Այլեւս ոչ մեկը քաղաքացուն տեղամաս չի տանելու, նա ինքն է գնալու, իր որոշումը կայացնի․ Վահագն Հովակիմյան

Սահմանադրական փոփոխությունների նախագծի համահեղինակ Վահագն Հովակիմյանը դժվարանում է պատասխանել՝ նախագիծը նախքան հանրաքվեի դնելը պետք է ուղարկել Վենետիկի հանձնաժողով, թե ոչ։ ԱԺ-ում լրագրողների հետ զրույցում Հովակիմյանն ասաց, որ հարցն իր անձնական տիրույթում չէ, այլ ԱԺ նախագահի, որովհետեւ այլեւս ընդունված իրավական ակտ է։

Հիշեցնենք՝ երեկ խորհրդարանում նախագծի քննարկման ընթացքում ԵԽԽՎ համազեկուցողները հանդես եկան հայտարարությամբ՝ կոչ անելով փաստաթուղթն ուղարկել Վենետիկի հանձնաժողով։

Պատգամավոր Հովակիմյանն ասաց, որ «Իմ քայլը» դեռեւս չի հասցրել քննարկել համազեկուցողների հայտարարությունը։

Առհասարակ, Հովակիմյանի պնդմամբ, խոսքը սահմանադրական հանրաքվեի մասին է, ինչը Սահմանադրության 2-րդ անփոփոխելի հոդվածով անփոփոխելի գործընթաց է, ժողովրդի իրացման, ինքնիշխանության գործընթաց․

«Կրկնում եմ՝ ինքնիշխանությունը չպիտի ստորադասվի։ Որպես ՀՀ քաղաքացի՝ միշտ սկսեք ելակետից, որ հանրաքվեն ՀՀ ժողովրդի իշխանության իրացման ուղղակի միջոցն է»։

Պատգամավորի կարծիքով՝ ԵԽԽՎ համազեկուցողների հայտարարությունը չի նշանակում, թե Հայաստանում տեղի ունեցող գործընթացների հետ համաձայն չեն։ Հովակիմյանն օրինակ բերեց, որ նույն ԵԽԽՎ անդամ երկրների 95 տոկոսի մոտ գործում է այն կարգավորումը, որով երեկ առաջնորդվել են․

«ԵԽԽՎ անդամ պետությունների 95 տոկոսի մոտ խորհրդարանն ընդունում է նախագիծը եւ ներկայացնում ժողովրդի հաստատմանը։ Երկրները, որտեղ ՍԴ դիմելու իրավակարգավորում կա, երկուսն են՝ Մոլդովա եւ Ուկրաինա»,- ասաց Հովակիմյանը՝ հավելելով, որ երկու երկրներում էլ ՍԴ-ի հետ կապված ճգնաժամեր են առաջացել։

Նա ասաց, որ Ուկրաինայի ճգնաժամը շատ նման է Հայաստանի ճգնաժամին։ Այնտեղ 2000-ականներին, երբ նախկին նախագահ Լեոնիդ Կուչմայի պաշտոնավարման երկրորդ ժամկետն էր ավարտվում, նա դիմեց ՍԴ՝ պարզելու՝ արդյոք կարող է գնալ երրորդ ժամկետի․

«Դրա արդյունքում Ուկրաինայում հեղափոխություն եղավ, եկավ նոր քաղաքական իշխանություն եւ սկսեց բարեփոխումներ, ՍԴ-ն սկսեց իր գործիքակազմով խանգարել բարեփոխումներին»,- ասաց Հովակիմյանը եւ հավելեց, որ Հայաստանում էլ ՍԴ-ն, ի դեմս Հրայր Թովմասյանի, ապահովել է Սերժ Սարգսյանի իշխանության երկարակեցությունը․

«Որպես պահապան՝ Թովմասյանը գնացել է ՍԴ՝ իշխանության հավերժությունն ապահովելու։ Եղել է հեղափոխություն, եւ ՍԴ-ն, որը պիտի ապահովեր իշխանության երկարակեցությունը, իր գործիքակազմով խոչընդոտել է բարեփոխումներին»։

«Իմ քայլ»-ի պատգամավորն ասաց, որ հանրաքվեի իրականացման համար որեւէ հոդված չի կարող խնդիր առաջացնել։ Ինչ վերաբերում է քննադատություններին, որ փոփոխվելու ներկայացված 213-րդ հոդվածն արդեն իսկ կիրառված անցումային դրույթ է, Հովակիմյանն արձագանքեց, որ որեւէ հոդված իրացված է, եթե նրա որեւիցե փոփոխություն այլեւս չի կարող ազդել իրավակարգավորման դաշտի վրա․

«Երբ հանրաքվեն ընդունվի, փոփոխությունը տեղի ունենա, դրանից հետո 213-րդ հոդվածն ինչպես ուզում է փոփոխվի, ինքը չի կարող ազդել ՍԴ կազմի, մնացած խնդիրների վրա։ Այս դեպքում ամբողջությամբ իրացված կլինի, այսօր այն ընդամենը սահմանում է ժամկետներ»։

Հովակիմյանը համոզվում ունի նաեւ, որ այդ հոդվածը միտումնավոր է մշակված, որպեսզի եթե հանկարծ լինի մի իրավիճակ, որ ՍԴ-ն ինչ-որ հարցում չենթարկվի Սերժ Սարգսյանի իշխանությանը, իրենք օգտագործեն այդ գործիքը։

«ՀՀ օրենսդրության մեջ չի կարող խնդիր լինել ժողովրդի իշխանության իրացման համար, օրենսդրությունը կոչված է ապահովել Սահմանադրության կատարումը»,- շեշտեց պատգամավորը։

«Իմ քայլը», Հովակիմյանի պնդմամբ, վստահություն ունի, որ քաղաքացիները կմասնակցեն հանրաքվեին, սակայն բոլոր հարցերի պատասխանը կստանան հենց այդ օրը․

«Համոզված եմ, որ ժողովուրդը, այլեւս ունենալով լիարժեք իշխանություն, սկսելու է կիրարկել այդ իշխանությունը։ Մարդիկ բոլոր կարեւորագույն հարցերում պետք է գիտակցեն, որ իրենք են որոշում կայացնում, եւ սա այդ հարցերից մեկն է։ Քաղաքացիները հնարավորություն ունեն իրացնել իրենց իշխանությունը, իսկ դա ժողովրդավարության թիվ մեկ սկզբունքն է, որ այլեւս պահպանվելու է»։

Նախագծի համահեղինակը նաեւ իր մտահոգությունը հայտնեց, որ ընդդիմախոսները հանրաքվեն որպես բեռ էին դիտարկում քաղաքացիների համար։ Նրա պնդմամբ՝ հենց այդ մտայնությունն էլ բերել է ընտրությունների կեղծմանը․

«Դե լա՜վ, նեղություն չտանք, լավ դե, քաղաքացին ի՞նչ որոշող ա, չի հասկանա, ու զրկեցին քաղաքացուն իր իրավունքից։ Ի՞նչ է նշանակում՝ տեղամաս տանել․ այլեւս ոչ մեկը քաղաքացուն տեղամաս չի տանելու, նա ինքն է գնալու, իր որոշումը կայացնի։ Եթե ոմանք չեն համակերպվում, կարող են դուրս գալ քաղաքականությունից»,- եզրափակեց Վահագն Հովակիմյանը։

Տպել
920 դիտում

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը

Ռուսաստանի օդային սահմանը փակ է, սակայն կիրականացվի հատուկ չվերթ դեպի Երևան. ՌԴ-ում ՀՀ դեսպան

Հեռավար ուսուցումն իրականացնելու նպատակով ԿԳՄՍՆ-ն Կոտայքի մարզին տրամադրել է համակարգիչներ և պլանշետներ

Արցախի բուժհաստատություններում հիվանդասենյակներ են առանձնացրել կորոնավիրուսով կասկածվողներին մեկուսացնելու համար

Հայաստանի մի շարք շրջաններում ձյուն է տեղում

Կոտայքի մարզում քաղաքացին հոսանքահարվել է էլեկտրասյան վրա և մահացել

Հայաստանում կորոնավիրուսով հաստատված հիվանդների թիվը հասավ 822-ի. 52 նոր դեպք է ավելացել