Կորոնավիրուսը կարող է բացասաբար անդրադառնալ մարզիկների հոգեբանական առողջության վրա. Reuters

Կորոնավիրուսի պանդեմիայի պատճառով պարտադրված ինքնամեկուսացումը կարող է բացասաբար անդրադառնալ մարզիկների հոգեբանական առողջության վրա: Թեմային անդրադարձել է Reuters լրատվական գործակալությունը: Ըստ դրա՝ երկարատեւ ինքնամեկուսացումը կարող է լրջորեն անդրադառնալ այն մարդկանց հոգեբանական վիճակի վրա, որոնց ապրելակերպն ու ինքնագնահատականը սերտորեն կապված են մրցելու հետ:

«Շատ մարզիկներ հիմա սկզբնական շոկի մեջ են, գուցե շփոթված են կամ որոշ թեթեւություն են զգում իրենց կյանքում եղած ողջ քաոսից հետո: Ամենայն հավանականությամբ նրանց կյանքում 2 կարեւոր բաղադրիչներն են մրցակցելը եւ օրական 6-7 ժամ ֆիզիկական ծանրաբեռնվածություն ունենալը: Հիմա դա չկա, ինչը շատ բարդ է»,- ասել է սպորտային հոգեբան Քերոլայն Անդերսոնը:

Նույն խնդրի մասին, բայց մասնավորապես ֆուտբոլիստներին անդրադառնալով՝ խոսել է նաեւ FIFPRO-ի (Պրոֆեսիոնալ ֆուտբոլիստների ասոցիացիաների միջազգային ֆեդերացիա) գլխավոր քարտուղար Ջոնաս Բաեր Հոֆմանը: Նա նշել է, որ առանց այդ էլ ֆուտբոլիստները մշտապես լարված վիճակում են, քանի որ մի օր բոլորի համար հերոս են, մյուս օրը կարող են սուր քննադատության ենթարկվել, կամ էլ նրանց մասին կարող են ընդհանրապես մոռանալ: Նրանց աշխատանքը կայուն չէ, քանի որ հեշտությամբ կարող են կորցնել այն, հաճախ ապրում են ոչ իրենց հայրենիքում, ընտանիքներից հեռու: Ըստ Հոֆմանի՝ նրանք առանց այդ էլ հակված են հոգեբանական խնդիրներ ունենալուն, եւ կորոնավիրուսի պատճառով հետագայի վերաբերյալ եղած անորոշությունը կարող է սրել դա:

«Մենք տարիներ շարունակ արված հետազոտություններից գիտենք, որ սովորական մարդկանց համեմատությամբ խաղացողների մոտ անհանգստության ու հոգեբանական այլ խնդիրների ավելի մեծ ռիսկ կա, քանի որ նրանց աշխատանքը լարված է ու անկայուն, եւ այս ամենը դա ավելի է սրում»,- ասել է նա:

Հոֆմանը կարծում է, որ կին ֆուտբոլիստները կարող են այս իրավիճակում ավելի մեծ սթրես ապրել, քան տղամարդիկ: Ըստ նրա՝ պատճառն այն է, որ սովորաբար նրանց տրամադրված պայմանները զիջում են տղամարդկանց պայմաններին:

«Նրանք մնացել են իրենք իրենցով, ակումբների տված փոքր տանը, առանց սոցիալական շփման եւ ընտանիքի աջակցության, ինչը հոգեբանական մեծ ճնշում է»,- ասել է նա:

FIFPRO-ն խորհուրդներ է տվել, թե ինչպես կարելի է պահպանել հոգեբանական առողջությունը: Նշվում է, որ անհրաժեշտ է շարունակել առողջ ապրելակերպ վարել եւ լավ քնել, կապ պաշտպանել սոցիալական ցանցերով, շարունակել հետեւել առօրյա գրաֆիկին եւ որոշ ընդմիջումներ անել՝ երաժշտություն լսելով կամ սիրած ֆիլմը դիտելով: Խորհուրդ է տրվում կենտրոնանալ այն բաների վրա, որը մարդը կարող է վերահսկել, քանի որ երբեմն մարդիկ կենտրոնանում են այն բաների վրա, որոնք իրենց վերահսկողությունից դուրս են: Տեղակցված լինելն ու լուրերին հետեւելը կարեւոր է, սակայն խաղացողներին խորհուրդ է տրվում նաեւ ոչ ամեն ինչ կարդալ կորոնավիրուսի մասին, քանի որ դա մեծացնում է սթրեսն ու անհանգստությունը:

Տպել
706 դիտում

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն

Առաջիկա օրերին կտեսնենք առողջացածների մեծ թիվ. ինչպես COVID-19-ը բուժել տանը՝ մշակվում է ընթացակարգ

Այսօրվանից դիմակներ կարելի է ձեռք բերել նաեւ ինքնաշխատ տաղավարներից. 2 հատը 200 դրամ. վարչապետ

Երեւանի երկաթգծի կայարանի շուկա՝ հենց հիմա. վարչապետը լուսանկար է հրապարակել

Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Երկրի ճակատագրի հետ խաղալը անընդունելի է. Ալեն Սիմոնյանը՝ Վանեցյանի հայտարարությունների մասին

Շումախերի ընտանիքը որոշել է ոչինչ չպատմել նրա առողջական վիճակի մասին

Վարակը կանխելու համար ԿԳՄՍՆ-ն գնել է 3000 պաշտպանիչ եւ 60 ռեսպիրատոր դիմակ, 1500 պաշտպանիչ ձեռնոց, 2 ջերմաչափ