Հայ ազատոճայինները 1 մեդալ նվաճեցին ԵԱ-ում, «Ռոման» պարտվեց, «Սիթին» ու ռուս մարզիկները սկանդալի կենտրոնում են

Համաշխարհային սպորտում անցած հանգստյան օրերը միայն ֆուտբոլային իրադարձություններով չէ, որ առանձնացան: Հայաստանյան մարզասերների համար կարեւոր էր ըմբշամարտի Եվրոպայի 2020թ. առաջնությունը, որի վերջին օրերին հանդես եկած ազատոճայինները կվերադառնան բրոնզով: Նրանց այդ միակ մեդալը երեկ՝ փետրվարի 16-ին՝ մրցաշարի մրցումային վերջին օրը, նվաճել է Եվրոպայի անցած տարվա չեմպիոն Արսեն Հարությունյանը (61):

Բրոնզե մեդալի համար գոտեմարտում նա առավելության հասավ հույն Գեորգիոս Պիլիդիսի նկատմամբ (10-0): Այս գոտեմարտում Հարությունյանն աչքի ընկավ գովելի արարքով: Դրվագներից մեկում մրցակիցը վնասվածք ստացավ, եւ դա նկատելով՝ նա անմիջապես փորձեց օգնություն ցույց տալ, ու երբ բժիշկները վերջացրին իրենց աշխատանքը, նա Պիլիդիսին օգնեց կանգնել:

Հարությունյանը պայքարն սկսել էր որակավորման փուլից: 2 հաղթանակ տանելուց հետո կիսաեզրափակչում զիջել էր ռուս Ալեքսանդր Բոգոմոեւին, որն էլ ի վերջո չեմպիոն դարձավ:  

ՀՀ ազատոճայինների ընտրանու կազմում երեկ մեդալ կարող էին նվաճել եւս 3 ըմբիշներ: Հովհաննես Մխիթարյանը (86կգ) սփոփիչ գոտեմարտում պարտվեց գերմանացի Լարս Շաֆելին (2-7): Մարզպեպ Գալստյանը (92կգ) բրոնզե մեդալի համար գոտեմարտում զիջեց Բելառուսը ներկայացնող Ամարհաջի Մահամեդովին (1-7): 125կգ քաշային կարգում ՀՀ-ն ներկայացնող Լեւան Բերիանիձեն նույնպես 3-րդ տեղի համար պայքարում պարտվեց: Զիջեց ադրբեջանցի Ջամալադին Մագոմեդովին (2-4):

Ազատոճայինների երեկվա ելույթներով Եվրոպայի 2020թ. առաջնությունն ավարտվեց: Այս մրցաշարում Հայաստանը ներկայացված էր նաեւ հունահռոմեականների մրցումներում, որից վերադարձավ մեդալների մեծ պաշարով: Եվրոպայի առաջնություններում իր 5-րդ ոսկին նվաճեց օլիմպիական չեմպիոն, աշխարհի եռակի չեմպիոն Արթուր Ալեքսանյանը (97կգ): Իր կարիերայում առաջին անգամ Եվրոպայի չեմպիոն դարձավ Գեւորգ Ղարիբյանը (60կգ): Կարեն Ասլանյանն (67կգ) ու Կարապետ Չալյանն էլ (77կգ) բրոնզեմեդալակիր դարձան:

Շաբաթ-կիրակի օրերին տեղի ունեցան նաեւ ֆուտբոլային ազգային առաջնությունների հերթական տուրերի մի շարք հանդիպումներ: Ա Սերիայի 2019-20 մրցաշրջանում «Ռոման» կրկին միավորներ կորցրեց: 24-րդ տուրում հյուրընկալվելիս զիջեց 4-րդ տեղի համար պայքարում իր հիմնական մրցակցին՝ «Ատալանտային» (1:2): ՀՀ հավաքականի կիսապաշտպան Հենրիխ Մխիթարյանը մասնակցեց ողջ հանդիպմանը:

Առաջնության վերջին 4 խաղերում սա «գայլերի» 3-րդ պարտությունն էր: 1 անգամ էլ թիմը ոչ-ոքի է խաղացել, այսինքն՝ 4 խաղում 12 հնարավորից վաստակել է միայն 1 միավոր: Այս պահին 39 միավորով մրցաշարային աղյուսակի 5-րդ տեղում է եւ 4-րդ տեղում գտնվող «Ատալանտային» արդեն զիջում է 6 միավորով:

Վերջին օրերին ֆուտբոլային աշխարհի քննարկման հիմնական թեմաներից մեկը «Մանչեստեր Սիթին» է: ՈՒԵՖԱ-ն հայտնել է, որ 2012-16թթ. «քաղաքայինները» խախտել են ֆինանսական ֆեյր-փլեյի կանոնները, չարաշահումներ են թույլ տվել, եւ ակումբին զրկել է 2020-21 եւ 2021-22 մրցաշրջաններում եվրագավաթներին մասնակցելու իրավունքից: Բացի այդ՝ տուգանել է 30 մլն եվրոյով: Այս լուրը տարածվել էր անցած շաբաթվա վերջում, իսկ հետո զարգացումներ եղան: Բրիտանական լրատվամիջոցները գրում են, որ «Սիթին» կարող է զրկվել նաեւ 2013-14 մրցաշրջանում նվաճած Անգլիայի Պրեմիեր լիգայի չեմպիոնի տիտղոսից, նրանից կարող են հանել առաջնությունում վաստակած միավորները, կարող է նաեւ հայտնվել անգլիական, այսպես ասած, 2-րդ ուժեղագույն դիվիզիոնում՝ Չեմպիոնշիփու: Այս ամենի հետ մեկտեղ սպասվում է, որ եվրագավաթներին չմասնակցելու պատճառով ակումբը ֆինանսական լուրջ կորուստներ կկրի. շուրջ 300 մլն եվրո կկորցնի: «Սիթին» պատրաստվում է դիմել Մարզական արբիտրաժային դատարան:

Պատժամիջոցների է շարունակում ենթարկվել նաեւ ռուսական սպորտը: Բիաթլոնի օլիմպիական կրկնակի չեմպիոն Եվգենի Ուստյուգովը որակազրկվել է հակադոպինգային կանոնները խախտելու համար: Խախտումը վերաբերում է 2010-14թթ.: Մարզիկը զրկվել է Սոչի 2014-ի ոսկե մեդալից: Նշվում է, որ նա բողոքարկելու է որոշումը Մարզական արբիտրաժային դատարան: Եթե որակազրկումը չեղարկել չհաջողվի, Ռուսաստանը կկորցնի Սոչի 2014-ում թիմային հաշվարկով զբաղեցրած առաջին տեղը, ու այն կզբաղեցնի Նորվեգիայի օլիմպիական հավաքականը:

Տպել
549 դիտում

78-ի կոալիցիան. Իսրայելը դուրս է գալիս քաղաքական ճգնաժամից

Ապրիլի 10-ից քաղաքացիները կարող են դիմել առցանց եւ ստանալ նախատեսված սոցիալական աջակցությունները

ԱՀ ոստիկանությունը ստուգումներ է իրականացնում Քաշաթաղի շրջանի Մուշ համայնքում տեղի ունեցած միջադեպի վերաբերյալ

Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Տավուշում կարտոֆիլի բարձրորակ տնկանյութի բավարարման նպատակով մարզպետարանը հավաքագրել է անհրաժեշտ տեղեկությունները

«Գյումրի» ԲԿ բժիշկները մասնակցել են COVID-19-ի կանխարգելմանն ու բուժմանն ուղղված օնլայն դասընթացներին

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը

Երեկ գիշերը միջադեպ է տեղի ունեցել Քաշաթաղի շրջանի Մուշ համայնքում. գյուղապետին եւ այլ մասնակիցներին բերման են ենթարկել

Կայացել է ՈՒԵՖԱ-ի անդամ ասոցիացիաների գլխավոր քարտուղարների քննարկումը

Աշխարհը հումորի շատ հետաքրքիր զգացում ունի․ այսօր ապրիլի 1-ն է

Քննարկվել են կորոնավիրուսի հետևանքների չեզոքացմանն ուղղված միջոցառումների իրականացման ընթացքը և աջակցության նոր ծրագրերը

Շիրակի մարզպետարանի աշխատակիցները հրաժարվել են մարտի պարգևավճարից. 8 մլն դրամն այլ նպատակի կուղղվի

Վարչական վարույթի մասնակիցները հանձնաժողովի նիստերին առցանց մասնակցելու հնարավորություն ունեն. ՏՄՊՊՀ

Արմեն Սարգսյանը ուղերձ է հղել Արցախի Հանրապետությունում կայացած համապետական ընտրությունների առթիվ

Սահմանափակումների նոր ռեժիմ է մտնում նաև աշխատանքի վայր այցելող անձանց համար. կայացել է պարետատան նիստը

2-րդ զորամիավորումում անցկացվել է կրակային պատրաստության պարապմունք․ ՊՆ

ՖԻՖԱ-ն 2.74 միլիարդ դոլար պահուստային գումար ունի. օգնելու է ֆուտբոլի ֆեդերացիաներին. The New York Times