Բարսեղ Բեգլարյանի որդիները հրաժարվեցին դատարանում ցուցմունք տալ. հրապարակվեցին նրանց նախաքննական ցուցմունքները

Երեւանի ընդհանուր իրավասության դատարանում՝ դատավոր Դավիթ Հարությունյանի նախագահությամբ, այսօր շարունակվում է «Ֆլեշ» ընկերության սեփականատեր Բարսեղ Բեգլարյանի գործով դատական նիստը:

Դատարան են ներկայացել Բարսեղ Բեգլարյանի դատակոչված որդիները՝ Նարեկ եւ Հայկ Բեգլարյանները, որոնք այս գործով ունեն վկայի կարգավիճակ:

Պարզաբանելով վկաների իրավունքներն ու պարտականությունները՝ նախագահող դատավոր Դավիթ Հարությունյանը տեղեկացրեց, որ որպես մերձավոր ազգական որդին իրավունք ունի գործով որեւէ ցուցմունք չտալ: Ըստ այդմ՝ Նարեկ Բեգլարյանն ասաց, որ հրաժարվում է ցուցմունք տալ՝ օգտվելով օրենքով իրեն վերապահված այդ իրավունքից: Միաժամանակ նա հայտարարեց. «Ինչ կա, նախաքննական ցուցմունքում ասել եմ, դա հավաստի է, թաքցնելու բան չունեմ»: Նարեկ Բեգլարյանի խոսքով՝ դեպքի օրը, ըստ էության, ոչինչ տեղի չի ունեցել:

Քանի որ վկան հրաժարվեց պատասխանել դատավարության մասնակիցների հարցերին եւ պնդեց, որ իր նախաքննական ցուցմունքը հավաստի է, մեղադրող դատախազ Աբգար Առաքելյանը միջնորդեց հրապարակել նրա նախաքննական ցուցմունքը: Պաշտպանական կողմն առարկություն չներկայացրեց, եւ դատավորը բավարարեց միջնորդությունը:

Իր այդ ցուցմունքում Նարեկ Բեգլարյանը նշել է, որ Սուրեն Մխիթարյանը հանդիսացել է իր աշխատակիցը, զբաղեցրել է «Ֆլեշ Մոտորս» ընկերության գլխավոր տնօրենի, իսկ գործով տուժող Արման Մկրտումյանը՝ կոմերցիոն տնօրենի պաշտոնը. «Մխիթարյանին ճանաչել եմ հորս՝ Բարսեղ Բեգլարյանի միջոցով, իսկ Մկրտումյանին՝ Մխիթարյանի միջոցով: Վերջինիս հետ ունեցել եմ զուտ աշխատանքային հարաբերություններ: Որքանով հիշում եմ, 2015-16 թթ. հարկային մարմինների ահազանգի հիման վրա հարկային պարտավորությունները չկատարելու հիման վրա մեծ չափերի պարտքեր են գոյացել, եւ այդ ահազանգի հիման վրա սկսվել են քննարկումներ՝ պարզելու ինչպես չարաշահումներ արած անձանց շրջանակը, այնպես էլ դրանց առաջացման մեխանիզմը եւ չափը: Այդ նպատակով 2016 թ. մարտի 28-ին մոտս կոնֆերանս է տեղի ունեցել, որին մասնակցել ենք ես, Մխիթարյանը, Մկրտումյանը, որոշ ժամանակ անց մեզ են միացել հայրս, եղբայրս, ընկերության տնօրեն Խաչատրյանը, փոխտնօրեն Սիմոնյանը, Մարտիրոսյանը, ինչպես նաեւ՝ Հրայր Հովսեփյանը: Նշեմ, որ վերջինս քննարկմանը եկել է վերջում»:

Ըստ Նարեկ Բեգլարյանի՝ Հովսեփյանը Մկրտումյանի եւ առհասարակ որեւէ անձի նկատմամբ սպառնալիքներ չի հնչեցրել, բռնություն չի գործադրել եւ չի պահանջել Մկրտումյանից բնակարանն անվանափոխել կամ գրավադրել. «Հովսեփյանը եւ Մկրտումյանը սենյակից միասին դուրս չեն եկել, քննարկման ժամանակ միմյանց հետ չեն շփվել, Հովսեփյանը եկել է ներկաներից ամենաուշը՝ վերջում, մոտ 20-30 րոպե հետո առանց որեւէ մեկին հաջողություն մաղթելու հեռացել է սրահից»: Վկան նաեւ նշել է, որ Մկրտումյանի կողից ընկերության հաշվին որեւէ գումար չի մուտքագրվել:

Քննիչը նշել է, որ նախաքննությամբ ձեռք են բերվել տվյալներ այն մասին, որ քննարկման ժամանակ Հովսեփյանն ատրճանակով սպառնացել է Մկրտումյանին: Նարեկ Բեգլարյանը հերքել է, թե կոնֆերանս սրահում նման բան է տեղի ունեցել եւ ասել, որ դա չի համապատասխանում իրականությանը. «Կոնֆերանս սրահ մտնելիս ես Հովսեփյանի մոտ ատրճանակ չեմ տեսել, եւ բացի այդ, որեւէ սպառնալիք նրա կողմից չի հնչել, նա քննարկմանն ընդհանրապես չի մասնակցել»: Բեգլարյանը միաժամանակ նշել է՝ տեղյակ է, որ Հրայր Հովսեփյանն ունի անվանական զենք: Վկայի նախաքննական ցուցմունքի վերաբերյալ կողմերը հայտարարություն չարեցին, եւ դատարանն անցավ Բարսեղ Բեգլարյանի մյուս որդու՝ Հայկ Բեգլարյանի հարցաքննությանը:

Հայկ Բեգլարյանը եւս հրաժարվեց դատարանում հարցաքննվելուց՝ ասելով, որ կարող են հիմք ընդունել իր նախաքննական ցուցմունքը: Մեղադրող դատախազը դարձյալ միջնորդեց հրապարակել վկայի նախաքննական ցուցմունքը, եւ միջնորդությունը բավարարվեց:

Նախագահող դատավոր Դավիթ Հարությունյանն ընթերցեց, որ նախաքննության փուլում ցուցմունք տալիս Հայկ Բեգլարյանը նշել է, որ ճանաչում է «Ֆլեշ Մոտորս» ընկերության նախկին կոմերցիոն տնօրեն Մկրտումյանին, քանի որ դրա սեփականատերն իր եղբայրն է, ասել է, որ ժամանակ առ ժամանակ գնացել է աշխատավայր՝ թե՛ գործնական նպատակներով, թե՛ իր եղբորը տեսնելու, եւ այդ ժամանակ է նախկին գլխավոր տնօրեն Սուրեն Մխիթարյանն իրեն ծանոթացրել Մկրտումյանի հետ. «Նրա հետ որեւէ հարաբերություն չեմ ունեցել, տեսնելիս բարեւել ենք իրար: Նրա նկատմամբ ինքնիրավչություն կատարելու վերաբերյալ ինձ ոչինչ հայտնի չէ, քանի որ նման բան տեղի չի ունեցել»: Անդրադառնալով ընկերությունում կատարված յուրացումներին՝ վկան նշել է,. «Դրանց տեղյակ է այնքանով, որքանով Սուրեն Մխիթարյանի, Արման Մկրտումյանի եւ հիշյալ անձանց աշխատակիցների կողմից են կատարվել»: Պատասխանելով կոնֆերանս սրահում տեղի ունեցած քննարկման վերաբերյալ քննիչի հարցին՝ վկան ասել է. «Քննարկման նպատակը եղել է պարզելը ընկերությանը պատճառած վնասների չափը, հիմքերն ու հետեւանքները»: Նախաքննությամբ ձեռք բերված այն տվյալները, թե Հրայր Հովսեփյանը սպառնալիքներ է հնչեցրել Արման Մկրտումյանի նկատմամբ, ըստ Հայկ Բեգլարյանի, իրականությանը չեն համապատասխանում. «Նա այդ հանդիպմանը եկել է պատահական, այն էլ ուշացումով եւ որեւէ մասնակցություն չի ունեցել, սպառնալիքներ չեն հնչեցվել, բռնություն չի կիրառվել»: Հայկ Բեգլարյանը եւս նշեց, որ Հրայր Հովսեփյանը մոտ 30 րոպե հետո առանց հաջողություն ասելու հեռացել է սրահից:

Ցուցմունքի հրապարակումից հետո վկան եւս մեկ անգամ շեշտեց, որ այդ օրվա խորհրդակցության ընթացքում ոչ մի սպառնալիք, ոչ մի բռնի ուժ չի եղել: Նա հրաժարվեց պատասխանել դատախազի հարցերին՝ ասելով՝ իմաստ չունի: Այդպիսով, վկայի հարցաքննությունը ավարտվեց:

Հիշեցնենք՝ Բարսեղ Բեգլարյանին եւ Հրայր Հովսեփյանին մեղադրանք է առաջադրվել այն բանի համար, որ նրանք, 2016 թ. մարտ-ապրիլ ամիսների ընթացքում Արման Մկրտումյանի նկատմամբ բռնություն գործադրելով, ինչպես նաեւ կյանքի եւ առողջության համար վտանգավոր բռնություն գործադրելու սպառնալիքներով, կատարել են ինքնիրավչություն՝ վերջինիս օրինական շահերին պատճառելով էական վնաս: Փաստական տվյալների համաձայն՝ Նարեկ Բեգլարյանին պատկանող «Ֆլեշ Մոտորս» ՍՊ ընկերությունից 2015 թ. ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ Մոտորս» ՍՊ ընկերության նախկին կոմերցիոն տնօրենին եւ պահանջել վերականգնել ենթադրաբար պատճառված գույքային վնասը: Նախկին կոմերցիոն տնօրենը՝ Արման Մկրտումյանը, այս գործով ճանաչվել է տուժող:

Տպել
864 դիտում

ՀՀ տարածքում կան փակ ավտոճանապարհներ․ Սիսիան-«Զանգեր» կոչվող հատվածում կան կուտակված ավտոմեքենաներ

Սարի թաղում ավտոմեքենա է կողաշրջվել

Մեկնարկել են տնօրենի հավաստագրման քննությունները. դիմել է 505 հավակնորդ

Վերին Պտղնի համայնքում ավարտին են մոտեցել համայնքային մանկապարտեզի կառուցման աշխատանքները

Լարսը փակ է. ռուսական կողմում 730 բեռնատար է կուտակվել

Ինչ ծրագրեր կան Երեւանի ամենահին թաղամասերից մեկի՝ Կոնդի հետ կապված․ փոխվարչապետի եւ քաղշինկոմի նախաձեռնությունը

Փրկարարները Ձորագլխի մոտակա սարից 3 մարդու են իջեցրել. 17-ամյա քաղաքացու վիճակը գնահատվում է ծանր

Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Անբարեխիղճ արցախցիները չեն օգտվի կոմունալ ծառայությունների փոխհատուցման աջակցության միջոցառումից

Առաջարկում եմ պարոն Անանյանին հեռացնել իր էջից ստատուսը․ Սերգեյ Բագրատյանն էլ Դավիթ Անանյանի գրառմանն է անդրադարձել

Գյումրիում ցրտահարությունից 70-ամյա կին է մահացել

Մեսրոպ Առաքելյանը ԵՄ դեսպան Անդրեա Վիկտորինի հետ քննարկել է իրականացվող ծրագրերն ու դրանց ընթացքը

Ահա թե ինչ է լինում, երբ... Բագրատյանի հանձնաժողովը խիստ քննադատվեց, նա մեղքը գցեց Անանյանի վրա, Անանյանն էլ, թե՝ սուտ է

Արցախի խորհրդարանի 2021 թվականի ծախսը 2020թ-ի համեմատ աճել է 25 մլն 871 հազ դրամով

Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին

Կրեմլը մեկնաբանել է Նավալնիի հետ կապված իրավիճակը

2021 թվականին սպասվող կարևոր սպորտային իրադարձությունները

ՀՀ պաշտպանության նախարարն ընդունել է ԵԿՄ վարչության անդամներին

Սեպտեմբերից սկսած Սահմանադրական դատարանի դատավորները որևէ տեսակի պարգևավճար չեն ստացել․ ՍԴ խոսնակ

Աբովյան քաղաքի ավտոճանապարհները դժվարանցանելի են․ Հանրապետության մեծ մասում ձյուն է տեղում

Վիգեն Ստեփանյանի հուղարկավորման տեղի համար Կառավարության միջամտությանն են դիմել

Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ

Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու

Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները

Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին

Հայտնաբերվել է տոպրակ` առանձնապես խոշոր չափի թմրանյութով (տեսանյութ)

Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը

4-րդ զորամիավորումում ամփոփվել է 2020 թ. ուսումնական տարին (լուսանկարներ)

Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր

Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան

Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան

Վարդենյաց լեռնանցքը փակ է, ՀՀ 9 մարզում ձյուն է տեղում

Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է

Դուք դավաճանների աջակիցն եք. Խաչատուրովը՝ դատավորին

Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)

Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս

«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ

Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)

Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ