Վանաձորում ուղեւորահոսքը նվազել է, գծի փողը` «պակասեցվել», իսկ գծատերերը պարտավոր են հարկերը վճարել

Վանաձոր քաղաքում, կապված կորոնավիրուսի տարածման վտանգի ու երկրում հայտարարված արտակարգ դրության հետ, փաստի առաջ են կանգնել նաեւ ներքաղաքային ուղեւորափոխադրումներ իրականացնող ընկերությունների վարորդներն ու, ինչու չէ, նաեւ սեփականատերերը:

ՀԺ-ի հետ զրույցում երթուղայինների մի շարք վարորդներ համաձայնեցին զրուցել իրենց անունը չհրապարակելու պայմանով միայն: Վարորդներից մեկը, օրինակ, հայտնեց, որ օրվա պլանը վերջին օրերին սկսել են քիչ վճարել, պատճառը ուղեւորների բացակայությունն է եղել: Իրավիճակը, ըստ նրա, քննարկել են երթուղին սպասակող ընկերության ղեկավարի կամ, այսպես ասած, գծատիրոջ հետ, որն էլ փոխզիջման է գնացել. «Առաջ 6000 դրամ նալոգ էինք ամեն օր տալիս, հիմա 2000-3000 են դարձրել, մարդ չկա, ուղեւոր չկա, էդ էլ որ տալիս ենք, պետք ա գոհ լինեն»,- ասաց թիվ 2 երթուղին սպասարկող վարորդներից մեկը: Մեկ այլ վարորդի խոսքով՝ իրենց համար այսօր դժվար է անգամ այդ 2000-3000 դրամը տալ:

Ճշտող հարցին՝ իսկ եթե օրվա հարկը մնար նույնը, կշարունակեին աշխատել՝ պատասխանեց. «Միանշանակ՝ չէ, հո իմ տնից չէի փող բերելու, որ գծատիրոջը տայի…»: Գրեթե բոլոր երթուղիներում ուղեւորահոսքը կտրուկ նվազել է: Վարորդներն ասում են՝ օր է լինում՝ անգամ գազի գումարը չեն կարողանում հանել, հետեւաբար անգամ այդ 2000 դրամ «գծի փողը» չեն տալիս. «Չենք աշխատել, որտեղից տանք»…

Ուղեւորահոսքի կտրուկ նվազման հետ կրճատվել է ոչ միայն օրավարձը, այլ նաեւ գրեթե բոլոր երթուղիներից մի շարք երթուղային գազելներ են հանվել: Վարորդներն ասացին նաեւ, որ տարեց վարորդներին տուն են ուղարկել, մի մասն էլ ինքնակամ է գծից դուրս եկել ու տուն գնացել. «Մենք էլ ենք իրավիճակը հասկանում, գծատերերն էլ»: Բացի վարորդների՝ օրվա «արենդը» վճարելու խնդրից, փաստի առաջ են կանգնել նաեւ ուղեւորափոխադրումներ իրականացնող ընկերությունների սեփականատերերը: Մեզ հետ զրույցում գրեթե բոլոր տնօրենները վստահեցնում էին, որ իրենք օրվա «գծի փողը» ոչ միայն կտրուկ նվազեցրել են, այլ օր է լինում՝ գումար էլ չեն վերցնում:

Սրան զուգահեռ, սակայն, իրենք հարկային պարտավորություններ ունեն, որոնք պետության կողմից չեն զիջվել կամ գոնե պակասեցվել. «40 մեքենայով ենք մրցույթը շահել, այսօր հազիվ 20-25-ն է գիծ դուրս գալիս, դա էլ հազիվ 2000 դրամով, բայց մենք պարտավոր ենք էդ 40-ի տուրքն էլ վճարենք: Հասկանում ենք երկրում տիրող իրավիճակը, չենք կարող մեր վարորդներից նույն փողը պահանջել, բայց, այ, հարկայինը մեզնից պահանջում է, բայց մենք որտեղից պետք է տանք, եթե չենք աշխատում»,- մեզ հետ զրույցում ասաց քաղաքի երթուղայիններից մեկի տնօրենը:

«Երբ որ կարանտին մտցվեց, ուղեւորահոսքը կտրուկ նվազեց, մեքենաների քանակն էլ պակասեցրինք, տարիքով վարորդները գործի դուրս չեկան: 6500 դրամի փոխարեն այսօր տալիս են 2000-2500, եթե այն ժամանակ աշխատում էր 10 մեքենա, այսօր աշխատում է 4-5 մեքենա, հա՛մ ավտոներն են պակասել, հա՛մ՝ ուղեւորները, հա՛մ՝ գծի օրվա արենդը: Գազելները պակասեցրինք, որ մյուսները կարողանան մի քանի պտույտ ավելի անեն, գազի ու գծի քիչ փողը գոնե բերեն»,- հավելեց նա:

Գծատիրոջ խոսքով՝ մարտ ամսվա հարկը թեպետ վճարել են, սակայն արդեն ապրիլի հարկը պետք է վճարեն, մինչդեռ մարտի 15-ից իրենք արդեն վնասով են աշխատել․ «Վարորդներ ունենք, որ շաբաթ-կիրակի օրերին փող վափշե չէին աշխատել, գծի փող էլ չկարողացան տալ»:

Վանաձորի թիվ 3 երթուղին սպասարկող ընկերության տնօրենը եւս փաստեց՝ ուղեւորահոսքն իրենց մոտ էլ է նվազել. «Ուղեւորահոսքը կանգնել է, թողել ենք վարորդների հայեցողությանը: Վախենում ենք, որ վարորդները մի օր կկանգնեն ու կհրաժարվեն գիծ դուրս գալ…: Վատն այն է, որ մեր հարկային պարտավորությունները չեն նվազել: Նույն գումարները պետք է մուծենք: Հիմա փորձում ենք ինչ-որ բան մտածել, քանի որ ի վիճակի չենք լինի հաստատ վճարել, մի բան պետք է արվի: Մենք մեր աշխատողներին ենք զիջել, լավ կլինի՝ պետությունն էլ մեզ որոշակի զիջումներ անի»:

Նույն իրավիճակն է նաեւ թիվ 2, թիվ 5, թիվ 1 եւ նեքաղաքային մյուս բոլոր երթուղիներում: Երթուղիների պատասխանատուների խոսքով՝ նպատակ ունեն համապատասխան մարմինների հետ քննարկում կազմակերպել, քննարկել իրավիճան ու ներկայացնել պետական մարմիններին:

Վանաձորի քաղաքապետ Մամիկոն Ասլանյանը ՀԺ-ի հետ զրույցում հայտնեց՝ քանի դեռ պաշտոնապես պարետատան կողմից որեւէ հրահանգ չկա՝ կապված ուղեւորափոխադրումների սահմանափակումների հետ, որեւէ փոփոխություն չի նախատեսվում հարկային պարտավորությունների մասով: Քաղաքապետի խոսքից պարզ դարձավ, որ սեփականատերերի հետ որեւէ քննարկում չի արվել՝ գծի վարձը պակասեցնելու ուղղությամբ:

Տպել
613 դիտում

Տարածությամբ հեռու, սրտով մոտ. Գյումրիում էր ՀՀ-ում Ճապոնիայի արտակարգ և լիազոր դեսպան Ջուն Յամադան

Զարեհ Սինանյանը հանդիպել է Մոսկվայի հայ երիտասարդների ասոցիացիայի ակտիվիստների հետ

Ես հարցը տամ, դուք գլխի շարժումով պատասխանեք. ԱԺ-ում քննարկվեց «Բարձրագույն կրթության և գիտության մասին» օրինագիծը

Մետրոպոլիտենի պահպանության բաժին բերման ենթարկված երիտասարդի մոտ դանակ և կռփազենք է հայտնաբերվել (տեսանյութ)

Մի շարք դիրքորոշումներ երկրում վերջին օրերին տեղի ունեցող իրադարձությունների վերաբերյալ․ Արման Թաթոյան

Հորդորում ենք զգուշավորություն դրսևորել Հայոց բանակի և զորականների առնչությամբ գնահատականների հարցում. Մայր Աթոռ

Փետրվարի 27-ին նախատեսված է սիմֆոնիկ նվագախմբի համերգը հետաձգվում է․ Ֆյոդոր Ռուդինը չեղարկել է իր այցը Հայաստան

Հակոբ Արշակյանը ներկայացրել է հայկական արտադրության հարվածային ԱԹՍ-ն

Կարեն Բաբակեխյան, Սաշիկ Աֆյան, Շերիֆ. ովքեր եւ ինչով են հայտնի վարչապետի հրաժարականը պահանջող նախկին ոստիկանները

ԵՄ-ն ընդգծում է նոյեմբերի 9-ի հայտարարության դրույթների իրականացման՝ բոլոր գերիների վերադարձման անհրաժեշտությունը

Կենդանիներին պատվաստողների ուսուցման ծրագրի մասնակիցները անասնաբուժական միջոցառումներ կիրականցնեն

ՊՆ վարչական համալիրում անցկացվել է զինված ուժերի ֆինանսիստների հավաք-խորհրդակցություն

Արցախի ՄԻՊ-ը ողջունում է Եվրոպական օմբուդսմանի ինստիտուտի գլխավոր քարտուղար Ժոզեֆ Սիգելեի հայտարարությունը

Այ սրիկաներ, այ տականքներ, դուք ներում չունեք. Հովհաննես Ազոյանը՝ ընդդիմության բեմադրած ներկայացման մասին

Արմեն Սարգսյանը հանդիպել է Հայրենիքի փրկության շարժման ղեկավարների հետ

Աշոցքի տարածաշրջանի ավտոճանապարհներին տեղ-տեղ մերկասառույց է

Քաղաքապետը Վլադիլեն Բալյանին է հանձնել Երևանի պատվավոր քաղաքացու կոչումը (լուսանկարներ)

«Եկեք հարցերի չպատասխանեմ, ես զինվորական մարդ եմ». գեներալ-մայոր Պողոսյանը՝ ԳՇ-ի հայտարարության տակ չստորագրելու մասին

Արմեն Սարգսյանը հյուրընկալել է Ֆրանսիայի նախկին արտգործնախարար Բեռնար Քուշներին

Տրանսպորտային ապաշրջափակման արդյունքում մենք երկաթուղային կապ կունենանք, թե՛ Իրանի, թե՛ Ռուսաստանի հետ. փոխնախարար

Արման Բաբաջանյանը նախագահին խնդրել է ընթացք տալ վարչապետի՝ ԶՈւ շտաբի պետին ազատելու հրամանին

ՀՓՇ անդամների հարձակումների նպատակն է գործընթացները տեղափոխել հակասահմանադրական դաշտ․ «Իմ քայլի» հայտարարությունը

22.520՝ մշտադիտարկում, 10.330 ստուգայց, 1.411 խախտում. ԱԱՏՄ-ն ներկայացրել է 2020 թվականի հաշվետվությունը

Արա Այվազյանը Բուլղարիայի Հանրապետության փոխվարչապետի հետ քննարկել է երկկողմ օրակարգի հարցերի լայն շրջանակ

Ցուցարարները Բաղրամյան պողոտայում խորոված են պատրաստել

Յուրաքանչյուր պրոֆեսիոնալ աշխատանք կատարող պաշտոնյա պետք է իր գործով զբաղվի. ԿԳՄՍ նախարարը՝ ԳՇ հայտարարության մասին

Հայտնի են Հանրային հեռարձակողի խորհրդի անդամների մրցույթում հաղթողների անունները  

Արմեն Սարգսյանն այցելել է զինված ուժերի գլխավոր շտաբ

Կոչ եմ անում Ադրբեջանին անհապաղ ազատ արձակել բոլոր հայ ռազմագերիներին և քաղաքացիական անձանց․ Ժոզեֆ Սիգելե

Քիչ առաջ ավարտվեց ընդդիմադիրների և ՀՀ նախագահ հանդիպումը. Արթուր Վանեցյանը մանրամասներ ներկայացրեց

Նախորդ 5 տարիներին անչափահասների ինքնասպանության 35 եւ ինքնասպանության փորձի 89 դեպք է գրանցվել

Անցկացվել է ԶՈՒ մարզական վաշտում զինծառայության նշանակման նպատակով քաղաքացիների ընտրության հանձնաժողովի նիստը

Զարմացած եմ, որ նման որոշում է կայացրել մեր լավ շախմատիստը, բայց դա իր իրավունքն է. նախարարը՝ Արոնյանի հեռանալու մասին

Լենա Նանուշյանն ու Սերգեյ Կոպիրկինն այցելել են Ինֆեկցիոն հիվանդությունների ազգային կենտրոն

Միրզոյանն ու Մատվիենկոն քննարկել են Ադրբեջանում պահվող հայ գերիների հայրենիք վերադարձի խնդիրը

Նախագահը Օնիկ Գասպարյանին պաշտոնից ազատելու վերաբերյալ վարչապետի առաջարկությունը հետ չի ուղարկել

Միջպետական և հանրապետական նշանակության բոլոր ավտոճանապարհները բաց են

Արմեն Սարգսյանը հանդիպումներ է ունեցել խորհրդարանական ուժերի ներկայացուցիչների հետ

Պուտինը ԱԽ օպերատիվ խորհրդակցության ժամանակ քննարկել է իրավիճակը Լեռնային Ղարաբաղում

19 գեներալը և ժողովրդի 0.5 տոկոսը երկրի օրակարգը թելադրողը չեն. Կարեն Անդրեասյան