Թրամփը դատի է տվել New York Times-ին. պահանջում է տեղեկատվության հերքում եւ մի քանի մլն դոլար

ԱՄՆ-ի նախագահ Դոնալդ Թրամփի նախընտրական շտաբը դատի է տվել է New York Times թերթին՝ մեղադրելով պարբերականին զրպարտության եւ կեղծ տեղեկություններ հրապարակելու մեջ:

Դատի տալու համար հիմք է հանդիսացել պարբերականի հոդվածն այն մասին, որ 2016 թվականին հանրապետականների թեկնածուի շտաբը հնարավոր է՝ պայմանավորվածություններ է ձեռք բերել Կրեմլի հետ ու աջակցություն ստացել Կրեմլից քարոզարշավի ընթացքում:

Փետրվարի 26-ին Նյու-Յորքի Բարձրագույն դատարանին փոխանցված 8 էջից բաղկացած հայցադիմումի մեջ Թրամփի նախընտրական շտաբի ներկայացուցիչները մեղադրել են New York Times թերթին ԱՄՆ-ի նախագահի նկատմամբ ատելություն տարածելու մեջ:

Ըստ հայցի հեղինակների՝ 2016-ի նախընտրական քարոզարշավի ընթացքում Թրամփի նախընտրական շտաբները կարիք չունեին պաշտոնական համաձայնագրեր կնքել Կրեմլի հետ:

Թերթում հրապարակված հոդվածում նշվել է, որ Թրամփի շտաբը եւ ռուսական կողմը, պայմանավորվածության համաձայն, պետք է աշխատեին Հիլարի Քլինթոնի դեմ, ինչն էլ ամենայն հավանականությամբ արվել է:

Հոդվածը թերթում հայտնվել է հատուկ դատախազ Ռոբերտ Մյուլերի ներկայացրած զեկույցի հրապարակումից 3 շաբաթ առաջ: Վերջինս վերահսկում էր 2016 թվականի ընտրարշավում Ռուսաստանի միջամտության հետաքննությունը: Զեկույցը բաղկացած է 448 էջից, որում թվարկված է ավելի քան 100 կապ Թրամփի շտաբի եւ ռուսական ներկայացուցչության միջեւ պայմանավորվածությունների մասին: Այնուամենայնիվ, քննիչները չեն կարողացել հավաքել բավարար ապացույցներ հանրապետական թեկնածուի շտաբի եւ Կրեմլի գաղտնի պայմանավորվածությունների մասին:

Հայցադիմումի մեջ Թրամփի նախընտրական շտաբի ներկայացուցիչները պնդել են, որ New York Times թերթի խմբագիրները հոդվածը հրապարակելիս արդեն իսկ ծանոթ են եղել հատուկ դատախազ Մյուլլերի զեկույցի մանրամասներին:

«Որեւէ պայմանավորվածություն չի եղել, պայմանավորվածությունների մասին որեւէ տեղեկություն չի ապացուցվել, բայց թերթն ու հոդվածի հեղինակը՝ պարոն Ֆրանկելը, միտումնավոր անտեսել են այդ տեղեկատվությունը»,- ասված է հայցում:

Հոդվածին արձագանքել է Թրամփի շտաբի իրավաբանական խորհրդատու Ջեննա Էլիսը՝ հոդվածի հեղինակ Ֆրենկելի ներկայացրած տեղեկությունները որակելով սուտ եւ զրպարտություն:

Ինքը Դոնալդ Թրամփը, փետրվարի 26-ին պատասխանելով լրագրողների հարցերին, ընդգծել է, որ ամբողջությամբ տեղին է համարում դատական հայցը թերթի դեմ եւ հոդվածի հրապարակումը անվանել է «վատ արարք»:

New York Times թերթի ներկայացուցիչները հայտարարել են, որ մտադիր են պաշտպանել իրենց դիրքորոշումը դատարանում եւ հույս ունեն դատական գործընթացում հաղթանակ տանել: Ըստ ներկայացուցիչների՝ օրենքը պաշտպանում է ամերիկացիների իրավունքները՝ սեփական մտքերի եւ կարծիքների արտահայտման եւ հասարակական հետաքրքրություն ունեցող հարցերի շուրջ հրապարակումների մասին:

Հայցադիմումի մեջ չի հստակեցվում, թե կոնկրետ որքան գումար է գնահատվում նախագահին հասված բարոյական վնասը: Այդուհանդերձ, նախընտրական շտաբի ներկայացուցիչները հայտնել են, որ փոխհատուցման համար պահանջվող գումարը կարող է գերազանցել մի քանի միլիոն դոլարը:

Ջեննա Էլիսը հայտնել է, որ պարտության դեպքում թերթը նաեւ պարտավորվելու է վճարել Թրամփի փաստաբանական խմբի բոլոր ծառայությունների գումարը: Թրամփի փաստաբաններին, սակայն, դժվարին գործ է սպասվում, նրանք պետք է դատարանում լուրջ փաստեր ունենան եւ կարողանան իսկապես հերքել թերթի տեղեկությունները:

1964 թվականին ԱՄՆ-ի Գերագույն դատարանը խստորեն սահմանափակել է քաղաքական գործիչների եւ բարձրաստիճան պաշտոնյաների կողմից լրագրողներին զրպարտության մեջ մեղադրելու իրավունքները: Այդ որոշման համաձայն՝ դեռ նախքան դատական գործընթացի մեկնարկը հայցվորը պետք է համոզիչ փաստեր ներկայացնի դատարանին այն մասին, որ այս կամ այն հոդվածի հեղինակը նախապես իմացել է, որ իր հրապարակած տեղեկատվությունը սուտ է եւ նպատակ է ունեցել վարկաբեկել հոդվածում հիշատակված քաղաքական գործչին:

Տպել
387 դիտում

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան

Սերժ Թանկյանի, Սեբուի ու Միշոյի նոր երգը՝ Introvert (Call Me Crazy). պրեմիերա

Արևուտի դպրոցում կոռուպցիոն բնույթի հանցագործություն է բացահայտվել․ հարուցվել է քրեական գործ (տեսանյութ)