Մասնավոր կլինիկայում COVID-2019-ի արագ թեստ են անում․ գինը՝ 25․000 դրամ

Կորոնավիրուսի նոր ենթատեսակի լաբորատոր թեստ անցնելու համար համապատասխան ախտանիշներ, վարակվածի հետ սերտ շփում եւ վերջին ժամանակներում ճամփորդական պատմություն է պետք ունենալ, մինչդեռ մասնավոր կլինիկաներում կարող են սպասարկել նաեւ առանց ախտանիշի առկայության՝  ընդամենը ցանկություն հայտնելու դեպքում։ Նրանց առաջարկվում է իրականացնել արագ (ռապիդ) թեստ սակայն դրանց արդյունավետությունն էլ կարծես թե 100%-անոց չէ։

«Ֆեյսբուք» սոցիալական ցանցում տարածվող մեկնաբանությունների հիման վրա զանգահարեցինք «Վարդանանց» նորարարական բժշկության կենտրոն, որտեղից պատասխանեցին, որ իրենց մոտ վճարովի հիմունքներով կարելի է թեստ անցնել։ Խոսքը Չինաստանից բերված արագ թեստերի մասին է։

Այս կենտրոնում արդեն քանի օր է՝ նման ստուգումներ են իրականացվում, գինը՝ 25․000 դրամ։

Կենտրոնի վարակաբան, Կլինիկա 1 ծառայության ղեկավար Արմեն Օհանյանի խոսքով՝ մարդկանց հոսքն այս օրերին նորմալ է, թեստեր դեռ ունեն, սակայն հնարավոր է՝ սպառվեն, պլանավորում են՝ նորերը եւս ստանալ։

Կորոնավիրուսային հիվանդության ախտանիշներ ունեցողների եւ չունեցողների համար էլ առանձին մուտքեր են սահմանել։ Իրականացվում է ֆիլտր, պացիենտներին տրվող հարցերից ելնելով՝ որոշվում է՝ որ կողմից է ավելի ճիշտ մուտք գործելը։ Արդեն հիմնական մուտքի մոտ կագնած աշխատակիցն իրականացնում է ջերմաչափում եւ հարցաթերթիկ լրացնում, եթե ինչ-որ բան բաց է թողնվել, նորից ուղղորդում է մյուս մուտք, որտեղ բժիշկն է գնահատում ռիսկը։

Նշենք, որ օրերս ՀՀ առողջապահության նախարար Արսեն Թորոսյանն իր ասուլսի ժամանակ նշել էր, որ Հայաստանում լաբորատոր թեստեր իրականացվում են միայն ԱՆ Հիվանդություների վերահսկման եւ կանխարգելման ազգային կենտրոնում (ՀՎԿԱԿ)։ Ստացվում է, որ արագ թեստերը դրանց մեջ չե՞ն մտնում։

Ինչպես նշեց Օհանյանը, ՀՎԿԱԿ-ն իրականացնում է ՊՇՌ թեստեր (պոլիմերազային շղթայական ռեակցիա), իսկ իրենց կենտրոնն այսօր չունի նման հնարավորություն։ Ընդհանրապես այն այսօր Հայաստանում արվում է միայն ՀՎԿԱԿ-ում, որովհետեւ իրենք ունեն այդ լիցենզիան եւ պայմանները՝ աշխատելու այդ փորձանմուշի՝ կենդանի վիրուսի հետ։

«Վարդանանց» կենտրոնը կիրառում է արագ թեստը, որի համար, ըստ Օհանյանի, առանձին լաբորատոր հնարավորություններ անհրաժեշտ չեն, տնային պայմաններում էլ կարելի է ստուգել։ Դրանք արագ են որոշում, սակայն ոչ թե անորակ են, այլ գաղափարն է ուրիշ․ արյան միջոցով որոշում են հակամարմինները։

Այս թեստերի մասին օրերս խոսել էր նաեւ Թորոսյանը։ Նրա խոսքով՝ դրանք հայտնաբերում են վիրուսի վրա եղած անտիգենը կամ օրգանիզմում վիրուսի նկատմամբ սինթեզած հակամարմինը, բայց ոչ վիրուսը։ Ավելին՝ դրանք միայն կողմնորոշիչ են եւ վերջնական ախտորոշում չեն դնում, արդյունավետությունն ապացուցված չէ։

ԱՆ-ի լրատվական բաժնից մեզ հայտնեցին, որ վճարովի նման թեստեր իրականացնելը տվյալ կենտրոնի քաղաքականությունն է։

ՀՀ վարչապետի մամուլի քարտուղար Մանե Գեւորգյանն էլ մեզ հետ զրույցում նշեց, որ տեղյակ է մասնավոր կլինիկայի մասին։ Թեստերն այդ կենտրոնինն են, հետեւաբար կարող են վաճառել կամ վերավաճառել։ Չնայած եւս մեկ անգամ հիշեցրեց, որ դրանց արդյունավետությունը 100 %-անոց չէ։

Հիշեցնենք, որ Կառավարության մարտի 26-ի նիստի ժամանակ ՀՀ վարչապետ Նիկոլ Փաշինյանը հայտարարել էր, որ մեր երկրում արդեն կան կորոնավիրուսի հայտնաբերման արագ թեստեր։ Քանի որ Արցախում մարտի 31-ին սպասվում են ընտրություններ, անհրաժեշտ է, որ այստեղից մեկնող դիտորդական կազմակերպությունների ներկայացուցիչները, լրագրողները թեստավորվեն եւ նոր գնան։

Մանե Գեւորգյանի խոսքով՝ այսօր մի շարք պետական հաստատություններում դրանք կան եւ օգտագործվում են ըստ անհրաժեշտության, ի տարբերություն մասնավորի՝ անվճար։

Տպել
4900 դիտում

Արմավիրի մարզի ընդհանուր իրավասության դատարանի նախագահը դատի է տվել Արման Բաբաջանյանին

Մայիսի 29-ի կեսօրից հետո շրջանների զգալի մասում սպասվում է կարճատեւ անձրեւ

ԱՄՆ-ի Մինեապոլիս քաղաքում ցուցարարներն այրել են ոստիկանության բաժանմունքի շենքը

Հայաստանում կա մոտ 432 հազար բնակարան, որոնց 64%-ի կադաստրային արժեքը 3 միլիոն դրամից ցածր է․ Թունյան

«Ձորակ» հոգեկան առողջության խնդիրներ ունեցող անձանց կենտրոնում մեկուսացված անձանց թեստերի պատասխանները բացասական են

Պարետի սահմանած նորմերը խախտելու համար 24 ժամով կասեցվել է 1156 կազմակերպության գործունեություն

Հանձնարարականները չկատարելու դեպքում լինելու են նման որոշումներ. աշխատանքից ազատվել է Քաշաթաղի վարչակազմի ղեկավարը

Ոչ աշխատանքային օրերին պոլիկլինիկաներում հերթապահելու են. որոշ հաստատություններում կիրականացվի ռենտգեն հետազոտություն

Ոստիկանությունը ուժեղացված ծառայություն է իրականացնում կանգառներում

Դավիթ Բաբայանը նշանակվեց Արցախի նախագահի խորհրդական

Մեկ օրում հաստատվել է կորոնավիրուսի 460 նոր դեպք. մահացել է 7 մարդ, առողջացել՝ 10-ը

Արայիկ Հարությունյանը նոր նշանակումներ է արել նաեւ ՌԵՍԶ նախարարի եւ ԱԱԾ տնօրենի պաշտոնում

«Մեզ հետ ուժի լեզվով երբեւէ չփորձեք խոսել». Արայիկ Հարությունյանը անդրադարձավ Ալիեւի հայտարարություններին

Մասիս Մայիլյանը վերանշանակվել է Արցախի արտաքին գործերի նախարարի պաշտոնում

Սամվել Բաբայանը նշանակվել է Արցախի անվտանգության խորհրդի քարտուղար

Գիշերը շղթայական ավտովթար է տեղի ունեցել օդանավակայանի մոտակայքում. կան տուժածներ

ՃՏՊ՝ Ճամբարակ-Թթուջուր ավտոճանապարհին. տուժածի վիճակը միջին ծանրության է

Աննա Հակոբյանը շնորհավորել է հայ խաղաղապահներին տոնի կապակցությամբ (լուսանկար)

«Փորձում են Գեւորգ Լոռեցյանին այլ հոդվածով մեղադրանք առաջադրելու հիմքեր ստեղծել». պաշտպան

Nissan ընկերությունը նվազեցնում է արտադրությունն ու փակում գործարաններ. աշխատակիցները բողոքում են