Հայաստանը պետք է լինի հնարավորինս պատրաստի արտադրանքի երկիր. Նիկոլ Փաշինյան

Ընդհանրապես, ոչ միայն հանքարդյունաբերության, այլեւ՝ տնտեսության զարգացման մեր ռազմավարության մեջ նույնիսկ կորոնավիրուսից առաջ էլ կային պատկերացումներ, որ ՀՀ-ն, որքան հնարավոր է, պետք է լինի պատրաստի արտադրանքի, այլ ոչ թե հումք մատակարարող երկիր։ Այս մասին այսօր իր ուղիղ եթերի ժամանակ ասաց վարչապետ Նիկոլ Փաշինյանը։ Քաղաքացի Տարոն Չախոյանը նշել էր, որ Հայաստանում, ինչպես նաև շատ երկրներում ստեղծված արտակարգ դրության պատճառով հայաստանյան և համաշխարհային տնտեսությունը վնասներ է կրում: «Ի՞նչ քայլեր է պատրաստվում նախաձեռնել կառավարությունը արտակարգ դրությունից հետո տնտեսության արագ վերականգման և ստեղծված նոր իրավիճակում համաշխարհային տնտեսության մեջ Հայաստանի դիրքերի ամրապնդման համար: Ի՞նչ ուղղությամբ է գնալու ՀՀ կառավարությունը և ո՞րն է տնտեսության զարգացման ձեր հեղափոխական տեսլականը արդեն իսկ ստեղծված իրավիճակում։ Արդյո՞ք պետք չէ զարկ տալ մեր ներքին պաշարների՝ հանքարդյունաբերութան զարգացմանը և կարճ ժամանակամիջոցում հումքի փոխարեն պատրաստի արտադրանք սկսել արտահանել»,- գրել էր նա։

«Ընդհանրապես, դա ցանկացած երկրի տնտեսական զարգացման կարեւոր գրավականն է, որովհետեւ, պատկերացրեք՝ մենք հիմա նույն հանքաքարը, որ արտահանում ենք, դրանից մենք ՀՀ-ում ստանայինք ձուլակտորներ, պատրաստի արտադրանք։ Սա նշանակում է նոր աշխատատեղեր, նոր տեխնոլոգիաներ, նշանակում է, որ տնտեսական հումքի շրջանառությունը հնարավորինս երկար է պտտվում եւ մենք ունենում ենք ավելի ավելացված արժեքի հնարավորինս բարձր մակարդակ»,- ասաց Փաշինյանը։

Ըստ նրա՝ երկրում կան մի քանի նախագծեր եւ իրենք նպատակադրված են, որ նաեւ մետալուրգիա լինի, ընդհանրապես, մշակվող արդյունաբերությունը զարգանա։ Նա հավելեց նաեւ, որ 2019  թվականի վերջին տասնամյակի համար աննախադեպ բարձր տնտեսական աճ է գրանցվել։ «Այստեղ շատ կարեւոր է արձանագրել, որ մշակող արդյունաբերությունը դարձավ մեր երկրի տնտեսության առաջատար ճյուղը։ Սա ասում եմ ցույց տալու համար, որ իրոք, ձեր նշած մտահոգությունը կամ առաջարկն արդեն իսկ կառավարության կողմից որդեգրված քաղաքականություն է»,- ասաց վարչապետը։ Ինչ վերաբերում է այն նախագծերին, որոնց նպատակը Հայաստանում, օրինակ, ձուլարան, մետալուրգիական ձեռնարկություններ ստեղծելն է, վարչապետի կարծիքով՝ այստեղ լինելու են բնապահպանական բանավեճեր։ «Իհարկե, ՀՀ-ն պետք է համապատասխանի բնապահպանական ամենաբարձր չափանիշներիին, բայց դա պետք չէ բացարձակ դարձնել, որովհետեւ հիմա այս շենքը, որտեղ ես նստած եմ, եւ բոլոր շենքերն իրենց մեջ հակաբնապահպանական տարր են պարունակում։ Այստեղ կարող էր չլինել շենք, կարող էին լինել ծառեր, կենդանիներ։ Այսինքն՝ քաղաքակրթության ցանկացած դրսեւորում հակաբնապահպանական տարր ունի։ Այլ բան, որ մենք քաղաքակրթության եւ բնապհպանության մեջ պետք է ճիշտ բալանս գտնենք, որովհետեւ ժամանակակից աշխարհում բնապահպանությունը, կարծում եմ, առաջնային խնդիրներից մեկն է եւ ՀՀ-ի համար նույնպես, բայց մենք բնապահպանությունը չենք հակադրում տնտեսության զարգացմանը»,- ասաց Փաշինյանը՝ հավելելով, որ կարծում է, որ տնտեսությունը, արդյունաբերությունը պետք է զարգանան՝ հաշվի առնելով բնապահպանական այն ստանդարտները, որոնք գոյություն ունեն ժամանակակից աշխարհում։

Ինչ վերաբերում է ճգնաժամը հաղթահարելու իրենց տեսլականին, վարչապետի պնդմամբ՝ այստեղ կան կարճաժամկետ եւ երկարաժամկետ խնդիրներ։ «Կարճաժամկետ առումով՝ խնդիր ենք դնում այս տարի հնարավորինս արագ եւ մեծ ծավալներով իրականացնել պետական կապիտալ ներդրումներ, դրանք ամենաշատ աշխատատեղեր ստեղծող ներդրումներն են։ Երկարաժամկետ առումով՝ մենք կարծում ենք, որ մեր հիմնական ներդրման խնդիրը պետք է լինի մարդկային ռեսուրսի զարգացումը, տեխնոլոգիայի եւ գիտելիքի զարգացումը։ Ժամանակակից աշխարհում տնտեսության զարգացման կարեւորագույն ռեսուրսը մարդն է եւ իր հմտությունները»,- ասաց Փաշինյանը՝ հավելելով, որ շատ է կարեւորում, որ երիտասարդությունն արձանագրի, թե որտեղ է աղքատության եւ բարեկեցության սահմանը։ «Դա գիտելիքն է, հմտությունը, եւ ժամանակակից աշխարհում հենց գիտելիք, կրթություն եւ հմտություն ունեցող մարդիկ են հաջողակ։ Իհարկե, մեր երկրի պատմության ընթացքում ցավոք սրտի հաջողության եւ հարստության սիմվոլները միշտ չէ, որ կապվել են դրանց հետ, բայց ժամանակակից աշխարհի օրինակն եմ ուզում ցույց տալ։ Եթե մենք 30 տարի առաջ տեսնեինք, թե ովքեր են աշխարհի ամենահարուստ մարդիկ, մենք այնտեղ կտեսնեինք նավթային մագնատներ եւ այս կարգի գործունեություն ծավալող մարդիկ, իսկ այսօրվա հարուստ մարդկանց  ճնշող մեծամասնությունը գիտության, տեխնոլոգիաների վրա հիմնված գործունեությամբ  զբաղվող մարդիկ են»,- նկատեց վարչապետը։

Նա հավելեց նաեւ, որ հիմա նախապատրաստում են մինչեւ 2050 թվականի ՀՀ ռազմավարության իրենց տեսլականը եւ այնտեղ կա մի դրույթ, ըստ որի պետք է կրթությունը դարձնել ազգային ապրելակերպ։

«Մեր պատկերացումները ճգնաժամից առաջ եւ հետո մեծ հաշվով չեն փոխվել, եւ սա նշանակում է, որ մեր ռազմավարական պատկերացումները, որոնք մենք որդեգրել էինք ճգնաժամից առաջ, ընդհանուր առմամբ համապատասխանում են նաեւ այսօրվա եւ վաղվա մարտահրավերներին, եւ մենք պետք է կամք ունենանք այդ մարտահրավերներին դիմակայելու եւ մեր ռազմավարությունը հետեւողականորեն շարունակելու համար»,- եզրափակեց Փաշինյանը։

Տպել
377 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան