Ատելության խոսքը խոսքի ազատություն չէ․ ԱԺ հանձնաժողովը քննարկում է բռնության կոչերը քրեականացնելու նախագիծը

Ազգային ժողովի պետական-իրավական հարցերի մշտական հանձնաժողովը քննարկում է ՀՀ կառավարության ներկայացրած բռնություն գործադրելու հրապարակային կոչերը քրեականացնելու նախագիծը։

ՀՀ կառավարության ներկայացրած ՀՀ Քրեական օրենսգրքում եւ Քրեական դատավարության օրենսգրքում լրացումներ եւ փոփոխություններ կատարելու նախագծերի փաթեթը վերաբերում է հանրության լայն շրջանակներում քննարկված ատելության խոսքի ամենավտանգավոր դրսեւորման՝ բռնության կոչերի քրեականացմանը։ Նախագծով առաջարկվում է քրեական պատասխանատվություն սահմանել անձի որոշակի հատկանիշով պայմանավորված բռնության կոչերի, բռնության քարոզի եւ բռնությունը հրապարակայնորեն արդարացնելու համար։

Հանձնաժողովում փաթեթը ներկայացնելիս արդարադատության փոխնախարար Սրբուհի Գալյանն ընդգծեց, որ, ըստ նախագծի, բռնության կոչը, քարոզը պետք է պարտադիր լինեն հրապարակային եւ պայմանավորված լինեն անձի կոնկրետ հատկանիշով։

Իսկ կոնկրետ հատկանիշներն են անձի սեռը, ռասան, մաշկի գույնը, էթնիկական կամ սոցիալական ծագումը, գենետիկական հատկանիշները, լեզուն, կրոնը, աշխարհայացքը, քաղաքական կամ այլ հայացքները, ազգային փոքրամասնությանը պատկանելությունը, գույքային վիճակը, հաշմանդամությունը, տարիքը կամ անձնական կամ սոցիալական բնույթի այլ հանգամանքները։

Այս հատկանիշներով պայմանավորված բռնություն գործադրելու հրապարակային կոչերը, նման բռնությունը հրապարակայնորեն արդարացնելը կամ քարոզելը՝ նախագծի ընդունման դեպքում պատժվելու է տուգանքով՝ նվազագույն աշխատավարձի հիսնապատիկից հարյուրհիսնապատիկի չափով կամ կալանքով՝ առավելագույնը երկու ամիս ժամկետով կամ ազատազրկմամբ՝ առավելագույնը մեկ տարի ժամկետով:

Նշյալ արարքները, որոնք կատարվել են մի խումբ անձանց կողմից նախնական համաձայնությամբ կամ կազմակերպված խմբի կողմից կամ պաշտոնեական դիրքն օգտագործելով՝ պատժվելու են տուգանքով՝ նվազագույն աշխատավարձի հարյուրհիսնապատիկից երեքհարյուրապատիկի չափով կամ կալանքով՝ երկուսից երեք ամիս ժամկետով կամ ազատազրկմամբ՝ մեկից երեք տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ մեկից երեք տարի ժամկետով կամ առանց դրա:

Փոխնախարարն իր խոսքում նշեց, որ սա պահանջ է, որը բխում է միջազգային իրավական մի շարք փաստաթղթերից, ընդ որում, պետություններն այսօր քայլեր են ձեռնարկում՝ ընդհանուր ատելության խոսքի հետ կապված իրավակարգավորումները որոշակիացնելու ուղղությամբ․ «Ատելության խոսքը դուրս է խոսքի ազատության սահմաններից»,- ընդգծեց Սրբուհի Գալյանը։

Տպել
902 դիտում

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը

Ռուսաստանի օդային սահմանը փակ է, սակայն կիրականացվի հատուկ չվերթ դեպի Երևան. ՌԴ-ում ՀՀ դեսպան

Հեռավար ուսուցումն իրականացնելու նպատակով ԿԳՄՍՆ-ն Կոտայքի մարզին տրամադրել է համակարգիչներ և պլանշետներ

Արցախի բուժհաստատություններում հիվանդասենյակներ են առանձնացրել կորոնավիրուսով կասկածվողներին մեկուսացնելու համար

Հայաստանի մի շարք շրջաններում ձյուն է տեղում

Կոտայքի մարզում քաղաքացին հոսանքահարվել է էլեկտրասյան վրա և մահացել

Հայաստանում կորոնավիրուսով հաստատված հիվանդների թիվը հասավ 822-ի. 52 նոր դեպք է ավելացել

Երեւանի Բագրատունյաց պողոտայի շենքերից մեկի քարերը պոկվել, ընկել են

Այսօր Ծաղկազարդ է՝ մանուկների օրհնության օրն ու Ավագ շաբաթի մեկնարկը

Ջրաշեն գյուղի թռչնաբուծարանի մոտ ավտոմեքենան թեքվել է դեպի ձորը

Բակո Սահակյանի գլխավորությամբ Արցախում կորոնավիրուսի կանխարգելման աշխատանքների հանձնաժողովի նիստ է գումարվել

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել