Նախագծում հակասահմանադրական ընթացակարգեր չկան․ Վլադիմիր Վարդանյանը՝ հետ կանչված օրինագծերի մասին

«Իմ քայլը» խմբակցության պատգամավոր Վահագն Հովակիմյանի եւ ԱԺ պատգամավորների մեկ քառորդի կողմից ներկայացված նախագծում հակասահմանադրական ընթացակարգեր կամ առնվազն լրջագույն խնդիրներ, որոնք կարող են կապված լինել Սահմանադրության այս կամ այն նորմի կիրառման հետ, չկան։ Ազգային ժողովում լրագրողների հետ զրույցում ասաց նույն խմբակցության պատգամավոր, պետական-իրավական հարցերի մշտական հանձնաժողովի նախագահ Վլադիմիր Վարդանյանը։

Խոսքը Սահմանադրության մեջ այնպիսի փոփոխություն անելու նախագծի մասին է, որի ընդունման դեպքում ՍԴ 7 անդամների լիազորությունները կդադարեն։ Այս եւ մի քանի այլ օրենքներում փոփոխություն կատարելու նախագծերն այսօր պետք է քննարկվեին արտահերթ նիստում, սակայն ԱԺ նախագահ Արարատ Միրզոյանը հայտարարեց, որ տեխնիկական խնդիրների պատճառով նախագծի հեղինակը դրանք հետ է կանչել՝ համանման նախագիծ ներկայացնելու մտադրությամբ։ Նոր նիստ գումարելու հարցն այս պահին քննարկվում է ԱԺ խորհրդի նիստում։

Վլադիմիր Վարդանյանը լրագրողների հետ զրույցում պարզաբանեց, որ եթե նախագծի հեղինակը հայտնաբերում է որեւէ տեսակի, նույնիսկ՝ տեխնիկական խնդիր, որը կարող է իրավական որոշակիության առումով խնդիր առաջացնել, պարտավորություն է կրում շտկել այդ սխալները։ Այդ ընթացակարգերից մեկն էլ նախագիծը հետ կանչելն ու նույնաբովանդակ նախագիծը շրջանառության մեջ դնելն է։

Պատգամավորի խոսքով՝ տեխնիկական խնդիր կարող է լինել ժամկետը, ստորակետը, բութը, «Նորմատիվ իրավական ակտերի մասին» օրենքում նախատեսված պահանջներին չհամապատասխանելը եւ այլն։

Ինչ վերաբերում է հարցին, թե ինչու ինքը՝ որպես իրավաբան ու նույն ֆրակցիայի պատգամավոր, չի միացել նախաձեռնությանը, Վլադիմիր Վարդանյանը պատասխանեց, որ ՀՀ-ում չէր եւ ֆիզիկապես ուղղակի չէր կարող։ Պատգամավորը չի հասկանում եւ չի էլ ուզում հասկանալ, թե ինչու են քննարկումներ սկսվել հարցի շուրջ, այս կամ այն պատգամավորն ինչու չի ստորագրել նախագծի տակ․

«ԱԺ պատգամավորն իրավունք ունի ստորագրել կամ չստորագրել որեւէ նախագծի տակ։ ԱԺ պատգամավորների մեկ քառորդը կարող է նախագիծ հեղինակել, որեւէ արտառոց դեպք տեղի չի ունեցել»,- ասաց նա։

Իսկ սահմանադրականության վերաբերյալ հարցին՝ Վարդանյանը պատասխանեց, որ նման խնդիրները, ըստ էության, ի հայտ են գալիս երկու պարագայում․ կա՛մ ի սկզբանե կան, կա՛մ պարզվում են իրավակիրառ պրակտիկայի արդյունքում․

«Կարո՞ղ եք երաշխավորել, որ որեւիցե փուլում որեւէ ԱԺ-ի կողմից ընդունվել է որեւէ նախագիծ, որը պարունակել է կամ չի պարունակել սահմանադրական կամ հակասահմանադրական որոշում»,- հարց հնչեցրեց պատգամավորը՝ հավելելով, որ գործ ունենք ընդամենը նախագծի հետ: Այն դեռ նույնիսկ չի էլ քննարկվել, սակայն դրա վերաբերյալ արդեն տարատեսակ մեկնաբանություններ են հնչում․

«Թույլ տվեք գոնե քննարկել եւ տալ եզրակացություն»։

Տպել
591 դիտում

Շուշիի քրեակատարողական հիմնարկում քվեարկությունը կմեկնարկի ժամը 11:00-ին

Կաշառք, սպանության փորձ, ծեծ, մաքսանենգություն, լիազորությունների չարաշահում. ոստիկանության ամփոփագիրը

Վթար Առինջ-Ջրվեժ ավտոճանապարհին. վարորդը մահացել է

ՄԻՊ-ի դիրքորոշումը՝ հաղորդակցության գաղտնիության իրավունքը սահմանափակող օրինագծերի վերաբերյալ

Արցախի 48 ընտրատեղամասերից քվեարկության ողջ օրը ուղիղ հեռարձակում կլինի

ԱՄՆ-ում կորոնավիրուսի հետեւանքով 3000-ից ավելի մահվան դեպք է արձանագրվել. Reuters

Ոսկեվանում հակառակորդի կրակոցից վիրավորում ստացած երեխան գիշերն արդեն տեղափոխվել էր Երևան. Գեւորգ Դերձյան

Երեւանի քաղաքապետարանի աշխատակազմի մարտ ամսվա պարգեւավճարը կփոխանցվի համայնքային բուժաշխատողներին. քաղաքապետ

ՀՀ զինված ուժերը դիմելու են իրավիճակին համարժեք քայլերի, որի պատասխանատվությունն Ադրբեջանն է կրելու. ՊՆ

Պարետը տեղաշարժի սահմանափակումների որոշումը լրացրել է Արցախի ընտրություններին վերաբերող կետով

14-ամյա երեխայի վիրավորվելու փաստն արձանագրվել է, և միջազգային կառույցներին կուղարկվի հատուկ նամակ․ ՄԻՊ

Արցախում մեկնարկել են նախագահական եւ խորհրդարանական ընտրությունները

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է