Մեր նպատակն այն է, որ ընդհանրապես չունենանք ինքնասպանություններ․ եթե ձեւը գիտեք, ասեք․ Արտակ Դավթյան

Ապրիլյան պատերազմի հանգամանքներն ուսումնասիրող խորհրդարանական քննիչ հանձնաժողովի այսօրվա հյուրը՝ ՀՀ ԶՈՒ ԳՇ պետ Արտակ Դավթյանը, ավելի քան 3 ժամ տեւած նիստից հետո լրագրողների հետ զրույցում անդրադարձավ նաեւ վերջին շրջանում բանակում 4 զոհերի դեպքերին: Դիտարկմանը, որ իրավապաշտպանները քննադատություններ են հնչեցնում, նշում, որ այս առումով ԶՈՒ-երում դրական տեղաշարժ չկա, ԳՇ պետը պատասխանեց․

«Իրավապաշտպանները կամ ցանկացած քննադատող դասակի հրամանատարի մակարդակով եթե մեկը ծառայեր, այդպես չէր ասի, նույն իրավապաշտպանները թող աջակցեն կամ գան, տեսնենք`ոնց են անելու. ամեն օր ունենք կամրջից ընկած, շմոլից խեղդված, հասարակությունն է այդպես»,- ասաց նա՝ հավելելով, որ այլ երկրներ, որոնք ունեն հզոր բանակներ, ինքնասպանությունների դեպքեր գրանցվում են։

Միեւնույն ժամանակ, Դավթյանը պարզաբանեց, որ սրանով, իհարկե, չեն արդարացնում իրավիճակը, կան բացթողումներ, սակայն իրենք տեսնում են խնդիրները ու շատ լավ գիտակցում․

«Վարչապետը հայտարարեց, որ անցած տարի ամենաքիչ զոհերը եղան, աղմուկ բարձրացավ, ի՞նչ անենք, ասենք` շա՞տ է, հանգստանա՞ք։ Մեր նպատակն այն է, որ ընդհանրապես չունենանք ինքնասպանություններ․․․ եթե ձեւը գիտեք՝ ասեք: Ի՞նչ եք առաջարկում` հիմա էլ բանակում տեղի ունեցող ինքնասպանություններն ասենք հակառակորդի կողմի՞ց է եղել։ Ի դեպ, 2018-ին եւ 2019–ին ինքնասպանությունների թիվը նույնն է մնացել»,–ասաց Դավթյանը։

Նա նշեց, որ բոլոր դժբախտ դեպքերի հետ կապված էլ քննություն է գնում, ավելին`բանակում տեղի ունեցող որեւէ դեպք չի կոծկվում։ Դավթյանի պնդմամբ՝ Հայաստանի եւ Արցախի բանակում հնարավոր չէ` լինեն մահվան դեպքեր, որոնց մասին չհայտարարվի։

Իսկ ահա ժամկետային զինծառայող Վահրամ Ավագյանի մահվան դեպքի առնչությամբ զորացրված սպաների անունները չեն հայտնում, քանի որ նրանք ոչ թե քրեական պատասխանատվության են ենթարկվել, այլ կարգապահական տույժի: 

Հիշեցնենք, հունվարի 30-ին ՊԲ N զորամասում Վահրամ Ավագյանի մահվան կապակցությամբ ծառայողական քննություն է անցկացվել, որի ընթացքում որոշվել է մի շարք ավագ սպաների, այդ թվում՝ զորամասի հրամանատարի բարոյահոգեբանական ապահովման գծով տեղակալին եւ դիվիզիոնի հրամանատարին զորացրել զինված ուժերի շարքերից:

«Ասենք՝ նշեցինք անուններ ու ասացին` Պողոսը կամ Դավթյանն է զորացրվել, ի՞նչ է փոխվելու։ Բացի այդ, չէ՞ որ նրանք ընտանիքներ ունեն եւ որոշ ժամանակ անց եթե որոշեն դատարանով վիճարկել ու վերականգնել ծառայությունը, ի՞նչ է լինելու»,- ի պատասխան լրագրողի հարցի՝ ասաց Դավթյանը, եւ պնդմանը, թե անուններ ինչու չեն տալիս, որպեսզի հանրության համար էլ ամեն ինչ պարզ լինի, ԳՇ պետն այսպես արձագանքեց․ «Լավ ենք անում»։

Տպել
406 դիտում

Վթար Առինջ-Ջրվեժ ավտոճանապարհին. վարորդը մահացել է

ՄԻՊ-ի դիրքորոշումը՝ հաղորդակցության գաղտնիության իրավունքը սահմանափակող օրինագծերի վերաբերյալ

Արցախի 48 ընտրատեղամասերից քվեարկության ողջ օրը ուղիղ հեռարձակում կլինի

ԱՄՆ-ում կորոնավիրուսի հետեւանքով 3000-ից ավելի մահվան դեպք է արձանագրվել. Reuters

Ոսկեվանում հակառակորդի կրակոցից վիրավորում ստացած երեխան գիշերն արդեն տեղափոխվել էր Երևան. Գեւորգ Դերձյան

Երեւանի քաղաքապետարանի աշխատակազմի մարտ ամսվա պարգեւավճարը կփոխանցվի համայնքային բուժաշխատողներին. քաղաքապետ

ՀՀ զինված ուժերը դիմելու են իրավիճակին համարժեք քայլերի, որի պատասխանատվությունն Ադրբեջանն է կրելու. ՊՆ

Պարետը տեղաշարժի սահմանափակումների որոշումը լրացրել է Արցախի ընտրություններին վերաբերող կետով

14-ամյա երեխայի վիրավորվելու փաստն արձանագրվել է, և միջազգային կառույցներին կուղարկվի հատուկ նամակ․ ՄԻՊ

Արցախում մեկնարկել են նախագահական եւ խորհրդարանական ընտրությունները

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեվանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան