Հաշմանդամություն ունեցող անձանց համար մատչելի միջավայր չապահովելու համար տուգանքներ են նախատեսվում. օրենքի նախագիծ

Աշխատանքի եւ սոցիալական հարցերի նախարարությունն առաջարկում է վարչական տույժ կիրառել հաշմանդամություն ունեցող անձանց համար մատչելի միջավայր չապահովելու պարագայում։

Գերատեսչությունը մշակել եւ հանրային քննարկման է ներկայացրել «Հաշմանդամություն ունեցող անձանց իրավունքների մասին» օրենքի նախագիծը, որով նախատեսվում է տուգանել, օրինակ, հեռուստաընկերություններին, տնտեսվարողներին, եթե լսողության խնդիրներ ունեցողների համար չապահովեն սուրդո թարգմանություն կամ չստեղծեն տեղաշարժվելու հնարավորություն:

Լսողության խնդիրներ ունեցող անձանց համար տեղեկատվության մատչելիության նվազագույն պահանջները չապահովելու դեպքում նախագծով առաջարկվում է տվյալ հեռուստաընկերությանը տուգանել 50 հազար դրամով:

Առանձին տնտեսվարողներին 250 հազար դրամի չափով տուգանք է նախատեսվում հանրային նշանակության շենքերի, տրանսպորտային համակարգի շինարարության ու վերակառուցման դեպքում մատչելիության նորմերը չպահպանելու դեպքում։ «Պրակտիկան ցույց է տվել, որ պատասխանատվության մեխանիզմների բացակայության պարագայում իրավական նորմերի արդյունավետությունը նվազում է կամ դրանք չեն գործում»,- ասվում է օրենքի նախագծի հիմնավորման մեջ:

Օրենքն ընդունվելու դեպքում, ըստ նախագծի, պետք է կիրառվի 2021 թվականի սեպտեմբերի 1-ից:

Հանրային քննարկման ներկայացված նախագծում նախարարությունը նշել է՝ «Հաշմանդամություն ունեցող անձանց իրավունքների մասին» օրենքի նախագծով սահմանվել են նորմեր: Դրանք վերաբերում են մասնավորապես բնակավայրերի նախագծման ու կառուցապատման, հանրային նշանակության շենքերի եւ շինությունների, ինչպես նաեւ տրանսպորտային համակարգի շինարարության ու վերակառուցման դեպքում համընդհանուր դիզայնի սկզբունքները չպահպանելուն եւ հաշմանդամություն ունեցող անձանց օգտագործման համար հարմարեցված չլինելուն:

Ըստ նախարարության ընդհանուր եզրակացության՝ հաշմանդամություն ունեցող անձանց մեծ մասը տեղեկացված չէ իր իրավունքների մասին: Նրանց գերակշիռ մասը հաճախ չի պատկերացնում, որ խախտվել են իր իրավունքները կամ դրսեւորվել է խտրական վերաբերմունք իր խնդրի վերաբերյալ:

Հաշմանդամություն ունեցող անձանց իրավունքների հարցերով կոմիտեն իր մտահոգությունն է հայտնել, որ ներպետական օրենսդրությամբ սահմանված մատչելիության վերաբերյալ գործող նորմերն ու չափորոշիչները չեն իրականացվում: Կոմիտեն բավարար չի գնահատել քաղաքաշինության, կառուցապատման եւ հանրային, մասնավորապես՝ տրանսպորտային, տեղեկատվական եւ հաղորդակցման ծառայությունների ոլորտներում խոչընդոտների ու արգելքների վերացմանն ուղղված աշխատանքները:

Կոմիտեին նաեւ մտահոգում է այն փաստը, որ Վարչական իրավախախտումների վերաբերյալ օրենսգիրքը չի նախատեսում պատժամիջոցներ մատչելիության նորմերի եւ չափորոշիչների խախտման համար: «Պրակտիկան ցույց է տվել, որ պատասխանատվության մեխանիզմների բացակայության պարագայում իրավական նորմերի արդյունավետությունը նվազում է, կամ դրանք չեն գործում»,- ասվում է հիմնավորման մեջ:

Տպել
557 դիտում

Թուրքիայում կորոնավիրուսով վարակվածների թիվը շուրջ 10 հազար է. մահերի թիվը հասել է 131-ի

Ոստիկաններին հայհոյել է, հարվածներ հասցրել. 48-ամյա տղամարդը ձերբակալվել է. մանրամասներ (տեսանյութ)

Ավտոմեքենան սահել է ձորը. տուժածներ չկան

Վարչապետի աշխատակազմը հրավիրում է աշխատանքի Կադաստրի կոմիտեում

ԲՏԱՆ հայտարարում է թոքերի օդափոխման սարքերի նախագծման եւ մասնակի արտադրության առաջարկների մասին

Ստեփանծմինդա-Լարս ավտոճանապարհը ձնամաքրման աշխատանքներից հետո բաց է միայն բեռնատարների համար

Վրաստանը և Ռուսաստանը Հայաստանի բեռների համար կապահովեն «կանաչ գոտի». հանդիպում ընկերությունների ղեկավարների հետ

Հնարավոր կլինի օնլայն տեղեկություն ստանալ հաստատված կորոնավիրուսով հիվանդ անձանց շփման շրջանակի վերաբերյալ. Ավինյան

Արցախում կորոնավիրուսի կասկածով մեկուսացված քաղաքացիներ չկան. տեղեկատվական շտաբ

4 ավիաընկերություն այսօր Բելառուսից ու Ռուսաստանից ուղեւորափոխադրումներ կիրականացնի Հայաստան

Ինչպե՞ս կարող է դժգոհություն չլինել, ո՞վ է գոհ այս իրավիճակից. Տավուշի մարզպետ

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել