Ոչ առաջ, ոչ հետ. թուրք-հունական սահմանին կուտակված 32 հազար փախստականների ճակատագիրն անհայտ է (լուսանկարներ)

Փախստականների թիվը, որոնք ներկա պահին կուտակվել են թուրք-հունական սահմանի մոտ եւ փորձում են հատել այն ու հայտնվել Եվրոպայում, պաշտոնական Աթենքի տվյալներով, կազմում է շուրջ 32 հազար: Մինչդեռ Թուրքիան 4 անգամ ավել թվեր է հրապարակում:

Եվրամիությունը պնդում է, որ Թուրքիան պարտավոր է կիրառել ու հաշվի առնել 4 տարվա վաղեմություն ունեցող համաձայնության կետերը, երբ Հունաստանի հետ իր ունեցած սահմանը փակելու դիմաց ստացել է 6 միլիարդ եվրո՝ փախստականներին աջակցություն ցուցաբերելու համար:

Անկարան հայտարարում է, որ ԵՄ-ն հրաժարվում է ստանձնած պարտավորություններից ՝ կապված Իդլիբում հակամարտության սրացման հետ եւ առկա իրավիճակում  այդ հարցի շուրջ ունեցած Թուրքիայի դիրքորոշման պատճառով:

ԵՄ արտաքին գործերի և անվտանգության հարցերով գերագույն ներկայացուցիչ Ժոզեպ Բորելը հանդես է եկել զգուշացումներով. «Թուրքիան ապարդյուն հույսեր է փայփայում, որ եվրոպական սահմանները բաց են: Մենք պաշտպանում ենք մեր սահմանները, բայց, մյուս կողմից, մենք պարտավոր ենք հարգել մարդու իրավունքները: Արժե ավելացնել, որ մենք այս ձևով չենք ողջունում Եվրամիության տարածք ներխուժելու փորձերը, երբ խախտվում է երկրի սահմանների անձեռնմխելիության սկզբունքը»:

Շաբաթվա կեսին, ԵՄ անդամ երկրների արտգործնախարարների մասնակցությամբ հրավիրված հրատապ նիստում, Բրյուսելը «կտրականապես մերժեց միգրացիոն ճնշում գործադրելու փորձերը քաղաքական նպատակներին հասնելու համար»: Ի պատասխան դրան ՝ Անկարան ԵՄ ղեկավարությանը մեղադրեց, որ Թուրքիային ֆինանսական օգնության նոր տրանշից բաժին չի հասել:

Եվրախորհրդի ղեկավար Շառլ Միշելը նշել է, որ Եվրամիությունը պատրաստ է օգնություն ցուցաբերել Թուրքիայի տարածքում ապաստանած միգրանտներին:

Ավելի վաղ Թուրքիան ոստիկանության հատուկ նշանակության ջոկատի ուժեր է ուղարկել իր արեւմտյան սահմաններ՝ 1000-ից ավելի ոստիկաններից կազմված: Այս մասին հայտարարել է երկրի ՆԳ նախարար Սուլեյման Սոյլուն: Իրավիճակը գնահատելու համար հինգշաբթի օրը նախարարը թռիչք է կատարել Էվրոս գետի մերձակայքում գտնվող տարածքի վրայով, այնուհետ այցելել թուրքական բանակի սահմանային կետեր: Ըստ նրա, ոստիկաններին տրվել է հստակ խնդիր ՝ կանխել փախստականների վերադարձը Թուրքիա:

Նախարարը նշել է, որ օգտագործվում են նաեւ փչովի շարժիչային նավակներ՝ գետի երկայնքով հերթապահություն իրականացնելու համար: Սոյլուն այդ ամենը որպես անհրաժեշտ քայլ է որակել՝ իբրեւ եվրոպական երկրների կողմից միջազգային գործող կանոնները խախտող որոշակի գործողություններից իրենց սահմանները  պաշտպանելու ուղղությամբ, քանի որ սահմանին կուտակված միգրանտներին հույն սահմանապահները հետ են մղում:

Հունաստանի կառավարության պաշտոնական աղբյուրները հայտնում են, որ չորեքշաբթի օրվանից սկսած տեղական ոստիկանությունը դիմակայել է երկիր ապօրինի մուտք գործելու շուրջ 7000 փորձի: Ձերբակալվել է 24 մարդ, նրանք հիմնականում ներգաղթյալներ են Պակիստանից եւ Աֆղանստանից: Անցած 6 օրվա ընթացքում կասեցվել է սահմանը ապօրինի հատելու գրեթե 35.000 փորձ, ձերբակալվել է 240 մարդ:

Հունաստան ժամանող միգրանտներն այժմ չեն կարողանում դիմել ապաստան հայցելու համար, քանի որ երկրի իշխանությունները որոշում են կայացրել դադարեցնել այդպիսի հայցերի ստացումը առաջիկա 1 ամսվա ընթացքում ՝ սկսած մարտի 1-ից: Հունաստանի ներգաղթի նախարար Նոտիս Միթարակիսը հայտնել է, որ այն մարդիկ, որոնք այս շաբաթ ապօրինի ժամանել են երկիր, կուղարկվեն Հունաստանի հյուսիսում գտնվող միգրանտների փակ կալանավայր, այնուհետ համապատասխան ընթացակարգերով արտաքսվելու են:

Նշենք, որ Թուրքիան իր սահմանները դեպի Եվրոպա բացել է ոչ միայն Հունաստանի, այլ Բուլղարիայի հետ էլ: Տարբերությունն այն է, որ Բուլղարիայի հետ սահմանից ավելի քիչ է փախստականների հոսքը, մինչդեռ Հունաստանի հետ սահմանի մոտ կուտակված մի քանի տասնյակ հազարի հասնող միգրանտները հաստատվել են այնտեղ ընտանիքներով, իրերով, տեղակայել են վրաններ, վառում են կրակ եւ կերակուր պատրաստում, գետում լվացվում եւ փաստացի՝ բնակվում սահմանի երկայնքով: Նրանք չունեն այլընտրանք, քանի որ՝ մի կողմից Թուրքիան հետ չի ընդունում իր երկիրը լքած փախստականներին, մյուս կողմից՝ եվրոպական երկրներն իրենց սահմաններն հատել ու իրենց տարածք մուտք գործել չեն թույլատրում:

Բուլղարիայի պաշտպանության նախարար Կրասիմիր Կրակասաչանովը հայտնել է, որ ամեն գնով պաշտպանելու է իր սահմանները: Մարտի 6-ի առավոտյան Թուրքիայի հետ սահմանի հատման տարածքից ձերբակալվել է 30 փախստական, բոլորն էլ՝ սահմանը հատելու փորձի համար:

Տպել
681 դիտում

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը