26 տարի առաջ սպանված Մհեր Պողոսյանի որդին ամիսներ առաջ Էջմիածնում հարձակման է ենթարկվել (տեսանյութ)

26 տարի առաջ Մանվել Գրիգորյանի եղբորորդու՝ Հրանտ Գրիգորյանի գործողությունների հետեւանքով կյանքից զրկված Մհեր Պողոսյանի որդին՝ Էդուարդ Պողոսյանը, ամիսներ առաջ Էջմիածնում հարձակման է ենթարկվել դիմակավորված անձանց կողմից:

Այս մասին, սակայն, հայտնի դարձավ միայն այսօր, երբ Պողոսյանը հարձակումից տեսանյութ հրապարակեց ֆեյսբուքյան իր էջում:

«Հայկական ժամանակ»-ի հետ զրույցում Էդուարդ Պողոսյանը պատմեց, որ դեպքը տեղի է ունեցել 2019 թվականի սեպտեմբերին, երբ ինքը Ռուսաստանից եկել էր Հայաստան՝ մասնակցելու հոր գործով հերթական դատական նիստին:

Հիշեցնենք, որ նրա հաղորդման հիման վրա զինդատախազությունը վերաքննիչ բողոք է ներկայացրել՝ պահանջելով նոր երեւան եկած հանգամանքի հիմքով բեկանել Մհեր Պողոսյանի գործով կայացված դատավճիռը, եւ գործն ուղարկել առաջին ատյանի դատարան՝ նոր քննության: Տվյալ դեպքում նոր հանգամանքն Էդուարդ Պողոսյանի այն հայտարարությունն է, որ 1994-ի ապրիլի 16-ին Արմավիրի մարզի Տարոնիկ գյուղի տարածքում գործող ռեստորանային համալիրում վիճաբանության ընթացքում իր հորը՝ Մհեր Պողոսյանին, Հրանտ Գրիգորյանը դիտավորյալ է սպանել, մինչդեռ դատապարտվել է ընդամենը 1 տարվա ազատազրկման՝ զենքի հետ վարվելու կանոնների խախտման արդյունքում կյանքի հետ անհամատեղելի վնասվածքներ հասցնելու համար։

Մեր զրույցում Էդուարդ Պողոսյանը պատմեց, որ հարձակման պահին իր բարեկամի հետ, ում տանն էլ մնում է, երբ գալիս է Հայաստան, զբոսնում էր տնից մոտ 30 մետր հեռավորության վրա, եւ հարձակման պահը նկարահանվել է հենց այդ տան տարածքում ամրացված տեսախցիկներով. «Ես հեռախոսով էի զբաղված, տեմպս մի քիչ դանդաղեց, ընկերս ինձնից առաջ ընկավ, այդ ժամանակ հետեւիցս ձայն լսեցի, ասացին՝ «էս ոնց որ դու չես ուզում հանգիստ նստել տեղդ», ու միանգամից երիկամիս հարված զգացի, շոկային վիճակով ուզում էի պտտվել, երկրորդ հարվածը զգացի արդեն փորիցս մի քիչ ներքեւ: Կքանստեցի, տեսա, որ դիմացս երկու հոգի էին՝ դեմքերը բլուզով եւ վերնազգեստով փակած, իսկ նրանցից մեկի ձեռքին դանակ էր»: Պողոսյանի խոսքով՝ երբ դա տեսավ, միանգամից տեղից պոկվեց ու սկսեց վազել. «Մոտ 7-8 մետր այն կողմ՝ իմ բարեկամն էր, միասին սկսեցինք վազել, այդ ընթացքում ես մտածում էի՝ գոնե տան դուռը բաց լինի, որովհետեւ եթե փակ է լինում, պիտի կոճակը սեղմես, սպասես՝ մեկը գա բացի, բայց բախտս բերեց՝ դուռը բաց էր»: Տուն մտնելով՝ Պողոսյանն անմիջապես դուռը փակել է, եւ այդ ժամանակ արդեն սուր ցավեր է զգացել, վնասվածքները, սակայն, լուրջ չէին, եւ բժշկի դիմելու անհրաժեշտություն չի եղել:

Հարցի՞ն՝ այս ամիսների ընթացքում իրավապահ մարմնի դիմել է, Պողոսյանը պատասխանեց, որ երկար ժամանակ մտածում էր՝ բողոքի, թե ոչ, սակայն, ի վերջո, դա անիմաստ է համարել. «Ընկերներս ինձ հարցրին, թե ում պիտի բողոքեմ, Ոստիկանությա՞նը, երբ Էջմիածնի ոստիկանապետը Հրանտ Գրիգորյանի (Մանվել Գրիգորյանի եղբորորդին) մոտ ընկերն է: Դա անիմաստ համարեցի կոնկրետ Էջմիածնի մասշտաբով, Հրանտ Գրիգորյանն ու իր եղբայրը, որքանով ես եմ տեղյակ, մինչ օրս ջերմ հարաբերություններ ունեն ուժային կառույցներ հետ, անգամ Գրիգորյանի որդին աշխատում է քննչական ծառայությունում, եւ երկրորդը, ես չէի ուզում այդ տեսանյութը հրապարակել, որպեսզի մայրս չանհանգստանա. ամեն անգամ, երբ Հայաստան եմ գալիս, նա ինձ խնդրում, աղաչում է, որ չգամ, ասում է՝ գլխիդ մի «օյին» կբերես, դրա համար էլ իմանալով, որ մեծ հաշվով ոչինչ չի փոխվի՝ ես չէի հրապարակել»: Հարցին, թե ինչու այժմ որոշեց հրապարակել, Էդուարդ Պողոսյանը պատասխանեց. «Ես չէի ուզում, որ 25 տարի անց իմ մայրը նույն բաները տեսնի արդեն ոչ թե իր ամուսնու, ոչ թե իմ պապի, այլ նաեւ իմ նկատմամբ, բայց վիճակն այժմ շատ է բարդացել, լուրեր են շրջանառում, թե Հրանտ Գրիգորյանն ինձ 250 հազար դոլար փող է տվել, որ ես հորս գործով թեման փակեմ ու երբ ես մարդկանց հետ խոսում եմ, նրանք արդեն կասկածանքով են վերաբերվում, ես հարցնում եմ՝ դուք իրո՞ք մտածում եք, որ ես այդ քայլին կգնայի»:

Պողոսյանը կոնկրետ անուն չի տալիս, ասում է՝ ոչ մեկը չեկավ ու չասաց, որ իրեն Հրանտ Գրիգորյանն է ուղարկել, բայց նշում է՝ ինքն Էջմիածնում ուրիշ ոչ մեկի հետ ոչ մի խնդիր չունի. «Իմ հորը ողջ Էջմիածինը սիրել, հարգել է, ու այս պայքարի ընթացքում էլ ողջ քաղաքն իմ կողքին է եղել, այսինքն՝ էլ ո՞վ պիտի լիներ այդ արտահայտությունով ու այդ «բեսպրիդելով», դա նրանց ձեռագիրն է, ժամանակները փոխվել են, բայց իրենք շարժվում են հին մեթոդներով, այսինքն՝ եթե առաջ Հրանտ կամ Զարզանդ Գրիգորյանները զենքը կպահեին գլխիս, այսօր նրանք ընդամենը մարդ են ուղարկում»: Պողոսյանի խոսքով՝ իրեն ոչ թե ուզել են սպանել, այլ դաս տալ. «Եթե ուզենային սպանել, կգային ու դանակով կհարվածեին, բայց չարեցին, այսինքն՝ ընդամենն ուզում էին դաս տալ՝ չհասկանալով, որ այդ դասերն ինձ համար ոչ մի բան են, ինչքան վատություն որ կա, նրանք արդեն արել են իմ ընտանիքին, հիմա ես եմ անում, բայց ի տարբերություն նրանց՝ ես ինչ անում եմ, անում եմ իրավական դաշտում»:

Հարցին՝ եթե այժմ իրավապահ մարմինները գործին ընթացք տան, ինքը պատրա՞ստ է վերադառնալ Հայաստան եւ մասնակցություն ունենալ այդ գործին, Պողոսյանը դրական պատասխանեց. «Իհարկե, ես անցած տարի 27 անգամ նստել եմ ինքնաթիռ ու եկել նիստերին, ավելին ասեմ՝ ես հենց գալիս եմ, իրենք իմանում են, 30-40 հոգով գալիս են դատարան, լինում է նաեւ, որ նիստը հետաձգվում է, բայց չէ՞ որ իմ ամեն գալը գումարի, ընտանիքի հետ կապված խնդիր է, վերջին անգամ, երբ ես ոչ մեկի չասացի, որ գալիս եմ, եւ անմիջապես դատարան եկա, Հրանտ Գրիգորյանը մեն-մենակ էր, իր փաստաբանի հետ, ինձ տեսնելով՝ սկսեց հետ-հետ գնալ, թաքնվել»:

Էդուարդ Պողոսյանը շեշտեց՝ ողջ Էջմիածինը գիտի, թե իր հոր սպանությունն ինչպես է եղել. «Ողջ քաղաքը գիտի, թե Մանվել Գրիգորյանն ում է տեսել, ոնց է հավաքել բոլոր ականատեսներին, սպառնացել, որ ցուցմունք չտան, իսկ հիմա՝ թավշյա հեղափոխությունից հետո, ես եկել, բարձրացնում եմ այս հարցը, տեսնում եմ, որ էլի կա մի ուժ, էլի ուզում են ուժով գործել, հորս սպանեցին, էլ ի՞նչ պիտի անեն, ի՞նձ սպանեն, թող սպանեն, էլ ի՞նչ ասեմ»:  Դատարանից Պողոսյանն առանձնապես ակնկալիքներ չունի. «Երկրում հիմա վիճակն այնպիսին է, որ մի տեղ հեղափոխություն է, մյուս տեղում դրա հետքն անգամ չկա, օրինակ՝ Էջմիածնին որ նայես, միայն Մանվել Գրիգորյանը չկա, բայց նրա մարդիկ իրենց նույն ձեւ են պահում, այսինքն՝ հեղափոխությունը կետային է տարածվել, եւ մեր պես մարդիկ կանգնած են, որ հեղափոխությունը հենց նման դեպքերով առաջ տանեն, որ ասեն՝ եղածը վերանայեն, բայց նման դեպքերում մենք որեւէ արձագանք չենք տեսնում, եւ եթե այս էր հեղափոխությունը, շատ ներողություն, դուռը կփակեմ, դուրս կգամ»: Էդուարդ Պողոսյանը պնդեց, որ անելու է ամեն ինչ, որ իր հոր գործով մեկ տարի ազատազրկման դատապարտված Հրանտ Գրիգորյանն օրենքի սահմաններում արժանի պատիժ ստանա:

Տպել
7578 դիտում

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին