Թոխատյանին տրված «Կանազ» մշակույթի կենտրոնը վերջնական տեսքի բերելու համար մոտ 3.5 միլիոն ԱՄՆ դոլար է պահանջվում

2017 թվականի հոկտեմբերին Երեւանի ավագանու որոշմամբ՝ Հրանտ Թոխատյանի «Արվեստի այբուբեն» հիմնադրամին է փոխանցել «Կանազ» մշակույթի կենտրոնը: Պարզվում է՝ կենտրոնի շինարարական աշխատանքներն սկսվել են միայն 2019 թվականի աշնանը: Դեռ փոքր չափի աշխատանք է արված:

Այսօր լրագրողների հետ զրույցում հիմնադրամի տնօրեն, ՀՀ ժողովրդական արտիստ Հրանտ Թոխատյանը հայտնեց, որ կենտրոնի աշխատանքներն սկսելուց հետո պարզվել է, որ շենքը շատ վատ վիճակում է: «Վթարային վիճակում է շենքը, բացի դա՝ տանիքի հետ խնդիրներ կան, որոնք առաջացան վերջերս: Ըստ այդմ՝ նաեւ ավելացել է ծախսվելիք գումարը»,- ասաց նա:

Թոխատյանը նկատեց, որ բավականին ժամանակ են կորցրել եւ այլեւս չէին կարող նստել ու սպասել, որ ինչ-որ մեկը կգտնվի ու ձեռք կպարզի. սկսել են իրենց ունեցած գումարով:

Հիմնադրամին փոխանցումներ են արվել: Աշխատանքներն սկսված են եւ ինտենսիվ շարունակվում են: Ճարտարապետները, շինարարները խոստացել են, որ եթե ամեն ինչ ընթանա այն գրաֆիկով, որը կազմել են, ապա աշխատանքները 1.5 տարում կավարտվեն: «Երեւանում կունենանք եւս երկու նոր բեմ, որովհետեւ մենք այդ շենքում ունենք փոքր եւ մեծ բեմեր: Դպրոցը լինելու է շենքի առաջին հարկում, որն ավելի վաղ կգործի, քան մեծ բեմը: Այն պատրաստ կլինի այս տարվա սեպտեմբեր ամսից:

Թոխատյանը հայտնեց, որ դպրոցին կից փոքր բեմը հիմնականում երեխաների համար է ծառայեցվելու, լինելու է 5-ից 10 տարեկան, 10-ից 15 տարեկան եւ 15-ից բարձր խմբերի համար: Այն նաեւ տրամադրվելու է ուսանողական աշխատանքների եւ երիտասարդ ռեժիսորների գործերի համար: Բոլոր արժանիներն այստեղ կունենան ազատ ստեղծագործելու հնարավորություն: «Իսկ մեծ բեմը կլինի մեր ստեղծագործությունները ներկայացնելու եւ մեզ պես մարդկանց համար, որոնք ստեղծագործում են, բայց տարածք չունեն:

Թոխատյանն ավելի վաղ «Հայկական ժամանակի» հետ զրույցում ասել էր, որ Երեւանի քաղաքապետարանի հետ բանակցում է 10 տարով իրեն տրված կենտրոնի ժամկետները երկարաձգելու ուղղությամբ: «Ցավոք սրտի, բանակցությունները դեռ ընթացքի մեջ են. ժամկետը դեռ չի երկարացվել: Երեւանի քաղաքապետարան նամակ գրեցի, ունեցանք հանդիպում, հույս ունեմ՝ ընդհանուր հայտարարի կգանք: Այս պահին փնտրում ենք նոր գործընկերներ, որն այնքան էլ հեշտ չէ, բայց կան մարդիկ, որոնք պատրաստ են համագործակցել»,- ասաց նա:

Մեր հարցին, թե այս պահին ընթացող աշխատանքների համար գոնե բավարար միջոցներ կան, վերջինս հայտնեց, որ իրենց գրպաններից են տրամադրել, նախնական աշխատանքների համար գումարը բավարարում է: «Մեզ է միացել շատ լավ գործընկեր եւ բարերար Անդրանիկ Բաղդասարյանը»,- ասաց նա:

Թոխատյանը հայտնեց, որ այս պահին ծախսվել է մոտավորապես 60 հազար ԱՄՆ դոլար: Պետական աջակցության համար վերջինս չի դիմել, չի էլ ակնկալում որեւէ աջակցություն. «Կարծում եմ՝ շատ ուրիշ տեղեր կան, որտեղ ավելի է պետք, որ պետությունը ծախսի»: Ըստ նախնական հաշվարկների՝ կենտրոնի վերջնական տեսքի եւ լիարժեք շահագործման համար անհրաժեշտ է մինչեւ 3.5 միլիոն ԱՄՆ դոլար:

Տպել
1861 դիտում

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան

Սերժ Թանկյանի, Սեբուի ու Միշոյի նոր երգը՝ Introvert (Call Me Crazy). պրեմիերա

Արևուտի դպրոցում կոռուպցիոն բնույթի հանցագործություն է բացահայտվել․ հարուցվել է քրեական գործ (տեսանյութ)

«Բարև, Ավո ջան, ո՞նց ես»

ՀՖՖ-ն հայկական ակումբներին կտա հովանավորչական գումարները

Շարունակվում են նորակոչիկ զինծառայողների պատրաստության ծրագրով նախատեսված պարապմունքները

Երևանի քաղաքապետարանը 500 նոր վերելակ ձեռք կբերի. հայտարարվելու է մրցույթ

Չգիտենք՝ այս իրավիճակն ինչքան կշարունակվի, որքան ժամանակ մարդիկ աջակցության կարիք կունենան. մեր ռեսուրսներն անսպառ չեն

Իսպանիայում նախատեսում են ֆուտբոլային մարզումների վերսկսումը. El País

Ֆինանսական աջակցության հաշվին ժամը 18:00-ի դրությամբ 856 մլն 253 հազար դրամի մուտք է առկա

Գյումրիում ծաղիկներ են խոնարհվել ապրիլյան պատերազմի նահատակների շիրիմներին

Ավազակային հարձակում Սյունիքում․ Սիսիանի ոստիկանները բացահայտել են ծանր հանցագործությունը (տեսանյութ)

Անկախ նրանից՝ օգնության կարիքը կորոնավիրուսի հետեւանքով է, թե ոչ, փորձում ենք օգնել 105 հազար մեր շահառուից ցանկացածին

Կառավարությունում քննարկվել են ներդրումային քաղաքականության խթանման ուղղությամբ անելիքները

Կոչ ենք անում զերծ մնալ ուժի կիրառումից. Զախարովան մեկնաբանել է ադրբեջանական կողմի դիվերսիոն փորձը

ՀՀ պաշտպանության նախարարին ներկայացվել են «Զինուժ Մեդիայի» վերազինման աշխատանքները

«Սուրբ Գրիգոր Լուսավորիչ» ԲԿ-ի բժիշկները վերապատրաստումներ են անցել․ պատրաստ են ընդունելու COVID-19-ով վարակված անձանց

Բակո Սահակյանը ՊԲ հրամանատարության մասնակցությամբ Թալիշում խորհրդակցություն է անցկացրել