Լոլիկի վաճառքի գինը նախորդ տարիներին նույն սեզոնին 750 դրամ էր, այսօր՝ 1300 դրամ․ էկոնոմիկայի փոխնախարար

Ստեղծված իրավիճակում գյուղատնտեսության ոլորտն էլ ավելի մեծ կարեւորության է արժանանում։ Այս մասին այսօր կառավարությունում հրավիրված ասուլիսի ժամանակ ասաց էկոնոմիկայի փոխնախարար Արման Խոջոյանը՝ հավելելով, որ ամբողջ աշխարհում գնալով աճում է գյուղատնտեսական մթերքների եւ ապրանքների պահանջարկը։ Քանի որ այսօր կառավարությունում հաստատվել է կորոնավիրուսի տնտեսական հետեւանքների չեզոքացման գյուղատնտեսությանը վերաբերող միջոցառումը, փոխնախարարը ներկայացրեց հենց այն գործիքակազմերը, որով պատրաստվում են մեղմել հետեւանքները։

«Փորձել ենք գյուղատնտեսության ոլորտում ընդգրկել ամբողջական շղթա՝ սկսած փոքր ֆերմերներից մինչեւ վերամշակողներ եւ արտահանողներ։ Առաջին գործիքակազմը վերաբերում է կարողությունների զարգացմանը, արդիական տեխնոլոգիաների ներդրման գործունեության արդյունավետության բարձրացմանը»,- ասաց Խոջոյանը՝ շեշտելով, որ գյուղատնտեսական վարկերը լինելու են 0%-ով։

Նրա խոսքով՝ մինչեւ 1 մլն դրամ միկրովարկերը մարդիկ կարող են վերցնել 0 տոկոս տոկոսադրույքով՝ մինչեւ 9 ամիս արտոնյալ, իսկ ընդհանուր՝ մինչեւ 24 ամիս ժամկետով։ 3-15 մլն դրամանոց վարկատեսակները տրամադրվում են մինչեւ 5 տարի ժամկետով, արտոնյալ ժամկետն էլ սահմանվում է 12 ամիս։ «Մենք առանձնացրել ենք նաեւ թիրախային այն ճյուղերը, որոնք առավել շահութաբեր եւ արդյունավետ ուղղություններ են։ Օրինակ՝ ինտենսիվ այգիների, ջերմոցների հիմնումը, խելացի անասնաշենքերը»,- ասաց փոխնախարարը։

Այն, որ շուկայում թանկացումներ են, փոխնախարարի կարծիքով՝ այստեղ դեր է խաղում Իրանից չներմուծվող ապրանքատեսակների գործոնը։ «Մի կողմից ջերմատնային տնտեսությունները բողոքում են, որ շուկաների հասանելիության խնդրի առաջ են կանգնում, մյուս կողմից էլ նախորդ տարիներին նույն սեզոնին լոլիկի վաճառքի գինը 750 դրամ էր, այսօր՝ 1300 դրամ։ Դա պայմանավորված է նաեւ նրանով, որ ինչ-որ չափով սահմանափակվել է ներկրումը»,- եզրափակեց Խոջոյանը։

Տպել
951 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում