Սերժ Սարգսյանի «բանակցային դիրքերը» մոռացվեցի՞ն

Աղմկահարույց դատավարություններն ու Սահմանադրական դատարանի շուրջ ստեղծված իրավիճակը մի տեսակ երկրորդ պլան մղեցին ղարաբաղյան կարգավորման վերաբերյալ վարչապետ Փաշինյանի կապանյան դիտարկումներն ու Արցախի նախագահի թեկնածուների արձագանքները: Կապանում Փաշինյանը ներկայացրել էր, թե ինչ «ժառանգություն» է թողել Սերժ Սարգսյանը բանակցային գործընթացում, եւ նրա կոչին հետեւելով՝ ԼՂՀ քաղաքական ուժերի ղեկավարներն ու նախագահի թեկնածուները հայտարարել էին, որ կտրականապես դեմ են կարգավորման այդ տրամաբանությանը: Այլ կերպ ասած՝ տասը տարի շարունակ Սերժ Սարգսյանը բանակցություններ էր վարում մի տարբերակի շուրջ, որը բացարձակապես անընդունելի է ԼՂՀ (եւ վստահաբար՝ նաեւ ՀՀ) քաղաքական ուժերի եւ հասարակության համար:

Սերժ Սարգսյանը, հասկանալի է, ոչինչ չպատասխանեց: Ի՞նչ պատասխաներ: Փոխարենը նրա կուսակցության խոսափողները չտեսնված պաթոսով հայտարարեցին, թե Սերժ Սարգսյանը հող հանձնող չէ, նա այդ 8 հազար քառակուսի կիլոմետրն ազատագրողն է: Այդպես է, թե ոչ՝ այլ հարց է, որովհետեւ կարելի է, իհարկե, խոսել հաղթանակներում նրա ունեցած լուրջ ներդրման մասին, կարելի է խոսել նաեւ այն մասին, թե ինչպես էր նա պատերազմի ամենածանր ամիսներին թռել Մոսկվա, ու ինչպես մի կերպ գտան-հետ բերեցին, բայց խնդիրը միայն սա չէ: Խնդիրն այն է, որ «նա հող հանձնող չէ, հող ազատագրող է» արտահայտությունն իրականում ոչ թե պատասխան է, այլ պատասխանից խուսափելու փորձ: Բա որ հող հանձնող չէ, տասը տարի շարունակ ինչի՞ շուրջ էր բանակցում՝ լավ իմանալով, որ Արցախում առանց բացառության բոլորը դեմ են որպես բանակցությունների հիմք ընդունված այդ փաստաթղթին:

Լավ, ենթադրենք՝ ձեւի համար էր բանակցում: Այսինքն հենց այնպես համաձայնվում էր ինչ-որ զիջումների՝ լավ իմանալով, որ Արցախը, միեւնույն է, չի համաձայնվելու, եւ վերջնական փաստաթուղթը չի ստորագրվելու: Այլ կերպ ասած՝ ժամանակ էր ձգում: Դա էլ է տարբերակ, բայց՝ միայն մի դեպքում. եթե այդ այդ ժամանակը հակառակորդիցդ ավելի արդյունավետ ես օգտագործում, ավելի ես ամրապնդում երկրիդ ռազմական ու տնտեսական դիրքերը եւ դրանով իսկ նվազագույնի ես հասցնում նոր պատերազմի հավանականությունը: Հարց է ծագում՝ իսկ Սերժ Սարգսյանին դա հաջողվե՞ց: Ճիշտ հակառակը՝ հենց նրա նախագահության տարիներին էր, որ Ադրբեջանը մի քանի միլիարդ դոլարի ժամանակակից սպառազինություն ձեռք բերեց, մեր նկատմամբ որոշակի առավելություն ստացավ ու սանձազերծեց ապրիլյան պատերազմը: Լավ, ենթադրենք օբյեկտիվ պատճառներ էլ կային՝ նավթի միջազգային գները շատ բարձր էին, Ադրբեջանն էլ փող շատ ուներ: Բայց նավթի գնե՞րն էին պատճառը, որ նրա նախագահության տարիներին Հայաստանից 340 հազար մարդ արտագաղթեց:

Մի խոսքով՝ եթե անգամ Սերժ Սարգսյանը ձեւական բանակցություններ էր վարում եւ իրականում ընդամենը ժամանակ էր ձգում, դա նրան չի արդարացնում, որովհետեւ ժամանակը ցույց տվեց, որ դրանից Ադրբեջանն ավելի շատ շահեց, քան մենք: Պարզ ասած, ինչպես կասեր հայտնի քաղաքական գործիչը, «դա ավելին էր, քան հանցագործությունը. դա սխալ էր»:

Իսկ ի՞նչն է փոխվել Սերժ Սարգսյանի պաշտոնանկությունից հետո: Փոխվել է «ընդամենը» երկու բան: Առաջին՝ հայկական կողմը առարկայական բանակցություններ չի սկսում, քանի դեռ հստակ չէ, թե ինչպես է ադրբեջանական կողմը պատկերացնում միջնորդների առաջ քաշած սկզբունքները: Երկրորդ՝ հայկական կողմը եռանդուն քայլեր է անում տնտեսությունն ու բանակը մոդեռնիզացնելու ուղղությամբ, այսինքն՝ անում է ամեն ինչ, որպեսզի գոնե հիմա ժամանակը մեր օգտին աշխատի: Ու որոշակի հաջողություններ կան: Ցանկալի կլիներ, իհարկե, որ ավելի շատ լինեին, բայց հիմա գոնե հասկանալի է, թե որն է նպատակը:

Տպել
1381 դիտում

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել

Զոհրաբ Մնացականյանը երախտագիտություն է հայտնել ԱՄՆ-ին կորոնավիրուսի դեմ պայքարում աջակցության համար

Արցախի ընտրություններին մասնակցել է ընտրողների 72.7 տոկոսը. ամենացածր մասնակցությունը գրանցվել է Երեւանի տեղամասում

Ժամը 18:30-ի դրությամբ գանձապետարանում բացված ֆինանսական աջակցության հաշվի մուտքերը կազմել են 813 մլն 144 հազար դրամ

Կորոնավիրուսի հաստատված դեպքով եւս մեկ քաղաքացի այսօր վերակենդանացման բաժանմունքից տեղափոխվել է բուժական բաժանմունք