Արտակարգ դրությունը կարող է հայտարարված ժամկետից շուտ էլ ավարտվել. հանրաքվեի ժամկետը դժվար է կանխորոշել

Մարտի 16-ին ՀՀ-ում արտակարգ դրության հայտարարումից հետո դադարեցվել են ՍԴ նախագահին եւ 6 անդամներին պաշտոնից հեռացնելու հարցով նշանակված սահմանադրական հանրաքվեին վերաբերող գործընթացները: Մասնավորապես, գովազդային հոլովակների հեռարձակումը դադարեցվել է, ընտրական շտաբները չեն գործում, ԿԸՀ-ն դադարեցրել է ժամանակացույցով նախատեսված իր գործառույթների իրականացումը…

 Պարզ չէ, սակայն, թե նոր հանրաքվեն երբ կարող է տեղի ունենալ:

«Հանրաքվեի մասին» սահմանադրական օրենքի 12-րդ հոդվածի համաձայն՝  նշանակված, սակայն ռազմական կամ արտակարգ դրության պատճառով չանցկացված հանրաքվեն անցկացվում է ռազմական կամ արտակարգ դրության ավարտից ոչ շուտ, քան 50, եւ ոչ ուշ, քան 65 օր հետո: Հանրապետության նախագահը հանրաքվեն նշանակում է ռազմական կամ արտակարգ դրության ավարտից հետո` եռօրյա ժամկետում:

Եթե ընդունենք, որ արտակարգ դրությունը կարող է ավարտվել ապրիլի 14-ին, ինչպես որոշել է ՀՀ կառավարությունը, ապա նոր հանրաքվեն կարող է նշանակվել հունիսի 6-ից մինչեւ 21-ը:

Սակայն «Իմ քայլը» խմբակցությունում չեն շտապում հաշվարկել նոր հանրաքվեի նշանակման ժամկետները կամ հաստատել վերը նշված հաշվարկը՝ չբացառելով արտակարգ դրության՝ ոչ նախանշված ժամկետից վաղ, ոչ էլ ուշ դադարեցումը:

«Ժամկետների մասով ոչինչ դեռ հստակ չի, որովհետեւ չգիտենք՝ ինչ իրավիճակ կլինի արտակարգ դրության ավարտի օրը կորոնավիրուսի հետ կապված»,- մեր զրույցում ասաց պատգամավոր Ռուբեն Ռուբինյանը:

Այսինքն՝ չեք բացառում, որ անհրաժեշտ լինի երկարաձգել արտակարգ դրության ժամկետը՝ հետաքրքրվեցինք. «Այս պայմաններում ոչինչ չի կարելի բացառել, պետք է տեսնենք, թե ինչպես է զարգանում իրավիճակը համաճարակի հետ կապված»,- պատասխանեց պատգամավորը:

Հարցին, թե ինչ էր նշանակում վարչապետ Փաշինյանի հայտարարությունը, որ հանրաքվեի գործընթացը կշարունակվի այն կետից, որտեղ կանգ է առել, Ռուբինյանը պատասխանեց. «Քանի որ կորոնավիրուսի դեմ ակտիվ պայքարի շրջան է, դետալային հարցեր չենք քննարկել»:

Այս եւ այլ հարցերի վերաբերյալ զրուցեցինք նաեւ ՍԴ նախագահ Հրայր Թովմասյանի եւ 6 անդամների լիազորությունների դադարեցման մասին որոշման նախագիծը հեղինակած «Իմ քայլը» խմբակցության պատգամավոր Վահագն Հովակիմյանի հետ:

- Պարո՛ն Հովակիմյան, վարչապետն ԱԺ-ում հայտարարեց, որ հանրաքվեի գործընթացը կշարունակվի այն կետից, որտեղ կանգ է առել: Սա նշանակում է, որ գործընթացը կշարունակվի քարոզարշավի այն ընթացքից, որտեղ այն կա՞նգ առավ:

- Օրենքը չի տալիս այդ հարցի պատասխանը՝ օրերի հաշվարկ եւ այլն: Բայց «Հանրաքվեի մասին» օրենքի 12-րդ հոդվածի 5-րդ կետի տրամաբանությունն այն է, որ երբ նշանակված հանրաքվեն տեղի չի ունենում արտակարգ դրության պատճառով, նոր հանրաքվեն պիտի նշանակվի արտակարգ դրությունից հետո ոչ շուտ, քան 50, ոչ ուշ, քան 65 օր ժամանակահատվածում: Ենթադրվում է, որ դա պետք է դառնա արդեն տեղի ունեցած պրոցեսի շարունակությունը:

- Իսկ ձեր հաշվարկով նոր հանրաքվեն ե՞րբ կնշանակվի:

- Հաշվարկ չենք կարող անել, քանի դեռ արտակարգ դրությունը վերացված չէ, որովհետեւ հաշվարկի սկիզբը կարող է դիտարկվել արտակարգ դրության վերացումը: Այսինքն՝ ցանկացած հաշվարկ, որն այսօր կանենք, անհիմն է: 

- Արտակարգ դրության ռեժիմը որքա՞ն կարող է երկարաձգվել:

- Արտակարգ դրության ռեժիմը կարող է նույնիսկ շուտ ավարտվել: Օրենքն այդ հնարավորությունը տալիս է, որ եթե վերանում են այն պատճառները, որոնց բերումով արտակարգ դրություն է հայտարարվել, արտակարգ դրությունը վերացվում է: Այսինքն՝ այստեղ պետք չէ միայն երկարաձգման տրամաբանությունից նայել, արտակարգ դրությունը կարող է նաեւ շուտ վերացվել: Երբ որ արտակարգ դրությունը վերանա, կսկսվի հանրաքվեի նշանակման հաշվարկը:

- Պարո՛ն Հովակիմյան, ի՞նչ եք արել այն տարածքները, որոնք վարձակալվել էին՝ որպես ընտրական տարածքներ:

- Այդ տարածքները վարձակալվել էին «Քաղաքացիական պայմանագիր»  կուսակցության կողմից, եւ պայմանագրով նախատեսված կարգով այդ բոլոր խնդիրները լուծվել են կամ լուծման փուլում են: Ինչպես բոլոր մնացած պայմանագրերը, դրանք եւս պարունակում էին ֆորսմաժորի հնարավորության վերաբերյալ կետ, իսկ արտակարգ դրությունը ֆորսմաժորի տեսակ է: Այսինքն՝ տարածքի տերերի հետ ՔՊ ներկայացուցիչներն այդ հարցերը կարգավորելու են:

- Հիմա փա՞կ են այդ տարածքները:

- Գործնականում փակ են: Քանի որ քարոզարշավ չի իրականացվում, իմաստ էլ չկա այդ տարածքները բացելու:

- Այս ժամանակահատվածն ինչ-որ կերպ կարո՞ղ է աշխատել կողմերից որեւէ մեկի օգտին կամ ի վնաս որեւէ կողմի, այդ թվում՝ ՍԴ այն ներկայացուցիչների, որոնց դա վերաբերում է:

- Հանրաքվեն քաղաքական գործընթաց է, եւ ժամանակը կարող է քաղաքական գործընթացի վրա ինչպես դրական, այնպես էլ բացասական ազդեցություն ունենալ: Ի վերջո ցանկացած իրավիճակ որեւէ կերպ ազդում է քաղաքական ուժերի ե՛ւ հեղինակության վրա, ե՛ւ նրանց բարձրացրած խնդիրների՝ հանրության կողմից դրական կամ բացասական արձագանքի վրա:

- Հիմա, օրինակ, «Այո»-ի կողմի վրա այս ժամանակահատվածը դրակա՞ն ազդեցություն է ունենում, թե՞ բացասական:

- Ես համոզված եմ, որ տվյալ դեպքում, քանի որ «Այո»-ի կողմն իշխանության կրողն է, սա դրական ազդեցություն է ունենալու, որովհետեւ քաղաքական մեծամասնությունը՝ ի դեմս ՀՀ կառավարության, իրենից հասնող ամեն ինչ անելու է, որ այս ճգնաժամը հնարավորինս շուտ եւ հանրության համար հնարավորինս բարենպաստ ձեւով հանգուցալուծվի:

- Փաստաբան Տիգրան Եգորյանը վերջերս կարծիք է հայտնել, որ արտակարգ դրության պայմաններում ՍԴ ճգնաժամն ավելի վտանգավոր է, քան կորոնավիրուսը: Նա ընդգծել է, որ ճգնաժամն այս ընթացքում կարող է ավելի խորանալ:

- Այդ հարցում չեմ կարող չհամաձայնել՝ մի պարզ պատճառով. ընդամենը մեկ կամ երկու օր առաջ Հրայր Թովմասյանի հայտնի հարցազրույցը լույս տեսավ, որը հետագայում նաեւ ջնջվեց համացանցից՝ պատճառաբանելով, թե իբր տեխնիկական վրիպակ է եղել: Ահա, նման արարքները ցույց են տալիս, որ կոնկրետ ՍԴ նախագահը եւ որոշ անդամներ կարող են նպաստել ճգնաժամի խորացմանը:

- Այդ հարցազրույցը, օրինակ, ինչո՞վ էր նպաստում ճգնաժամի խորացմանը: Աղմուկը բարձրացավ այն բանից, որ Հրայր Թովմասյանը քաղաքական հայտարարություններ էր անում այդ հարցազրույցում:

- Ոչ միայն քաղաքական հայտարարություններ էր անում այդ հարցազրույցում, այլեւ այդ հայտարարությունները ՀՀ Սահմանադրական կարգին սպառնացող վտանգ էին պարունակում: Սահմանադրական դատարանի նախագահն այդ հարցազրույցում ակնարկում էր ընտրված իշխանությանը տապալելու մասին: Հետագայում, իհարկե, հայտարարվեց, որ նա նման բան չի ասել, այդ խոսքերը վերագրվեցին ինչ-որ իրավաբանի, բայց դա ցույց տվեց, որ նա հասկանում է իր արածի հակասահմանադրական լինելը:

Տպել
3928 դիտում

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)