ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Կինոռեժիսոր Հովհաննես Գալստյանն ահազանգում է, որ ՀՀ կրթության, գիտության, մշակույթի եւ սպորտի նախարարությունը (ԿԳՄՍՆ) դրամաշնորհ է հատկացրել պաշտոնական կեղծիքով ներկայացված ծրագրի: Գումար է տրամադրվել ֆրանսիայում կայանալիք մի փառատոնի մասնակցելու համար այն դեպքում, երբ նախ փառատոնն անց չի կացվում հայտում նշված ժամանակահատվածում եւ հետո տվյալ տվյալ ֆիլմն ընդհանրապես ընդգրկված չէ նշված փառատոնին ներկայացված կինոնկարների ցանկում: 

Նախարարությունն, ըստ Գալստյանի բացահայտման, 2020 թվականի փետրվարի 11-ին դրամաշնորհ է հատկացրել Ֆրանսիայի Մոնտելիմար քաղաքում կայանալիք «Գիրը՝ էկրանին» կինոփառատոնում ռեժիսոր Արամ Շահբազյանի «Մոսկվիչ, իմ սեր» խաղարկային ֆիլմի մասնակցության ծրագրին։ ԿԳՄՍ-ի դրամաշնորհային ծրագրով «Մոսկվիչ, իմ սեր» ֆիլմին հատկացրել է մոտ կես միլիոն դրամ (4 հարյուր 97 հազար դրամ) փետրվարի 21-ին փառատոնի մասնակցելու համար: Սակայն այդ օրն, ըստ Գալստյանի, փառատոն նախատեսված չէ: Մոնտելիմարի «Գիրը՝ էկրանին» կինոփառատոնը անցկացվելու է 2020թ-ի սեպտեմբերի 16-ից-26ը:

«Դրամաշնորհների ծրագիրը, որը նախարարությունը ֆինանսավորում է «Աջակցություն կինեմատոգրաֆին» կետով՝ հստակ կանոնակարգված է, թե ինչի համար պետք է ֆինանսավորվեն՝ կինոփառատոններին կամ կինոշուկաներին մասնակցելու համար: Հիմա այն ծրագիրը, որը ֆինանսավորել է ԿԳՄՍՆ-ն փառատոնի մասնակցելու համար, գոյություն չունի: Այսինքն Մոնտելիմարում կա մեկ փառատոն, որը կազմակերպվում է այս տարվա աշնանը, սակայն «Մոսկվիչ, իմ սեր» ֆիլմի ցուցադրումն այդ ծրագրում չկա»,- ասաց Հովհաննես Գալստյանը:

Նա նաեւ նկատեց, որ փառատոնից դուրս Շահբազյանի ֆիլմի ցուցադրություն ունի այդ նույն քաղաքում, որի համար պետական ֆինանսավորում չի ենթադրվում: «ԿԳՄՍ-ն դրամաշնորհ է հաստատել ոչ թե կինոփառատոնի մասնակցության, այլ Կապանից ավելի քիչ բնակչություն ունեցող ֆրանսիական մի գյուղաքաղաքում ֆիլմի ցուցադրությանը կինոռեժիսորի մասնակցության համար, ինչը ոչ մի կերպ չի բխում ՀՀ պետական բյուջեի «մասնակցություն կինոփառատոներին եւ կինոշուկաներին» կետից»,- նկատեց Գալստյանը:

Ըստ Գալստյանի՝ Ազգային կինոկենտրոնը, գիտակցաբար կեղծիք է թույլ տվել, որովհետեւ եթե նրանք դրամաշնոր ստանալու հայտում ուղղակի նշեին ֆիլմի ցուցադրության համար, այլ ոչ թե փառատոնի մասնակցության, ապա նախարարությունը գումար չէր հատկացնի: «Այստեղ նախարարության սխալն էլ կա, որովհետեւ նրանք պետք է գոնե մտնեին տեսնեին, թե ինչ փառատոն է, եթե մտնեին, ապա կիմանային, որ այդ օրը ոչ մի փառատոն էլ չկա»,- շեշտեց կինոռեժիսորը:

Ռեժիսոր Արամ Շահբազյանը չցանկացավ կատարվածի մասին մեկնաբանություն տալ, նշեց, որ սպասում է փաստաթղթի, կուղարկեն, կնայի՝ կհրապարակի: Ասաց, որ ինքն էլ է զանգել ու բացատրություն ուզել, բայց թե ում է զանգել, կամ ինչ բացատրություն ռեժիսորը չմանրամասնեց: Ավելի ուշ կպարզաբանի:

ԿԳՄՍ նախարարությունից խոստացան կատարվածի վերաբերյալ մեկնաբանություն տրամադրել ավելի ուշ:

Նշենք, որ «Մոսկվիչ, իմ սեր» Ֆիլմի տարածման համար Ազգային կինոկենտրոնը 2019 թվականի Գարնանային նստաշրջանում հատկացրել էր 1 միլիոն դրամ: Ֆիլմը Կինոկենտրոնի «Կինոնկարների նախագծերի մրցույթների անցկացման եւ ֆինանսավորման» մրցույթում պետական ֆինանսավորման ընտրված նախագծերի թվում էր:

Տպել
2185 դիտում

ԱՄՆ-ում սովորող մի խումբ հայ ուսանողներ բաց նամակ են հղել ՀՀ կառավարությանը. դեսպանատունն արձագանքել է

Ժամը 12:00-ին տեղի կունենա կառավարության արտահերթ նիստ, կընդունվի հակաճգնաժամային եւս 3 փաթեթ. վարչապետ

ԱՄՆ-ում կորոնավիրուսից կարող է 100.000 մարդ զոհվել. այդ թվով սահմանափակվելը Թրամփը «հաջողված» կհամարի. CNN

Երգիչ Իգոր Նիկոլաեւի կորոնավիրուսային թեստի պատասխանը բացասական է. օերերս երկկողմանի թոքաբորբով դիմել էր հիվանդանոց

Թուրքիայում կորոնավիրուսով վարակվածների թիվը շուրջ 10 հազար է. մահերի թիվը հասել է 131-ի

Ոստիկաններին հայհոյել է, հարվածներ հասցրել. 28-ամյա տղամարդը ձերբակալվել է. մանրամասներ (տեսանյութ)

Ավտոմեքենան սահել է ձորը. տուժածներ չկան

Վարչապետի աշխատակազմը հրավիրում է աշխատանքի Կադաստրի կոմիտեում

ԲՏԱՆ հայտարարում է թոքերի օդափոխման սարքերի նախագծման եւ մասնակի արտադրության առաջարկների մասին

Ստեփանծմինդա-Լարս ավտոճանապարհը ձնամաքրման աշխատանքներից հետո բաց է միայն բեռնատարների համար

Վրաստանը և Ռուսաստանը Հայաստանի բեռների համար կապահովեն «կանաչ գոտի». հանդիպում ընկերությունների ղեկավարների հետ

Հնարավոր կլինի օնլայն տեղեկություն ստանալ հաստատված կորոնավիրուսով հիվանդ անձանց շփման շրջանակի վերաբերյալ. Ավինյան

Արցախում կորոնավիրուսի կասկածով մեկուսացված քաղաքացիներ չկան. տեղեկատվական շտաբ

4 ավիաընկերություն այսօր Բելառուսից ու Ռուսաստանից ուղեւորափոխադրումներ կիրականացնի Հայաստան

Ինչպե՞ս կարող է դժգոհություն չլինել, ո՞վ է գոհ այս իրավիճակից. Տավուշի մարզպետ

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները