ուզում եմ նրանից ներողություն խնդրել այս իրավիճակի համար»,- ասում է Տիգրանյանը:

Տեսանյութի վերջում նա նշում է, որ լավ փաստաբանների հետ է համագործակցում: Ասում է, որ դատի վերաբերյալ բոլոր տեղեկությունները կհրապարակի Ինստագրամում: Ավելացնում է, որ հնարավորության դեպքում նաեւ վլոգ կնկարահանի: Այս տեսանյութով ֆեյսբուքյան էջում կիսվել է ՀՀ վարչապետի տիկին Աննա Հակոբյանը:

Ավելի վաղ «Հայկական ժամանակ»-ն անդրադարձել էր թեմային: Մեզ հետ զրույցում հայցվորը նշել էր, որ դրամական փոխհատուցում չի պահանջում, այլ՝ միայն հերքում: Նա վստահեցրել էր, որ Արուսիկ Տիգրանյանի ընկերուհուն ու նրա մայրիկին իրենց խանութում լավ են սպասարկել:

Տպել
10369 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն