Իսրայելում տեղի ունեցան հերթական արտահերթ ընտրությունները. ճգնաժամը շարունակվում է

Մարտի 2-ին Իսրայելում տեղի ունեցան հերթական արտահերթ ընտրությունները: Վերջին 11 ամիսների ընթացքում դա արդեն երրորդ խորհրդարանական ընտրությունն էին: Ընտրություններին մասնակցեց ընտրելու իրավունք ունեցողների 71 տոկոսը, ինչն ավելի է նախորդ տարվա ընթացքում կայացած երկու ընտրությունների ցուցանիշներից: Ընդհանուր առմամբ ընտրություններին մասնակցեց 29 կուսակցություն, սակայն առաջատարներն էին վարչապետ Բենիամին Նեթանյահուի գլխավորած «Լիկուդն» ու նրա հիմնական հակառակորդ Բեննի Գանցի «Կահոլ-Լավանը»:

Ընտրատեղամասերը փակվելուց հետո Նեթանյահուն հանդես եկավ հաղթական ճառով, շնորհավորեց գործընկերներին եւ խոստացավ լինել բոլոր իսրայելցիների վարչապետը՝ անկախ քաղաքական հայացքներից եւ ազգությունից: Նա, թերեւս, շտապեց. այս ընտրությունները, համենայն դեպս նախնական արդյունքներով, որեւէ պարզություն չեն մտցնում Իսրայելում ավելի քան մեկ տարի շարունակվող քաղաքական ճգնաժամի հանգուցալուծման առումով: Ձախ կենտրոնամետ ուժերը՝ «Կահոլ-Լավանն» ու «Մերեցը» պարտվել են՝ ստանալով քվեների 32 տոկոսը, ինչի արդյունքում նրանց բաժին է հասնելու 39 պատգամավորական մանդատ: Սակայն հաղթանակ չեն տարել նաեւ աջակողմյան ուժերը՝ «Լիկուդի» գլխավորությամբ. նրանք ստացել են ձայների 48 տոկոսը կամ 59 մանդատ: 15 մանդատ կստանա «Միավորված արաբական ցուցակը», եւս 7-ը՝ պաշտպանության նախկին նախարար Ավիգդոր Լիբերմանի «Մեր տուն՝ Իսրայել» կուսակցությունը: Այսպիսով հերթական՝ վերջին մեկ տարվա ընթացքում արդեն երրորդ անգամ ուժերից ոչ մեկին չի հաջողվում ընտրությունների արդյունքներով ապահովել կառավարական կոալիցիա կազմելու համար անհրաժեշտ 61 մանդատը:

Քաղաքական ճգնաժամը Իսրայելում սկիզբ էր առել դեռեւս 2018թ. նոյեմբերին, երբ պաշտպանության նախարար Ավիգդոր Լիբերմանը հրաժարական ներկայացրեց, իսկ նրա նրա «Իսրայել՝ մեր տուն» կուսակցությունը լքեց իշխող կոալիցիան: Դրանից հետո կոալիցիայի ներկայացվածությունը Կնեսետում հասավ 61 պատգամավորի, ինչը վտանգավոր էր կայունության տեսանկյունից: Իրավիճակը շտկելու եւ աջակողմյան ուժերի դիրքերը Կնեսետում բարելավելու նպատակով դեկտեմբերին խորհրդարանը ինքնարձակման մասին որոշում կայացրեց, իսկ 2019թ. ապրիլին անցկացվեցին արտահերթ ընտրություններ: Գործնականում հենց այդ ընտրությունների պատճառով էլ քաղաքական ճգնաժամը մտավ ակտիվ փուլ եւ շարունակվում է մինչ օրս: «Լիկուդն» իր գործընկեր կուսակցությունների հետ ստացավ 56 մանդատ եւ չկարողացավ կառավարություն ձեւավորել: Սեպտեմբերին տեղի ունեցած արտահերթ ընտրությունների արդյունքում աջակողմյան ուժերը զրկվեցին եւս մեկ ձայնից եւ ստացան 55 մանդատ, իսկ «Լիկուդը» զիջեց առաջին հորիզոնականը «Կահոլ-Լավանին»: Քաղաքական ուժերի միջեւ մինչեւ նախորդ տարվա վերջ տեւած խորհրդակցությունները արդյունք չտվեցին, եւ նշանակվեցին երրորդ ընտրությունները:

Այս ընտրություններում, ինչպես եւ նախորդ երկու դեպքերում, ի հայտ են գալիս կուսակցությունների տարաձայնությունները եւ կոշտ դիրքորոշումները, որոնք զրոյացնում են խմբակցությունների մակարդակով կոալիցիա ստեղծելու հավանականությունը: Պատային իրավիճակն ընդգծում են մասնավորապես հետեւյալ դիրքորոշումները. «Լիկուդը» եւ «Մեր տուն՝ Իսրայել» կուսակցությունը բացառում են համագործակցությունը արաբական ուժերի հետ, իսկ միայն ձախ ուժերի եւ արաբների միավորման պարագայում մանդատների թիվը բավարար չէ կոալիցիա կազմելու համար: Բացի դրանից՝ Լիբերմանը նշել է, որ կոալիցիա չի կազմի կրոնական աջ ուժերի հետ, իսկ «Լիկուդի» հետ կհամագործակցի միայն այն պարագայում, եթե Նեթանյահուն վարչապետ չլինի: Նեթանյահուի համար այդ պահանջներն անընդունելի են: Իրավիճակը բարդանում է նաեւ այն պատճառով, որ երկու շաբաթից կայանալու է Նեթանյահուի գործով առաջին դատական նիստը. Իսրայելի վարչապետին մեղադրում են կոռուպցիայի եւ պաշտոնեական դիրքի չարաշահման համար:

Այս եւ նախորդ արտահերթ ընտրությունների արդյունքում ձեւավորված իրավիճակների տարբերությունն այն է, որ թեեւ այս ընտրությունների արդյունքով եւս Նեթանյահուն եւ կողմնակիցները չեն ստացել անհրաժեշտ 61 մանդատը՝ այս անգամ կոալիցիա կազմելու համար բավարար է որեւէ այլ խմբակցության 2 պատգամավորների համոզել միանալ իրենց: «Լիկուդում» տրամադրված են հենց այս տարբերակով համալրել կոալիցիայի համար անհրաժեշտ 2 մանդատը: Կնեսետում իշխող խմբակցության ղեկավար Միկի Զոարը, առանց հստակ անուններ նշելու, հայտնել է, որ նման բանակցություններ խմբակցությունը վարել է դեռեւս մինչեւ ընտրությունները:

Մյուս կողմից, անգամ եթե «Լիկուդը» կարողանա իր կողմը քաշել «Կահոլ-Լավանի» կամ «Մեր տուն՝ Իսրայել» կուսակցության 2 պատգամավորի, եւ կառավարությանը հաջողվի խուսափել չորրորդ արտահերթ ընտրություններից՝ ճգնաժամը չի կարելի համարել հաղթահարված. 2018թ. դեկտեմբերին 20-րդ գումարման Կնեսետն արձակվեց հենց այն պատճառով, որ իշխող ուժին սատարող 61 պատգամավորը կայուն հիմք չէին կարող ապահովել կառավարության համար: Այլ կերպ ասած՝ Իսրայելը վերադառնում է այն կետին, որից սկսվել էր քաղաքական ճգնաժամը:

Տպել
17951 դիտում

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ