ՀՀ մարմնամարզության այս տարվա առաջնությունը տարբերվում է նախորդներից. ՀՀ հավաքականի գլխավոր մարզիչ

Հայաստանի մարմնամարզության 2020թ. առաջնությունը մի քանի պատճառներով նախորդներից տարբեր է եղել: Այս մասին այսօր՝ փետրվարի 27-ին, լրագրողների հետ զրույցում ասաց ՀՀ հավաքականի գլխավոր մարզիչ Հակոբ Սերոբյանը: Ըստ մասնագետի՝ այս անգամ մրցակցությունն այնքան էլ սուր չէ եղել, ու դա 2 հիմնական պատճառ ունի:

«ՀՀ այս տարվա առաջնությունը տարբերվում էր մյուսներից: Ինչո՞վ: Մենք շատ վնասվածքներ ունեինք: Բացի այդ՝ մենք միշտ մասնակցում ենք Եվրոպայի առաջնությանը, եւ ՀՀ առաջնությունով որոշում ենք՝ ով պետք է մասնակցի: Այս տարի գարնանն էլի կա Եվրոպայի առաջնություն, բայց մենք չենք մասնակցում, որովհետեւ Բաքվում է: Առաջինը պատճառը դա է, որ մրցակցություն չկար, եւ ավելի լուրջ պատճառը վնասվածքներն են»,- ասաց նա:

Ուսի լուրջ վնասվածքի պատճառով առաջնությանը չի մասնակցել Համաշխարհային ուսանողական խաղերի կրկնակի հաղթող Արթուր Թովմասյանը (օղակներ), երիտասարդների Եվրոպայի փոխչեմպիոն, Համաշխարհային ուսանողական խաղերի հաղթող Արթուր Ավետիսյանն (օղակներ) ուսի վնասվածքով է մասնակցել: Մեջքի խնդիրներով է հանդես եկել Եվրոպայի փոխչեմպիոն Արթուր Դավթյանը (բազմամարտ): Վերջինս այս տարի պետք է ՀՀ-ն ներկայացնի ամառային 32-րդ օլիմպիական խաղերում, դեռ հայտնի չէ՝ ինչպես կընթանա բուժումը, սակայն դրանից է կախված, թե ինչ գործիքների վրա հանդես կգա խաղերում:

«Չեմ կարող ասել (խմբ. որ գործիքների վրա կմասնակցի), որովհետեւ մինչեւ չտեսնեմ՝ վնասվածքն ինչ է լինելու, չեմ կարող ասել: Հենացատկի հետ է շատ կապված: Մեջքի վնասվածքը նժույգթափերին չի խանգարում: Նժույգթափերն էլ է փորձելու օլիմպիական խաղերում, բայց հենացատկի հետ կապված չեմ կարող ասել, ու վնասվածքը հենց հենացատկերից է եղել»,- ասաց նա:

Հայաստանի այս տարվա առաջնությանը մասնակցել է 40 հոգի: Սերոբյան ուրախությամբ նշում է, որ եկող սերնդի մեջ տաղանդավոր երեխաներ կան ու մի 3 տարի հետո կերեւա, թե ով մարզիկ կդառնա Ընդգծում է, որ պատանիները մեծահասակների հետ հավասար մասնակցել են ՀՀ առաջնությանը, նույն խստությամբ են գնահատվել, ու կան պատանիներ, որոնք լավ արդյունքներ են ցույց տալիս: Մասնագետն օրինակ է բերում 13-ամյա Համլետ Մանուկյանին, որը կարողացել է բազմամարտում 3-րդ տեղը գրավել: Նա նաեւ առանձնացնում է Արթուր Ավետիսյանին: Նշում է, որ նրա համար մեծ ապագա է կանխատեսվում, եւ դա միայն իր կարծիքը չէ:

«Իմ կարծիքով՝ Ավետիսյանը մյուս օլիմպիական խաղերում շատ լուրջ հայտ կներկայացնի: Շատ լուրջ մրցակից է բոլորի համար: Փոքրերը չեն կարող մյուս օլիմպիական ցիկլում, բայց Ավետիսյան Արթուրը եթե այսպես գնա... միայն իմ կարծիքը չեմ ասում, ցույց եմ տվել բարձրակարգ մրցավարների: Մեծ հույսեր ունեմ նրա հետ կապված»,- ասաց նա:

Հայաստանի առաջնությունից հետո ՀՀ հավաքականն ուսումնամարզական հավաք է անցկացնելու Թբիլիսիում: Հետո 4 մարզիկներ մասնակցելու են Դոհայի աշխարհի գավաթի խաղարկությանը: Մինչեւ օլիմպիական խաղերը մարզիկները միջազգային մրցաշարերի են մասնակցելու նաեւ Բուլղարիայում, Սլովենիայում եւ Խորվաթիայում:

Հայաստանի առաջնությունը տեղի է ունեցել փետրվարի 26-27-ը Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցում: Արդյունքներն այսպիսին են.

Բազմամարտ

1.Արթուր Դավթյան

2.Գագիկ Խաչիկյան

3.Համլետ Մանուկյան

Պտտաձող

1.Արթուր Դավթյան

2.Էրիկ Բաղդասարյան

3.Գագիկ Խաչիկյան

Հենացատկ

1.Արթուր Դավթյան

2.Վիգեն Խաչատրյան

3.Համլետ Մանուկյան

Զուգափայտ

1.Արթուր Դավթյան

2.Էրիկ Բաղդասարյան

3.Ռոբերտ Գյուլումյան

Օղակներ

1.Վահագն Դավթյան

2.Արթուր Դավթյան

3.Գագիկ Խաչիկյան

Ազատ վարժություն

1.Նորայր Հովհաննիսյան

2.Ռոբերտ Գյուլումյան

3.Գագիկ Խաչիկյան

Նժույգթափեր

1.Հարություն Մերդինյան

2.Արթուր Դավթյան

3.Գագիկ Խաչիկյան

Տպել
552 դիտում

78-ի կոալիցիան. Իսրայելը դուրս է գալիս քաղաքական ճգնաժամից

Ապրիլի 10-ից քաղաքացիները կարող են դիմել առցանց եւ ստանալ նախատեսված սոցիալական աջակցությունները

ԱՀ ոստիկանությունը ստուգումներ է իրականացնում Քաշաթաղի շրջանի Մուշ համայնքում տեղի ունեցած միջադեպի վերաբերյալ

Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Տավուշում կարտոֆիլի բարձրորակ տնկանյութի բավարարման նպատակով մարզպետարանը հավաքագրել է անհրաժեշտ տեղեկությունները

«Գյումրի» ԲԿ բժիշկները մասնակցել են COVID-19-ի կանխարգելմանն ու բուժմանն ուղղված օնլայն դասընթացներին

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը

Երեկ գիշերը միջադեպ է տեղի ունեցել Քաշաթաղի շրջանի Մուշ համայնքում. գյուղապետին եւ այլ մասնակիցներին բերման են ենթարկել

Կայացել է ՈՒԵՖԱ-ի անդամ ասոցիացիաների գլխավոր քարտուղարների քննարկումը

Աշխարհը հումորի շատ հետաքրքիր զգացում ունի․ այսօր ապրիլի 1-ն է

Քննարկվել են կորոնավիրուսի հետևանքների չեզոքացմանն ուղղված միջոցառումների իրականացման ընթացքը և աջակցության նոր ծրագրերը

Շիրակի մարզպետարանի աշխատակիցները հրաժարվել են մարտի պարգևավճարից. 8 մլն դրամն այլ նպատակի կուղղվի

Վարչական վարույթի մասնակիցները հանձնաժողովի նիստերին առցանց մասնակցելու հնարավորություն ունեն. ՏՄՊՊՀ

Արմեն Սարգսյանը ուղերձ է հղել Արցախի Հանրապետությունում կայացած համապետական ընտրությունների առթիվ

Սահմանափակումների նոր ռեժիմ է մտնում նաև աշխատանքի վայր այցելող անձանց համար. կայացել է պարետատան նիստը

2-րդ զորամիավորումում անցկացվել է կրակային պատրաստության պարապմունք․ ՊՆ

ՖԻՖԱ-ն 2.74 միլիարդ դոլար պահուստային գումար ունի. օգնելու է ֆուտբոլի ֆեդերացիաներին. The New York Times