Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Երեւանի Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի երգչախմբի արտիստները տարեսկզբին մեկ օրում երկու նկատողություն են ստացել: Պատճառը դեկտեմբերի տոնական գալահամերգին չմասնակցելն ու փորձին չներկայանալն է եղել:

Համերգից բացակայելը արտիստները բացատրում են Օպերային թատրոնի տնօրինության՝ տարիների ընթացքում չվճարված ֆինանսական պարտավորություններով ու անիրական մնացած խոստումներով:

Դեռ նախորդ տարվանից Օպերային թատրոնի տարբեր կոլեկտիվներ լարված փոխհարաբերություններ ունեն տնօրինության հետ: Իսկ շուրջ 75 հոգուց բաղկացած երգչախումբն առավել լարվել է այն բանից հետո, երբ թատրոնի տնօրեն ու գեղարվեստական ղեկավար Կոնստանտին Օրբելյանը 2 տարի անընդմեջ ձգձգելով՝ չի վճարել խոստացած հոնորարները:

Այս մասին այսօր հայտարարեցին երգչախմբի ներկայացուցիչները, որոնք իրենց բողոքի ձայնը բարձրացնելու համար ասուլիս էին հրավիրել: Ասուլիսին մասնակցող մոտ 40 հոգին ներկայացրեցին իրենց հուզող խնդիրները՝ նշելով, որ ստիպված են եղել այս քայլին դիմել, քանի որ բազմիցս բարձրացրել են հարցեր, որոնք անտեսվել են: Նրանց վստահեցմամբ՝ քննարկումներն այնքան անարդյունավետ են եղել, որ ղեկավար կազմը կեսից թողել-հեռացել է:

Այս ամենը սկսվել է դեռեւս 2018 թ-ին, երբ ԱՄԷ-ի Դուբայ քաղաքում տեղի ունեցած հյուրախաղերից առաջ եկել են փոխհամաձայնության, որ հասանելիք օրապահիկի գումարը քիչ է եւ երգչախմբի արտիստները համաձայն չեն այդ գումարով մասնակցել հյուրախաղերին: Օրբելյանը բանավոր խոստացել է, որ բացի օրապահիկից, տարվա վերջում կվճարվեն նաեւ հավելավճարներ: Բայց երբ արտիստներն ավելի ուշ մոտեցել են ու գումարի մասին խոսել, Օրբելյանը ասել է, թե չի խոստացել, այլ ասել է՝ եթե լինի, կտա: «Մենք չստացանք ոչ մի շնորհակալագիր, փոխարենը երբ պահանջեցինք մեր գումարները ու ի նշան բողոքի համերգին չմասնակցեցինք, ստացանք երկու նկատողություն»,-նկատեցին արտիստները: Նրանք նշում էին, որ 2019 թվականին 6 պրեմիերա են ունեցել, բայց ոչ մի գնահատանքի չեն արժանացել:

Բացի այս, արտիստները նշում էին, որ թատրոնն ունի բազմաթիվ այլ խնդիրներ՝ սկսած տարրական հիգիենայի ու անհրաժեշտ այլ պարագաների բացակայությունից: Նրանք մատնացույց են անում աշխատանքային պայմանագրի համապատասխան դրույթները, ըստ որոնց, գործատուն պարտավոր է ժամանակին ապահովել աշխատողին անհրաժեշտ բեմական եւ համերգային մաքուր զգեստներով:

Նշեցին, որ գրիմի պարագաներ կանանց ընդհանրապես չի տրվում, իսկ տղամարդկանց՝ անորակ եւ հակահիգիենիկ վիճակում: Ոչ մի աքսեսուար չի տրամադրվում, բոլոր անհրաժեշտ աքսեսուարները արտիստներն օգտագործում են իրենց անձնականը: Իսկ տրամադրված մյուս հագուստները հակահիգիենիկ եւ հակասանիտարական, վատ վիճակում են, կոշիկները՝ նույնպես: Տղամարդկանց մի մասը չունեն նաեւ համերգային հագուստ:

«Մեզ տալիս են շորեր, որոնցից հոտ է գալիս, այսինքն մի քանի մարդ նույն շորերն է հագնում ու դա չի մաքրվում, համերգներին մենք կրում ենք պապական եկած շորեր ու կոիշկներ եւ շատ հաճախ՝ կեղտոտ վիճակում: Երբ հարցը բարձրացրինք, պարոն Օրբելյանը չմոտեցավ, չցանկացավ մեզ հետ քննարկել, խնդրեց, որ գրենք զեկուցագիր եւ ներկայացնենք իրեն: Ի պատասխան՝ օրեր առաջ տնօրինությունը մեզ ներկայացրեց արտահերթ որակավորման քննություն անցկացնելու հրաման»,-նշեց երգչախմբի արտիստ Աբգար Սարգսյանը:

Վերջինս նաեւ նշեց, որ երգչախմբի արտիստների մեծամասնությունը՝ շուրջ 54 հոգի, համաձայն չեն աշխատել խմբավար Հրաչ Բորյանի եւ երգչախմբի գլխավոր վարիչ Գեւորգ Մինասյանի հետ: Նրանք նշում են, որ չափազանց լարված է հարաբերություններն այս մարդկանց հետ, հատկապես Բորյանի: «Բորյանը երգչխամբի անդամ էր, պաշտոնը բարձրացրեցին եւ նրա հետ խոսել, շփվել այլեւս հնարավոր չի լինում: Անընդհատ սպառնալիքներ ու մունաթ վիճակներ են, այդ մթնոլորտում աշխատել չի լինում: Հիմա էլ բերել ինչ-որ տեսախցիկներ են դրել, որ մեզ հսկեն: Մոռանում են, որ մենք արտիստներ ենք, օֆիսի աշխատողներ չենք»,- նշեցին նրանք:



Երգչախմբի անդամները հունվարի 8-ին են ստացել երկու նկատողությունները, որից անմիջապես հետո դիմել են ԿԳՄՍ փոխնախարար Արա Խզմալյանին: Խզմալյանի հետ հանդիպելուց հետո միայն մի փոփոխություն է եղել՝ «Անուշ» օպերայի շորերը տարել են լվանալու: Ասուլիսի մասնակիցները հայտնեցին, որ Խզմալյանը տնօրինության հետ խոսել է առաջ քաշված խնդիրների մասին, հորդորել կոլեկտիվի հետ կոմունիկացիայի մեջ լինել, բանակցություններով վերացնել լարվածությունը, սակայն ապարդյուն:

«Օրբելյանը չուզեց լսել մեզ, գրավոր զեկուցագիր պահանջեց, ապա որոշեց, որ թատրոնում պետք է անցկացվի արտահերթ ատեստացիա: Դրանով ստիպում մեզ խելոք մնալ ու խնդիրների մասին չխոսել, որովհետեւ երրորդ նկատողությունից հետո մենք ուղղակի դուրս կթռնենք»,- ասացին նրանք:

Վստահեցրին, որ երբ հերթական ատեստացիայ ժամանակը գա, բոլորն էլ կերգեն ու կնվագեն, իսկ այս լարված մթնոլորտում հնարավոր չէ դա իրականացնել, սա, ըստ նրանց, շատ պայթյունավտանգ է թատրոնի համար:

«Երբ Օրբելյանին տնօրենի պաշտոնում վերականգնելու համար Կառավարության շենքի դիմաց էինք, թրջվում էինք, մեզ ոչ ոք նկատողություն չտվեց, իսկ երբ մեր ներքին խնդիրը լուծելու համար ստիպված համերգին չենք երգել՝ նկատողություն տվեցին: Նաեւ չեմ զլանա ասել, որ թատրոնում բազմաթիվ անգործության մատնված մարդիկ կան, որոնք ապրում են այս արտիստների աշխատանքի հաշվին»,- ասաց Արամ Աբգարյանը:

Բողոքոի ելած արտիստները փետրվարի 28-ի ասուլիսին հրավիրել էին նաեւ տնօրինությանը, սակայն նրանցից ոչ ոք ներկա չէր: «Հայկական ժամանակը» կապ հաստատեց թատրոնի փոխտնօրեն Կարինե Կիրակոսյանի հետ, որն էլ հայտնեց, որ ասուլիսի ու բողոքների մասին նոր է տեղեկացել ու դեռ ոչինչ չի կարող պատասխանել: Հորդորեց գրավոր հարցում ուղարկել:

Խմբավար Հրաչ Բորյանը եւս վստահեցրեց, որ մի քանի օրով արձակուրդի մեջ է ու տեղյակ չի եղել, թե ինչ է կատարվել: Անդրադառնալով բողոքներին ու նշյալ լարվածությանը՝ Բորյանն ասաց. «Ընդհակառակը, ես ձգտում եմ համերաշխություն մտցնել, նույնիսկ տեսախցկները նրա համար ենք տեղադրել, որ ապացուցենք, թե ինչ մթնոլորտում է անցնում աշխատանքային պրոցեսը: Իրենք փոխնախարարին բողոքել էին, դրա համար էլ որոշեցինք այդ տեսանկարահանող սարքերը տեղադրել: Նշված 6 պրեմիերաներն էլ, որ ասում են, դրանք առաջին հերթին ես ինձ վրա եմ վերցնում, քանի որ մյուս խմբավարների ժամանակ նման արդյունք երբեւէ չի գրանցվել»,- ասաց նա:

Անդրադառնալով արտիստների մատնանշած լարվածությանն եւ կոպիտ, բարձր տոնով խոսելուն՝ Բորյանը նկատեց՝ դիրիժորները եւ ռեժիսորները չեն կարող քնած վիճակում փորձեր անցկացնել, քանի որ դա աշխատանքային պրոցես է, պարապելու ընթացքում լիովին տրվում են աշխատանքին. «Գուցե ոգեշնչված, ուղղակի էմոցիայի տակ մի բան էլ բարձր ասեմ, բայց դա արվեստագետի էմոցիա է, կարիք չկա նման կերպ արձագանքելու»:

Բորյանի վստահեցմամբ՝ այս բողոքներն անձնավորված են: Նրա խոսքով՝ երգչախմբում որոշ մարդիկ պաշտոն ստանալու ակնկալիքներ ունեն, մասնավորապես Աբգար Սարգսյանը: «Աբգարը դեռ այն ժամանակ ուզում էր երգչախմբի վարիչ դառնալ, նույնիսկ առաջարկում էր խմբավարի պաշտոնը վերացնել: Սա խոսում է նրա մասին, որ երգչախումբն ուզում է կառավարող չունենալ, բայց աշխարհում նման բան գոյություն չունի: Երգչախմբին էլ հրահրում են մի քանի հոգով ու իրենց կողմն են հավաքել»,- ասաց խմբավարը: Նա նաեւ նշեց, որ արտիստների բարձրաձայնած խնդիրները տարիներ շարունակ եղել են, իսկ Օրբելյանը ուժերի ներածին չափով միշտ էլ փորձել է դրանք լուծել: Ավելին երգչախմբի բողոքները սկզբից ամենեւին էլ իրեն ուղղված չեն եղել, սակայն աստիճանաբար ուղղությունը թեքեցին դեպի իր կողմը:

Մեր դիտարկմանը, թե կոլեկտիվները խուճապի են մատնվել ժամկետից շուտ վերաորակավորման պահանջից, խմբի ղեկավարը ասաց. «Ատեստացիան պիտի անցկացվի, տարեթվով ժամկետն արդեն եկել է, մեկ-երկու ամիսը ի՞նչ կապ ունի, միեւնույնն է՝ պիտի անցկացվի»:

Երգչախմբի անդամները նաեւ բաց նամակով դիմել են ԿԳՄՍ նախարար Արայիկ Հարությունյանին: Նամակում նշել են վերը թվարկված խնդիրները, նախարարից ուշադրություն ու շուտափույթ լուծում են ակնկալում, այլապես խոստանում են գործադուլ անել:

Տպել
4480 դիտում

Դատախազությունը հետամուտ է լինելու երկրում իրավակարգի պահպանությանը. հայտարարություն

ՀՀ ոստիկանությունը բոլորին հորդորում է խստագույնս պահպանել հասարակական կարգը, ցուցաբերել զգոնություն և զսպվածություն

Մեր ընդդիմությանը ծափերով ենք ողջունում. Նիկոլ Փաշինյանի գլխավորած երթը շարունակվում է

Մայր Աթոռը անթույլատրելի և կործանարար է համարում իրավիճակի հետագա սրումը

«Ամենատարբեր լուրերն են տարածում, թե ինքնաթիռ ենք պատրաստել, պատրաստվում ենք փախչել. մենք էստեղ ենք». վարչապետ

ԱԺ «Իմ քայլը» խմբակցությունը սատարում է ՀՀ վարչապետին՝ կոչ անելով դուրս գալ հրապարակ. հայտարարություն

ՀՀ վարչապետը նախազգուշացնում է հեղաշրջման փորձի մասին, երբ բանակը պահանջում է իր հրաժարականը

«Հայաստանի ներսում մենք թշնամի չունենք». Նիկոլ Փաշինյանի գլխավորությամբ երթ է սկսվել

ԱԱԾ-ն հորդորում է զերծ մնալ ազգային անվտանգությանը սպառնացող գործողություններ իրագործելուց

Նիկոլ Փաշինյանի կոչից հետո քաղաքացիները հավաքվել են Կառավարության գլխավոր շենքի մոտ

Պաշտոնական Մոսկվան կոչ է անում բոլոր կողմերին հանդարտություն ցուցաբերել. Պեսկով

ԳՇ հայտարարությունն ակնհայտ քաղաքական ենթատեքստ ունի. Անդրանիկ Քոչարյան

Կրեմլը մեկնաբանել է Հայաստանում ստեղծված իրավիճակը

«Հայրենիքի փրկության շարժման» առաջնորդները շտապ հավաք են կազմակերպել Ազատության հրապարակում

Որևէ դեպքում չի կարելի ժողովրդին տանել բախումների, քանզի այն լի է մի շարք տեսանելի ու անտեսանելի վտանգներով. Ցոլակյան

Չի կարելի թույլ տալ լարվածության բերող որևէ զարգացում. Արման Թաթոյան

Պաշտպանության նախարարին հրահանգված է ապահովել զինված ուժերի բնականոն աշխատանքը. վարչապետ

Հարգելի շիրակցիներ, Գյումրու Վարդանանց հրապարակից շարժվում ենք դեպի Հանրապետության հրապարակ. պատգամավոր

ԲԴԽ-ն այսօր կքննի Ջհանգիրյանի լիազորությունները դադարեցնելու հարցով դիմած դատավորին պատասխանատվության ենթարկելու հարցը

Հանրապետության հրապարակում ելույթ կունենամ ժամը 16.00-ին. Նիկոլ Փաշինյան

Մի քանի գեներալների դուր չի գալիս, որ հասարակությունը կամ Կառավարությունը կարող են իրենց հարցեր ունենալ. վարչապետ

Ուզում ենք երեխան ծառայի, բայց Հայաստանում. զինծառայողների հարազատները բողոքի ակցիա են անում ՊՆ-ի դիմաց

Այս պահին բոլոր ընկերությունները ներկայանալի տեսք ունեն. նախարարը՝ Աբու Դաբիի ցուցահանդեսի մասին

Արցախի նախագահն իր միջնորդությունն է առաջարկում՝ Հայաստանում քաղաքական ճգնաժամը հաղթահարելու գործում

Երեկ ԶՈՒ ԳՇ պետ Օնիկ Գասպարյանին աշխատանքից ազատելու որոշում եմ կայացրել, դրան հետեւել է ԳՇ հայտարարությունը. վարչապետ

Կառավարությունը 2 մլրդ 161 մլն դրամ հատկացրեց 140 պարեկային ավտոմեքենա ձեռք բերելու համար

ԳՇ հայտարարությունը համարում եմ ռազմական հեղաշրջման փորձ. բոլորին հրավիրում եմ Հանրապետության հրապարակ. վարչապետ

Տրանսպորտային միջոցների նկատմամբ սեփականության իրավունքի պետական գրանցումը հնարավոր կլինի իրականացնել նաեւ հեռավար

Որդեկորույս մայրերը կօգտվեն վերարտադրողական օժանդակ տեխնոլոգիաներով մատուցվող ծառայություններից. Ավանեսյան

ՊԵԿ-ը բացահայտել է ինտերնետային վճարովի ծառայություններից ստացված գումարների դիմաց հարկերը պակաս վճարելու դեպք

Երևանի տարբեր հատվածներում առավոտյան անհնազանդության ակցիաներ են եղել. բերման է ենթարկվել 2 ցուցարար

Եթե պարզվի, որ մեր պաշտոնյաները թերացել են, պատասխանատվության կկանչվեն. վարչապետը՝ Աբու Դաբիի ցուցահանդեսի մասին

Հայաստանը իսկապես մեծ գիտական ներուժ ունի. «Ֆիլիպ Մորիս Արմենիա»-ի ներկայացուցիչները հանդիպել են ԲՏԱ նախարարի հետ

Աշխատանքային խումբ կստեղծվի, որը կիրականացնի ԶՈՒ բարեփոխումների հայեցակարգի ձեւավորումը. վարչապետ

Հաստատվել է կորոնավիրուսային հիվանդության 282 նոր դեպք. գրանցվել է 4 մահ

Մեկնարկել է ՀՀ կառավարության հերթական նիստը. օրակարգում ներառված է 42 հարց

Ձնաբքի պատճառով Լարսի ավտոճանապարհը կրկին փակ է բոլոր տեսակի մեքենաների համար

Սևանա լճի հանրային 3 լողափերում ջրափնյա հանգիստ կազմակերպելու և սպասարկման նպատակով կատարվում է հայտերի ընդունում

Չպայթած զենք-զինամթերքի վնասազերծման աշխատանքներ են նախատեսվում մի քանի համայնքներում

«Ստրանջայի » մրցաշարում 3 հայ բռնցքամարտիկ ապահովել է առնվազն բրոնզե մեդալ